Hosea 4:2 - Katɔti Ɔku Kedee

² Lɛlɔ buwida ku ɔkɔ bɔnyi ku bekyuli bɔdu ku kuyu ku lɛsɔnɔdi lɛlɔ kani na binye uwi ndi uwi.

Hosea 4:2 ပူးပေါင်းရင်းမြစ်များ

Ala Kalɔ Buse 4:8

Amu na Kain ɔ́su ɔnwani Abel ɔnini, “Ya na busie lɛku kemmo.” Na ka bésela ni, Kain úbo ɔnwani ɔ́du.

Yesaia 24:5

Bekyuli bébile kayawi kammɔ na keesé lɛlɔ. Bátadi ɔda bubo bɔmmɔ lɛlɔ, na báta bénye litemi lɛmmɔ lɛlɔ, na bébile Katɔti bunyimi bɔni nnye nte uwi ƒui mmɔ.

Yesaia 48:1

“Israelƒuɔ, Yakob ɔtɔ kemmo bebi na bɛdi na bɛ́si Yuda kɔdua. Bɛɛsu taatina bɛnii ami Unwoti Israel Katɔti na bɛɛbu, nsu ɔmmɔ ƒui ɔkɔ na ɔdi.

Yeremia 51:5

Ukyuli biala na Israel ku Yuda ƒui bábla ekpidi na báƒiɔ, nsu ami bana Unwoti Ɔyikune Ƒui lɛɛɛdubo-ma buni.

Yeremia 6:7

Ekpidi bɔbla bɔ́yu búnye ɔma ɔmmɔ aani kalɛ na libiɔ ntu bɔɔyu teenye libiɔ kemmo. Kalala bɔbla ndi kɔku kɔni mɔɔlɛ́ taasi awodu ani na bɛ́tu bɛ́mana mmɔ kemmo. Na bekyuli bani na bɛɛbla ala amɛni badi békpi bewi na bani lɛnɔ báƒɔ lɛlɛ batɛ kesi kesii.

Kɔnyana Buwulo 4:13

Yerusalem Katɔti kenye bediene ku bakpane bábla ekpidi bonwu bonwu geen ɔni náya na bekyuli bani nátabla lɛla lɛdi muedi békpi, anwuɔsu na Unwoti ɔ́ni ɔma ɔmmɔ kɔtu lɛni.

Esekiel 7:23

“Ala ƒui adubo buƒu na kalɔ kammɔ ƒui kemmo. Na bekyuli bɔdu ku kalala bɔbla bɔdubɔƒɔ Israel ƒui.

Hosea 10:13

“Nsu bɛ́va likpidi bɔbla ebi na bɛ́ƒɛ ala ani naaakɛ ulu siin lɛlɔ. Na bɛdubɔdi bina ɔkɔ bɔnyi ebi. Ɔsika bɛ́sia amii alati ɔyikun anu ɔni na bɛ́nu ka amii ku bina bekpone nkya ɔsu.

Hosea 10:4

Israelƒuɔ, biinyimi ala ani neeebo kɔsia na biládi bina linyese biala lɛlɔ, na biinwíni litemi geen taatɛ na ulu ukpidi lɛlɔ aani kalɛ na livo likpidi lɛɛkwɛ́ taaƒɔ kemo kani kemmo na ɔlɛka edula enye.

Hosea 11:12

Israelƒuɔ baanyi ɔkɔ taatɔlɔ bana Unwoti Kedee ɔni mɔɔdi nwuna litemi lɛlɔ uwi biala teete bekyuli ku bana ɔkɔ etemila pii ammɔ. Na Yuda lɛnɔ unye nwuna lɛƒiɔkpa lɛlɔ.

Hosea 12:14

Nsu bɛ́kya-mi kɔnyi na bɛ́nu-mi anumi, anwuɔsu ndubo-mii kɔtu bɔni na bina ekpidi bonwu ani na bɛ́bla ɔsu.”

Hosea 5:2

Na bina ekpidi áya na Sitim ɔma únwini ubu gbion, nsu ndubo-mii kɔtu bɔni ƒui kede kede.

Hosea 6:8

Na Gilead kalɔ kemmo ni, alaekpidi bonwu bablane ku bekyuli badune báƒɔ-ka tɛtɛɛtɛ. Na bekyuli bani na bɛ́du mmɔ ubugya ɔ́ƒɔ-mii enu ƒui.

Hosea 6:9

Bina bakpane bénwini beyune kasala na batɛ kuludɔ baatú bekyuli. Bádu bekyuli na Sekem ulu lɛlɔ na baabla alaekpidi lidu bamba lɛnɔ.

Hosea 7:1

“Na uwi biala na nnii mɔɔbwi mina kadi bekyuli Israelƒuɔ lɛsiku bana lɛlɛ lɛni na beeƒi kudɔ ni, kalala ku ɔkɔ bɔnyi ku ekpidi lidu bamba kani na mɔɔnu. Na beyune baabwɛ teeduo bekyuli kɔduli na bakɛ lilu lɛlɔ ƒui baaví.

Hosea 7:3

“Na bana ɔbladu ɔmɛni ɔdi bana benengu bammɔ ƒui lɛlɔyɔ.

Hosea 7:4

Na kalɛ na balɛ-mi kama ɔɔda-ma ɔkwɛ aani ogya ku lɛyu lɛni náabi lise úte bodobodo buƒi.

Mika 3:2

Nsu bɛ́ƒuna ka bitaabla likpidi bitulo lɛbuni. Na use aani kalɛ na beedie bekyuli ɔku ku ngba ku ngba. Na baanwí bana ɔlɔna taamami ekubi lɛlɔ.

Mika 3:9

Anwuɔsu binu kenye kani na nda líboku amii Israelƒuɔ batɔnkune! Bikisi litemi lɛlɔ bɔdi ulu siin lɛlɔ na biinwíni litemi geen lɛmmɔ taalɛ.

Mika 6:10

“Ala eyudi ndi akɛla ani na bɛ́klibi bíse lɛlɔ. Na bɛda akɔkula ani nátamanku biiyé ala taanya bekyuli taakya.

Mika 7:2

Naaanu ukyuli ɔdi na ɔsiaku Katɔti kama siin. Na ɔdi lɛnɔ ulábla lɛla lɛbuni lɛdi. Ulikplu ku kalala kani nkya ukyuli biala na kalɛ na bebile bana bakpana ngba lɛlɔ kagyumana kani na ɔdi biala unye.

Seƒania 3:1

Bɔbuɛ ute Yerusalem ɔsika ɔda bubo lɛlɔ tadi ɔ́ya na likyulikpi lɛ́ƒɔ ɔma ɔmmɔ, na ala ébie na uusé lɛlɔ.

Sakaria 5:3

Amu na ɔ́su-mi ɔnini, “Kakunkɛ kamɛni muuwida ukyuli biala ɔni muuyú iye ɔɔnyi ɔkɔ taatɔlɔ bekyuli na kalɔ kamɛni lɛlɔ. Ala ani na bénweni básia kakɛ kenwi kaatɛmi taasiku kalɛ na badubo beyune udu bɔyila lɛlɔ. Na ala ani na bénweni básia kakɛ kakladi lɛlɔ ɔɔtɛmi taasiku kalɛ na badubo bekyuli bani mɔɔnyi ɔkɔ lɛnɔ udu bɔyila lɛlɔ.

Mateo 23:35

Na bekyuli bani nse siin ubugya ɔni na bíwiakun ɔ́si Habel lɛlɔ útálɛ Barakia ubidi Sakaria ɔni na bina bati bádu-nwu na kakpakɔ ku lɛkpabi ntɛ mmɔ ni, ubugya ɔmmɔ ɔdubɔsia bina kadi bekyuli ƒui lɛlɔ.

Batalane Kabla 7:52

Katɔti kenye udiene ɔmani na bina bati kuuku bátawia ka badu? Bádu Katɔti kenye bediene bani muedi násu ka Ukyuli Ɔƒunadi ɔni nse siin webo. Na Ukyuli Ɔƒunadi ɔmmɔ lɛnɔ bídie-nwu bíte na bádu.

Lɛkpa Ulu 5:11

Takpali Unwoti ƒula Katɔti lɛnyi keeke. Ɔsika Unwoti ɔdubɔni ukyuli ɔni mɔɔlɔ-nwu lɛnyi keeke kɔtu.

Lɛkpa Ulu 5:18

Tadi kɔsɔnɔ.

Lɛkpa Ulu 5:19

Teyu.

Tesalonikaƒuɔ 1 2:15

Yudaƒuɔ bamɛni nádu Katɔti kenye bediene, na báya na bádu Blɔti Yesu lɛnɔ. Ama kani nsia beekpóku-bu na baawia-bu badu. Bana ablala áta énye Katɔti lɛlɔ na badi liƒula lɛni nétile bekyuli ƒui ulu.

Budie Taatina 17:6

Amu na lɛ́nu ka uleku ɔmmɔ úkpi ntɛ na Katɔti bekyuli bani ubugya na ɔ́ni ku bani na ɔ́du ɔsika benye Yesu kama kpakplaa ɔsu. Uwi ɔni na lɛ́nu-nwu ni, ɔ́bla-mi kalɛ kadi.