Hosea 5:9 - Katɔti Ɔku Kedee

⁹ Ami Unwoti ndubo mbani Israel kɔtu na lɛyila-ma udu ƒui. Na ɔmɛni ɔdi kenye kpakplaa kani na muusé teete Israel adua ammɔ ɔdi biala.

Hosea 5:9 ပူးပေါင်းရင်းမြစ်များ

Hiob 12:14

Na lɛla lɛni na Unwoti úbile ni, ukyuli ɔdi uuubo na wasɔku-ni waklibi. Lɛni kani na si úbo badi lɛkpu ɔ́kya kesii kadi ni, na ɔdi ulakana-ma budie.

Yesaia 37:3

Na kenye kani na Hesekia ɔ́su-ma ɔnii batásu-nwu ndi ɔnini, “Ɔmwi limeyi lɛmɛni lɛdi kɔnyana limeyi geen ɔni na bédumi-bu na béwi-bu anumi kalɔ. Na buunú ɔlɛ aani uwi ɔni na kawɔƒɔ ubi údu bɔwɔ, nsu ɔyikun ɔ́sa ɔƒɔndane ɔmmɔ na ukyuli ɔni na ɔƒɔ ute-nwu uuubo.

Yesaia 46:10

Lɛla biala kalɔ kesekɔ ƒui na lɛ́su líse ala ani ndubo abálɛ asa na aalɛ́ ɔmwi na bɛɛnu. Na ɔɔtina ka lɛ́di mina litemi lɛlɔ.

Yesaia 48:3

Lɛ́su-mii ala ani ndubo abálɛ ɔ́si kukuuku na lɛ́kɔ-nya lɛsa líte-mii ku mina kenye na lɛ́bla lɛni sɔsɔ kɔnakunwi na ébo éte lɛni.

Yesaia 48:5

Na lɛ́su-mii ɔmɛni ƒui líse kalɛ na si uwi ɔni na ébo aalɛ́ ni, na bilasu bɛnini, ‘Baƒiɔ bani na bɔɔkpá nábla ala ammɔ.’

Yesaia 7:16

Nsu asa na ɔdubɔti likpidi ku lɛbuni kavumana ni, baga inyɔ bani na aayia geen na badi Israel ku Aram baga mmɔ béekpi bábavi.

Hosea 5:12

Na ɔƒaani ni, ami Unwoti ndubɔya na beklubi baƒɔ Israel kadi bekyuli lɛlɔ kemmo na bebun.

Hosea 5:14

Anwuɔsu ndubo-ma lɛlɔ aani gyata ɔni na anumi égyie-nwu geen ku kɔnyi na lɛduli-ma ligyingya kɔkɛ kɔkɛ lɛtɔlɔku. Na ɔdi uuubo na ɔkana-mi lɛla lɛdi buye iye utile-mi kuƒi.

Hosea 7:12

Nsu ndubo-ma budie na mina asawu kemmo aani kalɛ na ɔgbini uudie aasɛ na kamia kemmo na lɛni-ma kɔtu kalɛ na lɛ́su ka ndubo bɔbla kalɛ.

Hosea 8:8

Israel amii ɔdi ɔ́sa, na kadi bamba bekyuli badubo-mii bɔnu ka bɛɛɛdi lɛla lɛdi.

Hosea 9:7

Israelƒuɔ, bina kɔtu bɔni uwi údu ka bɛƒɔ ala ani ƒui na bɛ́bla kayu na amii alati bɛdubɔnu bɔti. Amii mɔɔsu bɛnii, “Katɔti kenye bediene bádɔlɔ na nwuna batu beekpi libuo.” Na bina ekpidi pii ani na bɛɛbla áya na bíti-mi bukisi geen.

Amos 3:7

Na Katɔti ulábla lɛla lɛdi ntu ɔ́ka nwuna kenye udiene bɔsu.

Amos 7:17

“Unwoti ɔnini, ‘Ƒ'ulekudi ɔdubo ɔsɔnɔdine ɔyalɛ ubendi bunwini na ɔma unengudi ɔmɛni kemmo. Na ƒula bebi bananabi ku belekubi ƒui kuwii kenye na badubo bɔtɛ. Bekyuli badubo kalɔ kani ndi awɔ ɔlati kadi mɛni bɔkɔku na bele-ka bete lɛlɔ. Na kaƒɔ, na kadi bamba kalɔ lɛlɔ na adubo bukpi. Na kekpo kadubo Israelƒuɔ bukpo na beƒie-ma batɔlɔku bana lɛma ƒui.’ ”

Amos 7:9

Na ndubɔbwɛ Isak kaba kemmo bebi baƒiɔ kɔkpakɔ kɔmmɔ ƒui na lɛbwɛ Israelƒuɔ kɔkpakɔ kedee kɔmmɔ ƒui. Na lɛbwɛ Ɔga Yeroboam lɛga kadikɔ kammɔ.”

Mika 6:13

Anwuɔsu na líse kalɔ mɔɔkyula-mii na bɛyii udu na bina ekpidi ɔsu.

Sakaria 1:6

Nsu ka béni mina etemila ku bɔlɛ bɔni na mina kenye bediene bálɛ-ma ɔsu ni, básiaku lɛla lɛni na baawia. Anwuɔsu bénwini bébevele-mi banini, “Unwoti Ɔyikune Ƒui, áni-bu kɔtu kɔni námanku bula ekpidi ani na bɔ́bla aani kalɛ na ásu ése.”

Yohane 16:4

Mmomu lɛ́su-mii ɔmɛni kalɛ na si uwi ɔni na bábla ala amɛni údu ni, na binyimo lɛla lɛni na lɛ́su-mii. “Ńtasu-mii ala amɛni ńtasiku kalɔ kesekɔ, ɔsika nkya-mii kudɔ uwi ɔmmɔ.