Hosea 4:1 - Katɔti Ɔku Kedee

¹ Bise atu na binu kɔtɔ kɔni na Unwoti Katɔti ɔɔdú amii Israel kadi bekyuli ƒui! Unwoti uudie bina ƒui bɔƒiɔ na kalɔ kammɔ lɛlɔ ka ɔdi uládi-nwu litemi lɛlɔ siin na bɛɛɛdaku-nwu lɛda lɛnɔ.

Hosea 4:1 ပူးပေါင်းရင်းမြစ်များ

Baga 1 22:19

Amu na Mikaia úsie anumi ku nwuna kenye budie ɔnini, “Ɔmmɔ ɔsu binu Unwoti litemi. Lɛ́nu ka Unwoti úli nwuna liboku lɛlɔ na katɔ batu ƒui bénye-nwu kɔmii ku kɔdianu.

Kɔgya 81:9

Bitetétiku baƒiɔ badi bitasiku kesii kadi betebese lɛlɔ bɛnii bitaakpa.

Yesaia 1:10

Amii bani nse aani Sodom batɔnkune, bise atu na binu Unwoti lɛla lɛni na ɔɔsu, binu bula Katɔti ɔda bubo, amii bani nse aani Gomora kadi bekyuli!

Yesaia 1:18

Unwoti ɔnini, “Bibo na bɔdi kasusu bɔsala, na bɔwia ala kemmo bɔnu. Ina dɛ na bina alaekpidi áya na bɛ́nwu aani aƒɛ muedi ni, ndubɔkana na lidie-nya bina lɛlɔ. Na lɛya biteekeye aani etubankɛ. Na si ina dɛ na ekpidi ammɔ áya na bígyie dɛ muedi ni, ndubɔƒɔ-mii lɛlɔ na bɛƒuala aani unwo.

Yesaia 28:14

Anwuɔsu binu, amii bani mɔɔdi bekyuli lɛlɔ, na bɛda Katɔti litemi bɛɛƒianku na Yerusalem.

Yesaia 34:1

Bɛlɛ bibo, amii kadi ƒui bekyuli, na amii bayawine ku kalɔ lɛlɔ ala ediedi ƒui, bɛni bide, na bise atu, na binu kenye kadi!

Yesaia 34:8

Unwoti ɔlati ɔ́ɔƒuna uwi ku lɛkwa lɛni na ɔdububo ubedie bekyuli kasi ute Sion.

Yesaia 5:3

“Na ɔƒɛni ni, amii Yerusalem ku Yudaƒuɔ, bɛtɛ ami ku mina kemo ntɛ litemi lɛmɛni na bɔnu.

Yesaia 59:4

Biiti lɛlɔ teesienku litemi katɛkɔ nsu bilátɛ etemila ulu siin lɛlɔ. Mmomu unyeƒi ukpludi ku kenye ogya ku ɔkɔ ala sɔɔn na bɛɛsu. Na biilie taabla kasusu kekpidi uwi biala anwuɔsu lɛnɔ na bɛɛwɔ likpidi.

Yesaia 59:8

Bina ablala aaadanku keyi buɛɛ kadi, anwuɔsu bekyuli bani nsiaku-mii kama ƒui beeebo bɔnwuna bɔdi biala ku keyi buɛɛ kadi.

Yesaia 66:5

Amii bani mɔɔyia Katɔti na bɛɛbu-nwu si ɔɔtɛmi ni, binu-nwu litemi. “Na bina banwa bani muudie-mii lɛti na beekisi-mii na mina lɛnyi ɔsu baasu banii, ‘Unwoti udie nwuna ɔyikun keyi na bɔnu! Na udie-mii na lɛlɔ lɛyɔ-mii bɔnu.’ Nsu bani ƒui mɔɔsu ala amɛni udu ni, badubo bunwini ku kɔƒa kɔni naaadia bɔnu.”

