Hosea 4:8 - Katɔti Ɔku Kedee

⁸ Na likpidi lili buvele akpala ani na mina bekyuli baabla lɛlɔ na amii bɛɛsia teenwini balakɛne, anwuɔsu na bɛɛkya-ma ogya ka bataabla-nya teebu.

Hosea 4:8 ပူးပေါင်းရင်းမြစ်များ

Baga 2 12:16

Na egulabi ani na baakɛ́ taasiku bɔƒiɔ ku ekpidi lili buvele atela ani na bekyuli beeboku ni, beléboku-nya Unwoti kakpakɔ mmɔ beeti-nya teete bakpane, ɔsika ama ɔdi na ɔdi.

Kɔgya 24:4

Bekyuli bammɔ udu ndi bani enu ku kayi kemmo nse sɛɛn na béteti bana anu bátasia lɛƒiɔkpa lɛlɔ iye bataanyi ɔkɔ taakpali ala.

Kɔgya 25:1

Unwoti, líti mina lɛlɔ ƒui muute-ɔ bɔda.

Yesaia 56:11

Batɔnkune badɔlɔdi, bítavumanaku bakpewe bani na bɔdi kani na bagyi na lɛla lɛla lilemo-ma kudii. Baƒonu badane bekpidi bani muulie taabla bana bebuo ulikplu na bɛdi, na amii lɛti bɔdia kani na bilie bite.

Esekiel 14:3

“Esekiel, ɔyawine ubi, bekyuli bamɛni béese kalɔ baakpá baƒiɔ ina ka bagyi nwaa ka ɔmmɔ adubɔya na beduo ekpidi pii bamba bɔbla kemmo. Anwuɔsu líni nnii lɛɛɛdubo-ma kenye kadi bɔkya!

Esekiel 14:7

“ ‘Si amii Israelƒuɔ iye baƒɔ bani na bakya-mii kudɔ ɔdi úni-mi na úse kalɔ ɔɔkpá baƒiɔ ɔmmɔ kama na ɔ́sɔ úsie kenye udiene ɔdi kudɔ ɔnii mina kenye kadi na ɔɔwia unu ni, kenye kani na ndubo-nwu budie ndi ka

Hosea 10:13

“Nsu bɛ́va likpidi bɔbla ebi na bɛ́ƒɛ ala ani naaakɛ ulu siin lɛlɔ. Na bɛdubɔdi bina ɔkɔ bɔnyi ebi. Ɔsika bɛ́sia amii alati ɔyikun anu ɔni na bɛ́nu ka amii ku bina bekpone nkya ɔsu.

Hosea 12:8

Na biiti ɔmmɔ taakun lɛmɛnɛ taasu bɛnii, “Ɔlakɛne na ndi, na ami ɔlati néti mina enu lɛ́bla kabla na lɛ́kɛ egulabi ammɔ, na ńtabla ukyuli ɔdi lɛla lɛdi!”

Hosea 14:1

Israel, sɔ nwini bo ƒula Unwoti Katɔti kudɔ. Ɔsika likpidi lɛ́ya na ébuli.

Lewiƒuɔ Ɔda Bubo 6:22

Ɔƒɛni ɔkpane unengudi ɔni bése likpo mmɔ lɛnɔ ɔdubunye nwuna kenyekɔ na nwuna bebi bammɔ akɔ. Na anwu uti akpala ammɔ ɔkyula ƒui ute-mi na ulu ɔni lɛlɔ na lɛ́lɛ ugyii líse lɛlɔ.

Lewiƒuɔ Ɔda Bubo 6:26

Na ɔkpane ɔni nábla ekpidi bɔkyiɛ akpala ammɔ ubo nwuna kadikɔ. Na kadikɔ kammɔ ni, Unwoti Adi Kevo kaduli kesii kani nse kedee mmɔ na badubɔdi adila ammɔ.

Mika 3:11

Na amii batɔnkune bammɔ bɛɛƒɔ́ ala na bɔbɛ kemmo na bɛɛsia kasusu kekpidi kɔnu. Amii bakpane ku kenye bediene ƒui sika ɔsu kani na bɛɛtina ala na bɛɛsu Katɔti litemi lɛmmɔ. Na ɔmɛni ƒui kama bɛɛsu bɛnini, “Unwoti unye-bu kama na likpidi lɛdi lɛɛɛdubo-bu bɔlɛku.”

Malakai 1:10

Unwoti Ɔyikune Ƒui ɔnii, “Mɔɔyɔ́ geen si nka ukyuli ɔdi ɔkalɛ mina kakpakɔ kammɔ na bɛda uwi bubile bɛya bɛnii ogya na bɛɛsala na mina lɛkpabi lɛlɔ bite akpala adi bɔbla. Amii bakpane bammɔ lɛlɔ liláda-mi kubiti, anwuɔsu na líni nnii nsɔ lɛɛɛdubo bina akpala adi bɔƒɔ.

Romaƒuɔ 16:18

Ɔsika bekyuli bammɔ udu ni, balábla Blɔti Yesu Kristo kabla. Mmomu ama alati bana ayɔla na baabla. Na bada kenye emini atɛ ku katɔlɔ beeƒú bekyuli bani naaagyi lɛla lɛdi kasusu.

Tito 1:11

Ɔdi ka enye etile bana ala ammɔ udu bɔtina lɛlɔ, ɔsika ala ammɔ mɔɔyá na kɔduli bekyuli ƒui beeƒú bana bɔƒɔtaadi. Na ala batinane bammɔ lɛkɛ likpidi lɛni baawia ɔsu na baatina ala ekpidi amɛni.

Petro 2 2:3

Ɔkɔ ala batinane bamɛni bɔdubɔkɛ egulabi kɔsia na bina lɛlɔ na ɔkɔ ala ani na badubɔnwi basu-mii ɔsu, ɔsika baayɔ́ ama lɛti lɛkɛ geen. Ukyuli ɔni ndubɔtɛku-ma litemi ɔ́ɔklibi lɛlɔ úse-ma kuuku. Na ukyuli ɔmɛni ɔni ndubo-ma bɔkyula ni, ɔɔnu-ma nwaa.

Samuel 1 2:29

Na etela ku akpala ani na béti béboku-mi aani kalɛ na lɛ́tina ka babla na mina keliekɔ ni, bi ɔsu na bɛɛyá na eesé lɛlɔ? Na bi ɔsu na aabu ƒula bebi teetulo-mi, na bíti mina bekyuli bammɔ etela ku akpala ammɔ kɔdikɔ kɔbuni ƒui bínwini amii kɔdi na bílie lɛmwi?’