Hosea 3:4 - Katɔti Ɔku Kedee

⁴ Lɛni kani na uwi ɔdubo butu asa na Israel kadi bekyuli basɔ bakɛ ɔga iye asa na basɔ babla akpala na Katɔti kakpakɔ iye Katɔti ɔtina-ma ulu ɔni lɛlɔ na basia babla lɛla lɛdi.

Hosea 3:4 ပူးပေါင်းရင်းမြစ်များ

Ala Kalɔ Buse 31:19

Uwi ɔni na Laban úsie útéteekulo baƒonu bammɔ linwini ni, Rahel úyu ɔti kaduli baƒiɔ badi.

Ala Kalɔ Buse 31:34

Nsu asa na úbedu mmɔ ni, Rahel úuti ɔti kaduli baƒiɔ bammɔ ɔ́kya liboku lɛdi kalɔ na ɔ́sɔ úlie-ni lɛlɔ. Na ani na ɔɔsia nwuna ebuo ala utine kama teelie. Na Laban ɔ́wia lɛla biala kemmo ɔ́nɔ na útanu lɛla lɛdi.

Ala Kalɔ Buse 49:10

Na ɔgagyii ulávi ulálɛ ƒula kaduli kudii. Na lɛlɔ ɔdine ugyii ɔdadi ulávi ulálɛ-ɔ lɛgba akɔ wetédu ka ugyii ɔmmɔ úbedu lɛlɔ ɔdine geen ɔmmɔ. Na kadi bekyuli ƒui badubɔdi ƒula litemi lɛlɔ.

Samuel 2 6:14

Amu ka bágyu bésela ni, Dawid ɔkɛ ɔɔtɔ́ momoomo geen na uumwi Unwoti. Na kɔdi kɔƒualadi kpɛtɛ kpɛtɛ kɔdi kɔda-nwu kavobi.

Baga 2 23:24

Kalɛ na ɔda bubo ɔku ɔni na ɔkpane Hilkia ɔ́nu na kakpakɔ mmɔ ɔ́su kpakplaa ɔsu ni, Ɔga Yosia ɔ́bɔku bekyuli bani muubó like ku bekyuli bani muuye ala teenu ɔ́lɛku Yerusalem ku Yuda lɛma lɛkladi kemmo. Na úbile kɔduli baƒiɔ ku baƒiɔ lɛtɔ ka ala ani ƒui muusé lɛlɔ mmɔ.

Ala Alɛdi 2 15:2

Mmɔ kani na Asaria ɔ́ta kɔnakunwi úsie Asa kudɔ na útásu-nwu ɔnini, “Awɔ Ɔga Asa ku Yuda ku Benyamin kadi bekyuli, binu! Uwi biala na bɛɛsia Unwoti ɔda bubo anu na bɛɛdi-mu lɛlɔ na bɛɛkpá-nwu ni, ɔdubulieku-mii na ubunku-mii na uledie-mii atu na uni-mii kudii.

Israelƒuɔ Bɔlɛ 28:4

Na kalɛ na ɔ́lɛka báka lɛwu lɛmmɔ bavinku ndi ka baka kayi lɛbalala lɛdiku ku bakpane awu kpɛtɛ kpɛtɛ kedee ku awu ɔtɔdi akɔnkɔ bune ku awu gyɔlɔɔ ku lili dukuu ku kavobi lɛduni. Na si baaka lɛwu lɛmɛni bete ƒ'ɔnwani Aaron ku nwuna bebi bananabi ka babla-mi kabla aani bakpane kalɛ ni,

Israelƒuɔ Bɔlɛ 28:6

“Na ɔkpane awu kedee ni, ɔlɛka ɔbla kɔdi kpɛtɛ kpɛtɛ na bedi-nwu kaduɛ ku unwo buluu ku ugyiedi ɔni náƒɔ kuye geen. Na beti sika ugyiedi bakya-nwu bɔdia.

Kɔnyana Buwulo 2:9

Sion lɛban kɔyakun ƒui kɔ́ƒɛ kúbi anumi kalɔ, na abuala ani mɔɔbala kɔyakun kɔmmɔ kenye ƒui kɔ́ƒɛ eku eku. Na nwuna baga ku bagadine bammɔ ƒui bénwini bekyuli beƒiedi na bakya kɔlɔ bamba kemmo. Nwuna bakpane basɔ balátina ala, na nwuna kenye bediene bammɔ lɛnɔ basɔ balakɛ linyesia lɛdi taasiku Unwoti kudɔ.

Esekiel 19:14

Na mmɔ ni, kugyii kɔmmɔ ntɛ kɔ́ƒɔ ogya na ɔ́da úsie kuna kɔgba akɔ na kɔ́kyula-ku ku ebi ammɔ ƒui na kagba kadi kásɔ kétebu ɔni na kugyii kɔmmɔ kɔ́sɔ kunye salalaa.’ “Ɔkwanu ɔmɛni ni, budie na ɔlɛka bedie-nwu ku kɔnyana.”

Esekiel 20:32

Baakali ka badubuti lɛlɔ benwini aani kadi bamba bekyuli na bataakpa ala ani na béti ligyii ku atabi bánwi na balɛ-mi enu sɛɛn na balákɛ kɔtu bɔni. Nsu ɔkɔ na ɔdi batatɔlɔ lɛlɔ!

Esekiel 21:21

Na si uwi ɔni na Babilonƒuɔ ɔga úbedu mmɔ ni, anwu ɔlati ɔdubɔlɛ ugyii kesii kani na ɔdubo bɔsia si ɔ́kunku nwuna atula iye unye ɔ́nu ebuo ɔni na bádu bákpa bete bana baƒiɔ ɔni ndi ulu ɔni lɛlɔ na baasia teebo like teeye bana baƒiɔ ala teenu.

Esekiel 21:31

Mina kɔnyi kpakplaa kɔdubo-mii buƒi aani ogya. Na ndubo-mii buti bɔkya balalane bani na bagyi bekyuli bɔdu kabla kaduɛ enu kemmo.

Daniel 11:31

“Na ɔdubo bekpone bɔtala na besie na betébile kakpakɔ kammɔ ekisila ku kagyumanakɔ na bada limeyi ndi limeyi akpala bɔbla baya. Na ɔdubɔya na beti lɛla lɛni na Katɔti uukisi na liisé lɛlɔ bebese mmɔ.

Daniel 12:11

“Na ɔ́si uwi ɔni na badubo bɔda limeyi ndi limeyi akpala bɔbla baya útédu uwi ɔni na badubuti lɛla lɛni na Katɔti uukisi na liisé lɛlɔ bebese mmɔ ni, ɔdubɔbla emeyi apim unwi ku emeyi eti alɔ ku aavlene (1,290).

Daniel 9:27

Na Kwasida unwi kemmo ni, kadi bamba ukyuli ɔmɛni ɔdubo lɛla kpakplaa lɛdi bunyimi ku bekyuli pii badi. Na Kwasida unwi ɔmɛni ntɛ bule kemmo ni, ɔdubɔya na lɛkpa biala ku etela kenye kekulo. Na ɔmmɔ kama ni, liƒula bonwu lɛni ndanku ala bubile bɔmɛni bɔdubo bɔda bɔlɛ mmɔ. Na ɔdubunye mmɔ butédu uwi ɔni na Katɔti ɔ́lɛ ugyii úse ka ɔyila liƒula lɛni muubile ala mɛni udu.”

Hosea 13:10

Aasu anii ɔga ku lɛlɔ badine na aawia ɔƒaani ka lise lite-ɔ. Ama nɔɔ? Lