Hosea 4:9 - Katɔti Ɔku Kedee

⁹ Na lɛlakpa linwi ndubɔlɛku bakpane ku bekyuli bammɔ ƒui, ɔsika ndubɔni bana ƒui kɔtu na bana ablala ɔsu, na lɛƒɔ-ma kayu kani námanku ala ani na bábla kenye.

Hosea 4:9 ပူးပေါင်းရင်းမြစ်များ

Agba 11:31

Si ɔdubɔyu bekyuli babuni muedi ɔkplu na kalɔ kamɛni kemmo ni, bi malɛku ala ekpidi bablane ama?

Agba 12:14

Bekyuli baakana na baasia bana kenye etemila lɛlɔ na baakɛ́ ala pii. Lɛni kani na bana enu kabla lɛnɔ kaayá na baakɛ́ kɔsia pii.

Agba 5:22

Ukyuli ukpidi ni, nwuna ekpidi lɛlɔ na baasia teeƒie-nwu. Na nwuna ablala muunwíni kɔbuli kɔni muudie-nwu.

Yesaia 24:2

Na lɛla udu unwi ndubɔlɛku Katɔti bakpane ku bekyuli bani na baatɔnku ƒui, batɔlati ku bani mɔɔbla-ma kabla, belekubi kabla bablane ku bana baduni, ukyuli ɔni nti lɛla lɛdi uuyé ku ukyuli ɔni néye-ni, ukyuli ɔni muuvó lɛla teete ukyuli ku anwu ɔni névo-ni, ukyuli ɔni bada kayu ku awɔ ɔni nda kayu kammɔ ƒui lɛla linwi kani ndubo bana ƒui bɔlɛku.

Yesaia 3:10

Su bekyuli bani nse siin anii, ɔdubɔtɛ ute-ma ɔsika badubɔdi bana kabla ebi.

Yeremia 5:31

Kenye bediene baakɔ́ bana etemila lɛsa na baƒiɔ lɛnyi kemmo. Na mina bakpane baláwia ka babla-mi kabla. Na amii mina kadi bekyuli lɛnɔ bɛɛyɔ́-nwu lɛni! Na ɔgbankpi limeyi ni, ɔma na bɛdubo bukeli bɔtamiku bɛnii ubunku-mii?”

Esekiel 44:10

Unwoti ɔnini, “Lewiƒuɔ bani bénwini kama bákya-mi na basiaku bana kadi bekyuli badi na baakpá baƒiɔ. Anwuɔsu ɔdi ka bani Lewiƒuɔ bamɛni kɔtu!

Esekiel 44:12

Nsu ka Lewiƒuɔ bamɛni bébunku Israelƒuɔ na bákpa baƒiɔ ɔsu ni, ami Unwoti Katɔti líse kenye kpakplaa ka bani Lewiƒuɔ kɔtu, ɔsika bátabala Israelƒuɔ na benwini na baƒiɔ bɔkpa kama.

Hosea 1:4

Na Unwoti ɔ́su-mi ɔnini, “Sia ubi ɔmmɔ lɛnyi anii Yesreel, ɔsika uwi ɔsɔ uletu asa na Israel Ɔga Yehu kaba kemmo bebi ku bawɔ ni, ndubɔni-ma kɔtu na bekyuli bani na ɔ́du na Yesreel Kɔwɛ kemmo ɔsu. Na ndubɔbwɛ nwuna lɛga kadikɔ.

Hosea 10:10

Bina ekpidi bɔbla ásɔ ásia kama ébu, anwuɔsu lɛ́lɛ ugyii ka ndubo bɔya na kadi bamba bekyuli bebékpo-mii na bakya-mii abuli batɔlɔku.

Hosea 12:2

Unwoti údie Yudaƒuɔ bani ndi Yakob kaba bebi bɔƒiɔ. Na ɔdubo-ma kɔtu bɔni na bana ala bɔbla ɔsu.

Hosea 12:3

Kaƒɔ kemmo ƒui na Yakob úse kalɔ uukpóku ɔnwani. Na ɔni na ɔ́bi lɛlɔ lɛnɔ ni, anwu ku Katɔti bása kayi na békpoku lɛlɔ.

Hosea 7:2

Na bana ɔdi ulakali taanu ɔnii mɔɔnu kalɛ na bana ekpidi áka ámana-ma aani kalɛ na beenyimi lɛla lɛdi, nsu mɔɔnu ɔmɛni ƒui.

Hosea 8:13

Bɛɛdú bina bebuo babuni ƒui taabla akpala na bɛɛdi akpala ammɔ lɛnɔ, nsu ami Unwoti anwu muuní bina akpala ammɔ. Mina anumi adubɔsia bina ekpidi lɛlɔ na lɛni-mii kɔtu na bɛsɔ binwini bisie Egyipte.

Hosea 9:15

Unwoti ɔnini, “Bana ulikplu ala ani na bábla na Gilgal na lɛ́nu ɔsu muukisi-ma geen. Na bana alaekpidi ɔsu ndubo-ma bɔbɔku budie mina kaduli na nsɔ lɛɛɛdubo-ma bɔyɔ, ɔsika bana batɔnkune bálɛ-mi kama.

Hosea 9:9

Bibo kalala na ɔkɔ ala bɔbla bɔ́ƒɔ-mii lɛlɔ kemmo ƒui aani Gibea ɔma bekyuli. Nsu Unwoti anu asia bina ekpidi ƒui lɛlɔ na ɔdubo-mii kɔtu bɔni.

Sakaria 1:6

Nsu ka béni mina etemila ku bɔlɛ bɔni na mina kenye bediene bálɛ-ma ɔsu ni, básiaku lɛla lɛni na baawia. Anwuɔsu bénwini bébevele-mi banini, “Unwoti Ɔyikune Ƒui, áni-bu kɔtu kɔni námanku bula ekpidi ani na bɔ́bla aani kalɛ na ásu ése.”

Mateo 15:14

Anwuɔsu bitakpete-ma. Bese aani banumbwɛne bani mɔɔtɔnku banumbwɛne bamba. Na si ɔnumbwɛne ɔtɔnku nwuna ɔkpana ɔnumbwɛne ni, bana inyɔ ƒui badubɔnu beduo ubu kemmo.”