Hosea 4:18 - Katɔti Ɔku Kedee

¹⁸ Ntɛ banine badivone na badi. Na si báni-mu békpi báwɔlɔ lɛni ni, na bana lɛyalɛ ku lɛsɔnɔdi ala lɛɛkɔ́-ma katɔ. Na baayɔ́ kɔƒa ala ammɔ teetulo bana kenyekɔ ku ɔbu ɔni na nka ɔkya-ma lɛlɔ mmɔ.

Hosea 4:18 ပူးပေါင်းရင်းမြစ်များ

Ala Kalɔ Buse 38:24

Ɔbla aani abuli atɛ kama ni, bekyuli badi bábasu Yuda banini, “Bɔ́nu ka ƒ'ubidi ule Tamar ɔ́ƒiɔ, ɔsika úti lɛlɔ ɔ́bla ɔyalɛ. Na ɔmmɔ ɔsu ɔda kaƒɔ ɔƒɛni.” Mmɔ na Yuda ɔ́su-ma ɔnini, “Bɛlɛku-nwu biboku na bɛkyula-nwu na ukpi.”

Kɔgya 47:9

Kayawi bagadine ƒui ku bana benengu básala ku Abraham bekyuli, na Katɔti ɔdi bana ɔga. Na báda ekpola béwi na bédie kekpo atu kalɛ na bakɔli Unwoti katɔ na bemwi-nwu.

Israelƒuɔ Bɔlɛ 23:8

“Na ɔdi utaƒɔ egulabi na bɔbɛ kemmo, ɔsika ala ammɔ udu aabwɛ bekyuli bani mɔɔnu anumi na balátɛ litemi siin.

Yeremia 2:21

Na nka bɔƒuna na lɛ́ƒuna-mii lɛ́lɛ aani kɔdingyii kɔni na naaaƒianku nsu ɔƒɛni amu bíbulo ebi buni bɔnwu.

Esekiel 16:15

“ ‘Amu na ebo ábanu áti ka aadia bɔnu na akana na akɛ ɔnana biala na aayɔ́, anwuɔsu na éti lɛlɔ éte ulusiene biala nási ɔɔví.

Hosea 4:10

“Badubo bɔdi bɔsia kama, nsu baaadubo bumo. Na basiaku lɛsɔnɔdi kama, nsu baaadubo bebi bɔwɔ na bemomo. Ɔsika béni Unwoti na basiaku ala bamba kama.

Hosea 4:2

Lɛlɔ buwida ku ɔkɔ bɔnyi ku bekyuli bɔdu ku kuyu ku lɛsɔnɔdi lɛlɔ kani na binye uwi ndi uwi.

Hosea 9:10

Unwoti ɔnini, “Bɔnu na lɛ́nu amii Israelƒuɔ lídie aani kɔdingyii ebi na kalɔ kakwiidi kadi kemmo, na lɛ́nu bina bati kuuku aani kɔnwingyie ebi edeedi ani náka bɔnwu. Nsu Baal-Peor baƒiɔ bani muusé lɛlɔ na bísie bɛɛkpá. Anwuɔsu na amii lɛnɔ biisé lɛlɔ aani baƒiɔ bani na bɛɛyɔ́ mmɔ kalɛ.

Amos 5:12

Ami ndi Unwoti na ngyi bina ekpidi enengudi ani na bɛɛbla. Bɛɛƒɔ́ ala bɔbɛ kemmo na bɛɛyila bawabane bani nse siin lili, na biládi etemila lɛlɔ siin teete-ma.

Mika 3:11

Na amii batɔnkune bammɔ bɛɛƒɔ́ ala na bɔbɛ kemmo na bɛɛsia kasusu kekpidi kɔnu. Amii bakpane ku kenye bediene ƒui sika ɔsu kani na bɛɛtina ala na bɛɛsu Katɔti litemi lɛmmɔ. Na ɔmɛni ƒui kama bɛɛsu bɛnini, “Unwoti unye-bu kama na likpidi lɛdi lɛɛɛdubo-bu bɔlɛku.”

Mika 7:3

Bekyuli baasála lɛlɔ taabla unwi ka babla alaekpidi na bana ablala ɔsu. Litemi batɛne ku bana benengu baawia ka baƒɔ ala basiku bekyuli kudɔ na bɔbɛ kemmo. Na lɛlɔ badine baanya bekyuli taakya na litemi katɛkɔ.

Lɛkpa Ulu 16:19

Na beteƒu litemi geen lɛmmɔ batakya na batanu bekyuli anumi lɛnɔ. Na bataƒɔ egulabi na bɔbɛ kemmo, ɔsika etela ammɔ udu aabwɛ banundane ku bekyuli bani lɛlɔ mbo ɔbu anumi, na balátɛ litemi siin.

Samuel 1 8:3

Nsu bebi bamɛni balabla ala siin na Unwoti ulu lɛlɔ. Mmomu bénwini kama bákya-nwu na baabla bekyuli ulikplu ala na baaƒɔ́-ma ala taadi na bɔbɛ kemmo. Na balábla lɛla lɛdi ulu lɛlɔ.