Hosea 5:13 - Katɔti Ɔku Kedee

¹³ “Na uwi ɔni na Israel ku Yuda bekyuli bánu bana ɔlɛ ɔni nda-ma báti ni, békeli bésie Asiria ɔga unengudi kudɔ banii ubunku-ma. Nsu útakana-ma kebunku kadi bute na ɔbwi-ma.

Hosea 5:13 ပူးပေါင်းရင်းမြစ်များ

Baga 2 15:19

Ɔmmɔ kama Asiriaƒuɔ Ɔga Pul útéti Israel kalɔ. Na Menahem ɔ́wia sika ɔƒualadi antabi aƒo eti maatɛ ku aavlanyɔ (370) úte-nwu kalɛ na unye-nwu kama na ɔkana lɛga kadikɔ kammɔ bɔda kpakplaa.

Baga 2 15:29

Na uwi ɔni na Peka ɔdi ɔga na Israel ni, Asiriaƒuɔ ɔga ɔni baalɔ Tiglat-Pileser úkpo ɔ́ƒɔ Iyon ku Abel-Bet-Maaka ku Yanoa ku Kedes ku Hasor ku Gilead ku Galilea ku Naƒtali lɛma ƒui. Na úƒie bekyuli bammɔ úsienku Asiria na útákya-ma ɔtɔ.

Baga 2 16:7

Ɔmmɔ kama ni, Ahas ɔ́tala batu ɔ́kya Asiriaƒuɔ Ɔga Tiglat-Pileser ku kenye kamɛni ɔnini, “Ƒula ubi kabla ɔblane na ndi. Bo, na ebekpo aƒɔ-mi alɛku Siriaƒuɔ ɔga ku Israelƒuɔ ɔga enu kemmo.”

Yesaia 3:7

Nsu ɔdubudie kenye ɔnini, “Oowo! Lɛɛɛdubo bɔkana kebunku kadi bute, ɔsika liiibo adila iye adala adi na mina kaduli, anwuɔsu tabla-mi ɔtɔnkune tete bekyuli bammɔ.”

Yeremia 30:12

Unwoti ɔnini, “Mina kadi bekyuli, bɛ́ƒɔ ɔlɛ na bɛɛyɔ́ bikpi.

Esekiel 23:5

“Na ina ka Ohola ɔdi mina uleku muedi ni, ɔmu ɔkya ɔɔdi kɔsɔnɔ taabla nwuna lɛyalɛ ala. Na ɔkɛ ɔsiaku nwuna Asiriaƒuɔ basɔnɔ kama.

Hosea 10:6

Badubo-ma buti busienku Asiria kalɔ lɛlɔ aani ɔga unengudi ɔmmɔ litela. Na kɔƒa kukpo Israelƒuɔ ka bákya bátaakpa baƒiɔ bammɔ udu ɔsu.

Hosea 12:1

Ɔƒɛƒɛɛ kama kani na Israelƒuɔ basia uwi ndi uwi. Na ɔkɔ bɔnyi ku ala bubile ku bekyuli lɛlɔ bɔta teenye kani náƒɔ-ma keliela kemmo na kesi kesii. Ama ku Asiriaƒuɔ muunyimi ala, na ama ku Egyipteƒuɔ baadi nnɔ kuye.

Hosea 14:3

Asiria ulakana-bu bɔƒɔ, na kekpo bapɔnkɔ kɛɛkɛ lɛnɔ ulakana-bu bubunku. Anwuɔsu bɔsɔ bulákpa baƒiɔ bani na bɔ́vɔ, ɔsika awɔ Unwoti mɔɔnu bekpinebi kɔnyana.”

Hosea 2:7

Na ɔdubo usi bukeli bɔsiaku nwuna bayɔne, nsu ulásiaku-ma. Na ɔdubɔwia-ma ɔnɔ na ulanu-ma. Ɔmmɔ kama ɔdubɔsu ɔnini, ‘Ndubɔsɔ linwini lisie mina ɔgyani ɔkukudi kudɔ, ɔsika ala ádianku-mi uwi ɔmmɔ kemmo étulo kalɛ na use-mi ɔƒaani.’

Hosea 7:11

“Israelƒuɔ báta bénwini aani bakpaƒɛɛlɛ bani nkɛ esu esu beeveyi teesie taasɔ, na Egyipteƒuɔ ku Asiriaƒuɔ ntɛ baawia kabɛkɔ.

Hosea 8:9

Na bílieku ebuo atuɔkplune aani akwa. Anwuɔsu na bíkeli bísie Asiriaƒuɔ kudɔ bɛnii bitáblaku-ma unwi na bɛwia kebunku.

Mika 1:9

Ɔsika Samaria ɔ́ƒɔ ɔlɛ bonwu ɔni na balakana bɔbwi. Na ulu ɔmmɔ kani lɛlɔ na Yuda lɛnɔ ɔkɛ úsela na ɔgbankpi ɔmɛni úudu ɔban kenye na Yerusalem alati.