Yeremia 11:7

Lɛ́siku-mii bɔtɛmiku ɔ́si uwi ɔni na lɛ́kpanku bina bati kuuku lɛ́siku Egyipte kalɔ lɛlɔ nnii bɛdi mina ɔda bubo lɛlɔ. Nsu amii ku bina bati kuuku ƒui,

Yeremia 19:3

‘Ami ndi Unwoti Ɔyikune Ƒui, Israel Katɔti, na mɔɔyá na amii Yudaƒuɔ baga ku Yerusalem bekyuli ƒui bɛti ka ɔlɛka bise atu na binu lɛla lɛni mɔɔsu-mii na ɔdia-mii utulo. Ɔsika ndubo bɔya na ɔgbankpi bonwu lidu lidu libo libalɛ na kɔwɛ kɔmɛni kemmo ɔni na ukyuli biala menu kɔku kɔmmɔ ɔdubo bɔyia geen.

Yeremia 2:4

“Yakob ɔtɔ bebi, bise atu na binu, amii Israel adua bekyuli ƒui.

Yeremia 2:9

“Anwuɔsu nsɔ ndubo-mii kɔtɔ bɔdu. Lɛni na ami Unwoti mɔɔsu. Na ndubɔdu bina bawɔ bawɔ lɛnɔ kɔtɔ.

Yeremia 25:31

Na bekyuli ƒui badubunu-mi lɛdi na kalɔ kammɔ lɛlɔ kesi kesii ka mɔɔdu-ma kɔtɔ na bana likyulikpi ala bɔbla ɔsu. Na ndubɔdu badi kukpi kɔtɔ muedi ka badu-ma.”

Yeremia 34:4

“Sedekia, líse kenye ka baaadubo-ɔ bɔdu na kekpokɔ.

Yeremia 4:22

Línu ka Unwoti ɔɔsu ɔnini, “Mina bekyuli béni-mi. Bebi badɔlɔdi na badi na baaagyi banii kɔtu bɔni bɔdubo-ma lɛlɔ. Lɛla lɛni kani na bagyi ndi ka belie bataabla ekpidi.”

Yeremia 5:4

Na lɛ́bla kasusu nnini, “Bekyuli keeke bani mɔɔyaki ala na bádɔlɔ badi. Na balanu lɛla lɛni na bana Unwoti Katɔti ɔɔwia taasiku-ma kudɔ bati.

Yeremia 51:5

Ukyuli biala na Israel ku Yuda ƒui bábla ekpidi na báƒiɔ, nsu ami bana Unwoti Ɔyikune Ƒui lɛɛɛdubo-ma buni.

Yeremia 6:13

“Bawabane ku balakɛne ƒui ɔdivo bɔdi ku litemi geen tasu kani náƒɔ bana ƒui lɛlɔ kemmo. Na kenye bediene ku bakpane muedi baaadi bekyuli bani na basɔ beti kayi basia.

Yeremia 7:28

Anwuɔsu su-ma anini, ‘Yuda kadi bekyuli, ami ndi Unwoti bina Katɔti, nsu bíni na bítadi mina litemi lɛlɔ. Na ɔni na lɛ́ni-mii kɔtu muedi bíbulo na bítavumana udu. Na bilábla taatina na anumi kemmo muedi ka bɛsiaku-mi kama siin.

Yeremia 9:20

Na buuvele amii beleku bani muudie lɛnu lɛmmɔ bɔnii bɛsia lɛla lɛni na Unwoti ɔ́su anu kaduɛ. Na bɔdubɔtina-mii ɔkwanu ɔni na bɛdubuti bɛtina bina bebi belekubi ku bakpana.

Yeremia 9:3

Unwoti ɔnini, “Ɔkɔ etemila aalɛ́ mina bekyuli kenye aani kalɛ na beebó atula taalɛku kataminta kemmo. Na ɔkɔ ala bɔbla ɔyikun kani mɔɔkɔ́-ma katɔ na ɔdi ulaƒɔ enu taasu ɔnii ami ndi Katɔti.

