Hosea 4:3 - Katɔti Ɔku Kedee

³ Ɔmmɔ ɔsu na bina kalɔ ƒui kénwini ketele kalɔ kakwiidi na káyii udu, na bekyuli ku bebuo ku baasɛ bani nkya-ka kemmo ƒui lɛnɔ beekpi.

Hosea 4:3 ပူးပေါင်းရင်းမြစ်များ

Yesaia 33:9

Mmo bɔ́kywi bunye na lɛla lɛla liiibo-mu kemmo. Na Lebanon lɛku lɛ́yɛyɛ linye aani ukyuli ɔni na kɔƒa kúƒie. Na Saron Ɔkwalɛ únwini kalɔ kakwiidi. Na Basan ku Karmel aku ƒui éwiile evete.

Yeremia 12:4

Uwi ɛlɛ na adubɔya na kalɔ kamɛni kayaku ntu na kakwii lɛni ketédu? Na uwi ɛlɛ na livo lɛdubɔyɛyɛ linye bebuo kadikɔ lɛni utédu? Bebuo ku baasɛ bammɔ ƒui békpi na ɔdi ɔsɔ uuubo. Na bekyuli bamɛni alaekpidi ani na baabla ɔsu na ala amɛni ƒui aalɛ́ lɛni. Nsu bamu benye baakun lɛmɛnɛ taasu banini, “Katɔti ulánu alaekpidi ani na bɔɔbla.”

Yeremia 23:10

Bekyuli bani nálɛ Unwoti kama na kalɔ kammɔ lɛlɔ bemomo geen na ɔkɛnku bana ngba bukpidi bɔni na belie ku kalɛ na baabla ɔyikun ɔni na bebo lɛlɔ kabla kalɛ kalɛ na kalɔ kammɔ ƒui lɛlɔ ɔsu Unwoti úwida kalɔ kammɔ na ɔ́ya na bebuo kadikɔ kammɔ kénwini kalɔ kakwiidi na kasɔ kaládia lɛla lɛla bɔbla.

Yeremia 4:25

Na alánu bekyuli badi na kesii kadi. Na baasɛ bammɔ lɛnɔ ƒui béveyi bátɔlɔ.

Yeremia 9:10

“Muuwulo teete bebuo kadikɔ kani na kakya abi lɛlɔ. Likpo lɛmmɔ lɛ́kwii na livo lɛbuni lɛdi lɛsɔ liiibo mmɔ, ɔsika ɔƒɛ ɔ́kyula lɛla biala na belusiene muedi basɔ balásia mmɔ. Na Ɔmantɛ bebuo ku alakpi akɔ bebuo ku baasɛ ƒui báyii na badi basɔ beeebo mmɔ.”

Yeremia 9:9

Lɛ lɛla lɛdi lɛnumi te-mi na ɔdi kasusu kabuni kani ɔsu na bekyuli bamɛni bátamanku kɔtu bɔni? Ami Unwoti Ɔyikune Ƒui nátɛmi.

Esekiel 38:20

Na lɛlɔ lɛdubo ngba lɛla biala nkya kalɔ kammɔ lɛlɔ bɔtɔ ku bɔyia geen na ami ɔsu, kɔbɛ ku baasɛ ku alakpi akɔ bebuo ku bebuo bani mɔɔkpɛ́ kaƒɔ kalɔ ku bekyuli bayawine ƒui. Abi adubo butaabwɛ teegyingya na atakpɛ ataamami na lɛma linengudi ala ataaƒɛ teewi kalɔ.

Yoel 1:18

Bula bebuo nkɛ mɔɔví taakɔ taayu mɛni na baava ka balakɛ livo lɛni na bakun ɔsu. Na baƒonu bammɔ beebó abi geen.

Amos 1:2

Nwuna kenye kammɔ ndi ɔnini, “Unwoti ɔɔkwanyi taasiku Sion na kudu kɔni mɔɔsí Yerusalem mmɔ kɔ́ya na bebuo kadikɔ livo lɛmmɔ ƒui lɛ́yɛyɛ. Na livo lɛni na liwi Karmel Kɔbi lɛlɔ ƒui líkpi.”

Amos 5:16

Ɔsika Unwoti úuse kenye ɔnini, “Keku buwulo bɔdubɔƒɔ lɛblɔnu lɛmmɔ lɛlɔ ƒui na kɔnyana ku ɔlɛ bunu geen bɔdubɔkya kesi kesii. Na bemonsene bani kabla naaaƒɔ anu muedi badubɔlɔ-ma na bebebunku bani na báƒɔ lɛkwanu budie enu na bebewulo bekpine bammɔ bava.

Amos 8:8

Ndubo bɔya na kayawi kemodi kammɔ katɔ kpakpaakpa na bekyuli bani mebu melie-ka kemmo bewulo kɔnyana na bataata teebo aani kalɛ na Nil Ketu keeƒuƒuo taakɔ taasɔ taayu.

Nahum 1:4

Si Unwoti údie lɛdi ni, ɛpu ku ntukpa ƒui bɔɔkwii, na aku ani nkya Basan ku Karmel ku Lebanon abi lɛlɔ ƒui egyii ku anwula aayɛyɛ.

Seƒania 1:3

Bekyuli ku bebuo ku baasɛ ku kɔbɛ bamɛni akɔ ɔni lɛlɔ na likpidi lɛkya ni, ndubo-nwu udu bɔyila na kalɔ kammɔ lɛlɔ. Na lɛkyula bekyuli bammɔ ƒui lidie kalɔ lɛlɔ.

Sakaria 5:4

Unwoti Ɔyikune Ƒui ɔnini, ‘Líti kakunkɛ kamɛni muumene ukyuli biala na ɔdi uyune kaduli iye ɔda-mi lɛnyi na ɔkɛ ɔɔnyi ɔkɔ taavi. Na kakunkɛ kamɛni kadubɔƒɔ lɛlɔ kakya kaduli kammɔ kemmo útédu uwi ɔni na ligyiiku iye lɛtabi biala lɛ́bwɛ lɛ́yii udu.’ ”