Hosea 5:14 - Katɔti Ɔku Kedee

¹⁴ Anwuɔsu ndubo-ma lɛlɔ aani gyata ɔni na anumi égyie-nwu geen ku kɔnyi na lɛduli-ma ligyingya kɔkɛ kɔkɛ lɛtɔlɔku. Na ɔdi uuubo na ɔkana-mi lɛla lɛdi buye iye utile-mi kuƒi.

Hosea 5:14 ပူးပေါင်းရင်းမြစ်များ

Hiob 10:16

Na uwi biala na lɛ́bla kasusu nnii mɔɔtalaku lɛlɔ blii ni, na eebó-mi taava kalɔ ku ƒula ɔyikun ala bɔbla aani kalɛ na gyata ɔɔtú ebuo teeƒie.

Hiob 10:7

Agyi ka ńtaƒiɔ-ɔ, na ukyuli ɔdi lɛnɔ uuubo na wakana-mi budie bɔsiku ƒula enu kemmo.

Kɔgya 50:22

Bɛkali ala amɛni lɛlɔ bɛnu kaduɛ amii bani náyiƒala-mi. Si ɔɔɔdi lɛni ni, ndubo-mii udu bɔyila ɔni na ɔdi ulakana-mii bɔƒɔ.

Kɔgya 7:2

Si ɔɔɔdi lɛni ni, badubo-mi buƒie bɔtɔlɔku aani gyata kalɛ na baduli-mi kɔkɛ kɔkɛ.

Yesaia 5:29

Na baakwanyi aani bagyata, na beebó adi si béƒie lɛla lɛdi, na beti-ni batɔlɔku ɔni na ukyuli ɔdi uuubo na ɔkana-ni bɔƒɔ na bana kudɔ.

Yeremia 25:38

Unwoti úni nwuna bekyuli na báda bana kɔduli béwi aani kalɛ na gyata ɔɔlɛ́ nwuna lɛtabi ubu taatɔlɔ na ɔda ubu ɔmmɔ uwi.

Kɔnyana Buwulo 3:10

Na ɔɔtú-mi aani kalɛ na gyata uubi ulu lɛlɔ taatu ebuo ɔni na uƒie.

Hosea 13:6

Nsu ka bíbeduo kalɔ kabuni kemmo kesii kani na ntu ku adila akya na bɛɛní na bɛɛdi teemo ni, bɛ́yiƒala-mi na bíse kalɔ bɛɛtina lɛlɔ.

Hosea 2:12

Uleku ɔmɛni ɔ́su ɔnini, ‘Mina basɔnɔ néte-mi adingyii mmo bɔni na mbo ka lɛ́ya na ami ku-ma bɔ́tɛ ɔsu.’ Nsu ni, ami Unwoti ndubo-mu bubile ƒui na lɛya na bɔta bunwini lɛku na bebuo bakun ala ammɔ bebile ƒui.

Hosea 6:1

Ɔmmɔ kama ni, Israel kadi bekyuli bammɔ básu banini, “Bɛya na bɔsɔ bunwini busie Unwoti Katɔti kudɔ. Anwu nébo-bu ɔ́kya ɔlɛ, nsu anwu kani ndubo-bu bɔbwi. Ɔ́ya na bɔ́ƒɔ lɛlɛ, nsu ɔdubo-ni bunyimi bute-bu na likpi ƒui.

Amos 2:14

Ina dɛ na bina lɛgba lɛɛta ni, bilakana bukeli. Na ina dɛ na bibo ɔlɔkplu ni, ndubutile-mii ala na libile-mii ɔlɔkplu ɔmmɔ na bikpi muedi, na ina dɛ na adi ukpone ni, alakana lɛlɔ budie.

Mika 5:8

Ɔƒaani ni, bekyuli négyingya-ma bákya kalɔ ekpo ekpo ƒui. Nsu kama ni, badubɔta na bekpo bana bekisine aani kalɛ na gyata ɔni néti kɔnyi geen ɔɔta teetéƒie koƒonu. Na begyingya bana bekisine bammɔ kɔkɛ kɔkɛ ɔni na ukyuli ɔdi ulakana-ma bɔƒɔ.

Lɛkpa Ulu 28:31

Bekyuli badubɔdu bina ɔmantɛ bakɔ na bina anumi, nsu bilákɛ bana lɛna lɛmmɔ lɛdi bilakun. Na bekyuli badubuti bina bapɔnkɔ wɛlɛ wɛlɛ batɔlɔku na bina anumi. Nu basɔ beleti-ma beleboku. Na bina bekisine badubo bebeti bina baƒonu batɔlɔku, nsu ukyuli biala uuubo na ukpo ute-mii.

Lɛkpa Ulu 32:39

“Bɛnu! Ami lɛti ndi Katɔti, na ɔdi ɔsɔ uuubo. Ami mbo ngba ku kukpi lɛlɔ ɔyikun. Na muudie lɛlɛ teeboku na mɔɔbwi-ni lɛnɔ. Na lɛla biala liiibo na linye litile lɛla lɛni mɔɔbla kenye.