Hosea 4:14 - Katɔti Ɔku Kedee

¹⁴ “Na lɛɛɛdubo-ma kɔtu bɔni na ɔmɛni ɔsu, ɔsika amii alati kakpakɔ bayalɛ bɔmmɔ kama na bɛsia, na amii ku-ma bɛɛsála taabla akpala teete baƒiɔ. Na ɔmmɔ geen na lɛsugba lɛmɛni lɛɛtina lɛnini, ‘Bɔyii na bekyuli bani na beeebo kasusu badubo bɔyii ku udu.’

Hosea 4:14 ပူးပေါင်းရင်းမြစ်များ

Baga 1 15:12

Na ɔ́bɔku banana bayalɛ bani na bakya aƒiodu mmɔ ƒui údie kalɔ kammɔ ƒui lɛlɔ. Na baƒiɔ bani ƒui na nwuna bati bátu bálɛ ni, úgyingya-ma ƒui.

Baga 2 23:7

Na ɔ́ya na bégyingya ɔtɔ ɔni bátu béte banana bayalɛ na kakpakɔ mmɔ. Na mmɔ na beleku bani muudi Asera baƒiɔ lɛwu bakya.

Agba 28:5

Bekyuli bekpidi belenu ala bɔbla ulu lɛlɔ kalɔ. Nsu bani mɔɔsiaku Unwoti kama geen ni, beenú ɔmɛni kalɔ nwaa.

Yesaia 1:5

Bi ɔsu na binye bɛɛwia lɛbibo teete lɛlɔ lɛni? Bi ɔsi na bɛdubɔta binye-mi lɛlɔ lɛni biteesie uwi ƒui? Bilánu ka bise aani bekyuli bani na bébo-ma eli bábwɛ na biinú ɔlɛ na bina kayi kemmo.

Yesaia 27:11

Na si egyii ammɔ kɔgba kɔ́kwii ni, kɔɔƒɛ na beleku babayɔ-ku basala ogya. Ɔsika lɛni na Israel kadi bekyuli bamɛni bese na belenu na balanu ala taati. Anwuɔsu na bana udiene lɛnɔ ɔɔɔdubo-ma kɔnyana bɔnu.

Yesaia 56:11

Batɔnkune badɔlɔdi, bítavumanaku bakpewe bani na bɔdi kani na bagyi na lɛla lɛla lilemo-ma kudii. Baƒonu badane bekpidi bani muulie taabla bana bebuo ulikplu na bɛdi, na amii lɛti bɔdia kani na bilie bite.

Daniel 12:10

Bekyuli pii badubɔda bana ngba sɛɛn na babla bana kɔyi lɛnɔ kedee. Nsu bekyuli bekpidi ama ni, bana likyulikpi ala bɔbla lɛlɔ kani na badubo bunye, na baaadubo ɔmɛni kalɔ bunu kudii. Banundane kani ndubo kalɔ bunu.

Hosea 14:9

“Si bɛdi banundane ni, bɛdubunu ala ani mɔɔsu-mii mɛni kalɔ. Ami ndi bina Unwoti ɔni ndanku-mii mɔɔsiaku ulu ɔbuni lɛlɔ. Na si bínu-mi litemi ni, bɔdubusie aani bavinkpana. Nsu si bɛɛbla ulikplu ala ni, bɛdubo butulo na bibuli.”

Hosea 4:1

Bise atu na binu kɔtɔ kɔni na Unwoti Katɔti ɔɔdú amii Israel kadi bekyuli ƒui! Unwoti uudie bina ƒui bɔƒiɔ na kalɔ kammɔ lɛlɔ ka ɔdi uládi-nwu litemi lɛlɔ siin na bɛɛɛdaku-nwu lɛda lɛnɔ.

Hosea 4:17

Eƒraim kaba kemmo bekyuli bamɛni béti lɛlɔ bátámana lɛƒiɔkpa, anwuɔsu bɛnyonu bana keyi bite-ma!

Hosea 5:4

“Na bana ekpidi áya na basɔ balakana na benwini bebo ami bana Katɔti kudɔ, ɔsika lɛsɔnɔdi kɔyu kɔ́ƒɔ-ma lɛlɔ kemmo ƒui, na baaagyi ami bana Unwoti.

Amos 2:7

Na bébo bawabane báva kalɔ na bédi bani na mɔɔwia kebunku bése kɔmadɔ. Na báya na bekyuli balábu mina lɛnyi lɛni nse kedee, ɔsika ubi ku ɔti ƒui baatɛ ugblebi unwi kudɔ na baayá na mina lɛnyi liisé lɛlɔ.

Amos 7:17

“Unwoti ɔnini, ‘Ƒ'ulekudi ɔdubo ɔsɔnɔdine ɔyalɛ ubendi bunwini na ɔma unengudi ɔmɛni kemmo. Na ƒula bebi bananabi ku belekubi ƒui kuwii kenye na badubo bɔtɛ. Bekyuli badubo kalɔ kani ndi awɔ ɔlati kadi mɛni bɔkɔku na bele-ka bete lɛlɔ. Na kaƒɔ, na kadi bamba kalɔ lɛlɔ na adubo bukpi. Na kekpo kadubo Israelƒuɔ bukpo na beƒie-ma batɔlɔku bana lɛma ƒui.’ ”

Bumomo Bɔka 25:3

Anwuɔsu Israelƒuɔ béti lɛlɔ bébunku Moabƒuɔ na baakpá baƒiɔ bani baalɔ banii Baal-Peor. Ɔmmɔ ɔ́ya na Unwoti úti kɔnyi kati kati ɔ́kya-ma.

Yohane 8:43

Bi ɔsu na bilenu-mi kalɔ? Ngyi ka bilátuna bɛnii biisé atu na binu lɛla lɛni na mɔɔsu.

Romaƒuɔ 3:11

Ukyuli ɔdi biala uuubo ɔni mɔɔnu lɛbuni taati. Na ɔdi lɛnɔ uláwia Katɔti kama ulu.

Korintoƒuɔ 1 6:16

Bɛgyi lɛnɔ ka si ukyuli úti nwuna ɔlɔna útámanaku ɔyalɛ ɔdi lɛlɔ ni, ɔ́blaku-nwu unwi na ɔlɔna kemmo. Bunweni Kedee Ɔku ɔ́su nwaa ɔnii, “Bana inyɔ badubɔbla ɔlɔna unwi.”

Eƒesoƒuɔ 4:18

na bana ala kalɔ bunu bɔkya lɛdisa kemmo. Na ka baaagyi lɛla lɛdi na balayɔ banii beenú lɛla lɛdi lɛnɔ ɔsu ni, beeebo kadikɔ kadi na ngba bɔni na Katɔti uute nwuna bekyuli kemmo.

Lɛkpa Ulu 23:17

Na Israelni ɔnana iye uleku ɔdi utenwini ɔyalɛ na koƒiodu kɔdi.

Hebriƒuɔ 12:8

Si balani-ɔ kɔtu aani kalɛ na bɔgyi ka baaní ɔdi biala kɔtu ni, na ɔgbami na báwɔ-ɔ básiku na aaadi kaduli kammɔ kemmo ubi.