Hosea 5:4 - Katɔti Ɔku Kedee

⁴ “Na bana ekpidi áya na basɔ balakana na benwini bebo ami bana Katɔti kudɔ, ɔsika lɛsɔnɔdi kɔyu kɔ́ƒɔ-ma lɛlɔ kemmo ƒui, na baaagyi ami bana Unwoti.

Hosea 5:4 ပူးပေါင်းရင်းမြစ်များ

Kɔgya 78:8

Baaadubo buse aani bana bati bani náta bénye Katɔti lɛlɔ. Ama bábla atuɔkplu ɔsu na bénwini kaba kani nátadi Katɔti ɔda bubo lɛlɔ. Bana kayi kátasia Katɔti lɛlɔ uwi ndi uwi. Na bátadi nwuna etemila lɛlɔ lɛnɔ.

Kɔgya 9:10

Na bani ngyi kalɛ na ƒula lɛnyi libo ɔyikun badubo bana anu buti bɔsia-a lɛlɔ. Ɔsika bútenu kudii ka ɔdi ɔ́kpali-ɔ ɔnii bunku-nwu na átakpete-nwu.

Yeremia 24:7

Ndubuti mina lɛlɔ ebiti bɔkya-ma kayi kemmo na bati-mi na benwini mina kadi bekyuli. Na badubɔwia ka lɛbla bana Katɔti na benwini bebo-mi kudɔ ku bana kayi ƒui.

Yeremia 50:38

Na bina ntukpa ku ntu bɔni na bɛ́bwɛ ulu bíte ka butaavi ƒui bɔdubo bɔkwii. Na ala amɛni ƒui adubɔlɛ lɛni na baƒiɔ ala ani náƒɔ bina kalɔ kammɔ lɛlɔ ƒui na ábla-mii bɔdɔlɔdi ɔsu.

Yeremia 9:24

Na ukyuli ɔni mɔɔkun lɛmɛnɛ ni, ɔnu ka nwuna kasusu kese-nwu nwaa na ɔsiaku ami Unwoti. Na lɛla lɛni na mɔɔyɔ́ teetulo ƒui ndi lɛƒɔndia bɔbla ku etemila bɔtɛ siin ku bekyuli kɔnyana bɔnu na kalɔ kammɔ ƒui lɛlɔ.

Yeremia 9:6

Ukyuli biala ɔɔwia ka ɔkɛ ɔkpanadi lɛlɔ kɔsia. Na ɔdi biala uláwia ka ɔƒɔ enu ɔnii ami ndi Unwoti.

Hosea 13:13

Adi ubi ɔdɔlɔdi ɔni néni ɔnii batawɔ-nwu uwi ɔni na nka údu bɔwɔ.

Hosea 4:1

Bise atu na binu kɔtɔ kɔni na Unwoti Katɔti ɔɔdú amii Israel kadi bekyuli ƒui! Unwoti uudie bina ƒui bɔƒiɔ na kalɔ kammɔ lɛlɔ ka ɔdi uládi-nwu litemi lɛlɔ siin na bɛɛɛdaku-nwu lɛda lɛnɔ.

Hosea 4:11

“Ntɛ bɔnani ku bɔwɔdi bɔ́ya na mina bekyuli kasusu kékpi-ma na basɔ belenu lɛla lɛdi kalɔ!

Hosea 4:12

Na bakɛ beebó like na egyiiku kudɔ ka bati lɛla lɛni na babla! Na egyiiku ammɔ lɛnɔ aasu-ma lɛla lɛni na baawia bati! Bányonu-mi aani uleku ɔni nányonu ɔnana na únwini ɔyalɛ, na bakɛ basiaku ala bamba kama.

Hosea 4:14

“Na lɛɛɛdubo-ma kɔtu bɔni na ɔmɛni ɔsu, ɔsika amii alati kakpakɔ bayalɛ bɔmmɔ kama na bɛsia, na amii ku-ma bɛɛsála taabla akpala teete baƒiɔ. Na ɔmmɔ geen na lɛsugba lɛmɛni lɛɛtina lɛnini, ‘Bɔyii na bekyuli bani na beeebo kasusu badubo bɔyii ku udu.’

Hosea 4:6

Amii bani na bɛdi bakpane bíni-mi, na mina bekyuli baayii udu ka béni mina ɔda bubo ɔsu. “Na ɔƒaani ni, ami lɛnɔ ndubo-mii buni na lɛyiƒala bina bebi ɔsika amii bɛ́yiƒala mina ɔda bubo.

Hosea 7:11

“Israelƒuɔ báta bénwini aani bakpaƒɛɛlɛ bani nkɛ esu esu beeveyi teesie taasɔ, na Egyipteƒuɔ ku Asiriaƒuɔ ntɛ baawia kabɛkɔ.

Hosea 8:11

“Israelƒuɔ, bɛ́tu akpabi pii bíte lɛlɔ kesii kani na bɛɛkpá bina ekpidi bɔbla akpala. Na akpabi ammɔ énwini ekpidi kablakɔ akpabi.

Yohane 16:3

Bekyuli badubo-mii ɔmɛni bɔbla, ɔsika baaagyi ami iye Katɔti.

Yohane 8:55

Amii bɛɛɛgyi-nwu. Nsu ami ngyi-nwu. Na ndubunwini ɔkɔ ɔnyine bina kalɛ si líni ɔmɛni. Ɔsika ngyi-nwu geen, na mɔɔdi nwuna etemila lɛlɔ.

Samuel 1 2:12

Eli bebi bani ndi bakpane mɛni badi bekyuli bekpidi geen. Na balábu Unwoti lɛnɔ munu munu.