Hosea 4:13 - Katɔti Ɔku Kedee

¹³ Bakɛ abi eli baabla akpala na beeti etela teesienku abi eli mmɔ na egyii enengudi lidu ƒui kalɔ, kesii kani na ɔyuli ɔkya kaduɛ na ɔdia bulie na egyii ammɔ kɔgba ku evete ɔsu. Anwuɔsu na bina bebi belekubi bénwini bayalɛ, na bina bebi bele bénwini basɔnɔdine.

Hosea 4:13 ပူးပေါင်းရင်းမြစ်များ

Baga 2 17:7

Ala amɛni ƒui álɛku Israelƒuɔ na likpidi lɛni na bábla báƒiɔ bana Unwoti Katɔti ɔni nékpo ɔ́ƒɔ-ma ɔ́lɛku Egyipteƒuɔ kalɔ lɛlɔ ku bana Ɔga Ƒarao enu kemmo ɔsu. Bákya bátaakpa baƒiɔ lidu bamba,

Baga 2 23:7

Na ɔ́ya na bégyingya ɔtɔ ɔni bátu béte banana bayalɛ na kakpakɔ mmɔ. Na mmɔ na beleku bani muudi Asera baƒiɔ lɛwu bakya.

Yesaia 1:29

“Kɔƒa ndubo-mii bukpo geen si bɛ́kali bɛ́nu uwi ɔni na bítaakpa ala teete baƒiɔ na egyii enengudi ani bɛ́da bínyene sɛsɛɛ na bina akunkpo ammɔ kemmo. Na bilákɛ anumi kesekɔ si bínyimo alaekpidi lidu lɛni na bɛ́bla na bina nvoma mmo bɔni na bɛ́da bíse bíte lɛƒiɔkpa mmɔ kemmo.

Yesaia 57:5

Lɛyalɛ ala ku lɛlɔ kudɔ bɔtɛ na baƒiɔ bani na bɛɛkpá mmɔ anumi na egyii enengudi ammɔ kalɔ. Na biiti bina bebi taakpa na akpabi ani na bɛ́tu bínyene ɔkwalɛ na atakpɛ ani nƒa mmɔ kalɔ.

Yesaia 57:7

Biiti bina akpala teesienku abi ani nákuku eli taatákpa teete bina baƒiɔ. Na mmɔ na bɛɛvá atɛla teesie lɛlɔ kudɔ ɔnana ku uleku kalɛ.

Yeremia 2:20

“Na kuuku uwi ɔni návi kemmo ni, bídie-mi atu na bíni ka lɛdi-mii lɛlɔ, na bɛnii bɛsɔ bilabla-mi kabla. Na ɔƒaani ni, baƒiɔ bammɔ na bɛɛkpá na biisié lɛlɔ kudɔ ɔnana ku uleku na egyii bonwu ammɔ ɔyuli kalɔ na abi eli.

Yeremia 3:13

Bɛtuna ka bɛ́ta bínye-mi lɛlɔ, na bɛkpa baƒiɔ bamba na egyii enengudi ƒui kalɔ na kesi kesii.

Yeremia 3:6

Uwi ɔni na Yosaia ɔdi ɔga ni, Unwoti ɔ́su ɔnini, “Yeremia, Israel lɛga kadikɔ ƒui káta kénye-mi lɛlɔ aani uleku utidi ɔni nálɛ ɔgyani kama na únwini ɔyalɛ na ɔkɛ abi ƒui eli ku egyii enengudi ɔyuli kalɔ ɔɔtɛ taavi.

Yeremia 44:8

Bina baƒiɔ bani na bɛɛkpá ku kalɛ na bɛɛkyula oloƒui teete baƒiɔ bamba ɔ́si ɔni na bɛ́si Egyipte bíbo mɛni ɔ́ya na lɛ́kɛ kɔnyi geen. Na bɛdubo kukpi kɔni muusé lɛlɔ bukpi. Na kadi bamba bekyuli badubo-mii lɛnyi bɔlɔ bewida bekyuli banii ɔlɛku-ma kalɛ na ɔ́lɛku-mii.

Esekiel 16:16

Átu kuliekɔ kɔni nse-ɔ kedee éte lɛlɔ na éti ƒula adi abuni ammɔ ákya-nya akya. Na mmɔ na eeti ƒula bayɔne bani muubo-ɔ kudɔ teeduoku na biisié taatáyɔ lɛlɔ. Na ala amɛni udu átalɛ ka alɛ lɛni kudii!

Esekiel 16:25

Na mmɔ na aabla kɔƒa ala na ɔni na awɔ ku ukyuli biala nási ɔɔví bɛɛtɛnku lɛlɔ. Na aabla ɔmɛni kɔlɛ kɔlɛ limeyi ndi limeyi!

Esekiel 6:13

Oloƒui na bekyuli bamɛni bátaakyula na abinkpo ku abi enengudi eli teete baƒiɔ bani abi na bátu bényene mmɔ na egyii enengudi kpakplaa amɔ kalɔ. Nsu si uwi ɔni na bánu ka bekpine bewi báka bámana mmɔ bene ƒui ni, badubɔnu bati ka ami ndi Unwoti.

Hosea 10:8

Na akpabi ani na abi eli mmɔ ƒui adubɔyii udu ka ɔkɛnku bana lɛlɔ ɔsu na Israel ɔ́bla likpidi. Na liyu alakpi ku livo bamba ndubo bɔkwɛ na mmɔ ƒui. Na liƒu ɔsu ni, bekyuli bammɔ badubɔkpali basu abi ammɔ banini, “Bɛbɛla-bu!” Na badubɔsu abinkpo lɛnɔ banini, “Bibebi-bu lɛlɔ!”

Hosea 11:2

Nsu kɔlɛ kɔlɛ kɔni na mɔɔlɔ-nwu teeboku lɛlɔ aani ubi kalɛ ni, kɔlɛ kɔmmɔ na uusié kama na mina kudɔ. Na baabla akpala teete Baal baƒiɔ na baakyula oloƒui teete ala ani na bávɔ mmɔ.

Hosea 2:13

Na ndubo-nwu kɔtu bɔni na uwi ɔni na úti ɔ́kpa Baal baƒiɔ na ɔ́kyula oloƒui úte-nwu kenye. Na ndubo-nwu kɔtu bɔni na uwi ɔni kemmo na údie-mi atu na ɔ́yiƒala-mi na úye kɔkwɛnimi ku asɛɛ lidu ɔ́kya atu ku limɔ ka ɔɔwia ka nwuna basɔnɔ bataayɔ-nwu ɔsu. Ami Unwoti nébimi kenye lɛ́su, na ndubo bɔbla bɔsiaku lɛni!

Amos 7:17

“Unwoti ɔnini, ‘Ƒ'ulekudi ɔdubo ɔsɔnɔdine ɔyalɛ ubendi bunwini na ɔma unengudi ɔmɛni kemmo. Na ƒula bebi bananabi ku belekubi ƒui kuwii kenye na badubo bɔtɛ. Bekyuli badubo kalɔ kani ndi awɔ ɔlati kadi mɛni bɔkɔku na bele-ka bete lɛlɔ. Na kaƒɔ, na kadi bamba kalɔ lɛlɔ na adubo bukpi. Na kekpo kadubo Israelƒuɔ bukpo na beƒie-ma batɔlɔku bana lɛma ƒui.’ ”