Yeremia 9:7

“Anwuɔsu ndubo mina bekyuli kɔnyi bukpo na lɛƒɔ-ku lɛbla sɛɛn aani kalɛ na baakya sika ugyiedi ogya kemmo taaƒɔ-nwu na ɔɔbla sɛɛn. Nsɔ liiibo ulu bamba ɔdi lɛlɔ na ndubo bɔsia.

Esekiel 16:35

“ ‘Yerusalem, ɔyalɛ ubendi, se kɔtu na enu.

Hosea 12:2

Unwoti údie Yudaƒuɔ bani ndi Yakob kaba bebi bɔƒiɔ. Na ɔdubo-ma kɔtu bɔni na bana ala bɔbla ɔsu.

Hosea 12:3

Kaƒɔ kemmo ƒui na Yakob úse kalɔ uukpóku ɔnwani. Na ɔni na ɔ́bi lɛlɔ lɛnɔ ni, anwu ku Katɔti bása kayi na békpoku lɛlɔ.

Hosea 5:1

“Amii bakpane binu! Amii bani ndi Israel kadi bekyuli ƒui bibimi atu na binu! Amii bani na bɛ́si ɔga kesii! Ami mɔɔtɛ litemi lɛmɛni lɛdu kɔtɔ. Bínwini kakpagyuɛ bíte Mispa ɔma bekyuli na lɛni kani na bise na Tabor Kɔbi lili.

Hosea 5:4

“Na bana ekpidi áya na basɔ balakana na benwini bebo ami bana Katɔti kudɔ, ɔsika lɛsɔnɔdi kɔyu kɔ́ƒɔ-ma lɛlɔ kemmo ƒui, na baaagyi ami bana Unwoti.

Yoel 1:2

Bise atu na binu amii kadi batɔnkune ku amii bani na bɛkya kalɔ kammɔ ƒui kemmo. Bɔlɛ na lɛla lɛni na bɛɛnu mɛni lɛ́ɛlɛ na bina uwi iye bina bati kuuku uwi na bínu dii?

Amos 3:1

“Israelƒuɔ, ami nékpo na lɛ́ƒɔ-mii lɛ́siku Egyipteƒuɔ enu kemmo. Nsu bise atu na binu bɔdɔnku bɔni na mɔɔdɔnku-mii.

Amos 7:16

“Na ɔƒaani ni, nu lɛla lɛni na Unwoti ɔɔsu ina ka awɔ eebó-mi ɔda anii nda kenye budi nya na lɛda Unwoti litemi bɔsu taadɔnku Israelƒuɔ lɛya.

Mika 6:2

Israel, ndubudie bina bɔƒiɔ keyi lɛtina na abi ku kayawi kammɔ ɔ́si kalɔ kesekɔ ƒui na bidie lɛla lɛmmɔ kenye.

Yohane 8:55

Amii bɛɛɛgyi-nwu. Nsu ami ngyi-nwu. Na ndubunwini ɔkɔ ɔnyine bina kalɛ si líni ɔmɛni. Ɔsika ngyi-nwu geen, na mɔɔdi nwuna etemila lɛlɔ.

Romaƒuɔ 1:28

Na ka bése béni banii balatɛya lɛla lɛni na ɔdi ka bati ɔsu ni, Katɔti ɔ́nyonu-ma, na likyulikpi lɛ́ƒɔ-ma kasusu kemmo. Na baabla ala ani na utalɛka babla.

Korintoƒuɔ 1 15:34

Bɛsɔku kasusu buni bɛbla, na bɛda bina ekpidi lilu bɛva. Mɔɔsu-mii nwaa kalɛ na kɔƒa kukpo-mii ka bina badi bɛɛɛgyi Katɔti.

Budie Taatina 2:11

“Si bibo atu ni, na binu lɛla lɛni na Katɔti Kɔyu kɔɔsu baƒɔtaadine akpa ammɔ. Anwu ɔni madi ekpidi lɛlɔ ni, uleduo kukpi kunyɔdi ɔgbankpi kemmo.”

Budie Taatina 2:29

“Si bibo atu ni, na binu lɛla lɛni na Katɔti Kɔyu kɔɔsu baƒɔtaadine akpa ammɔ.”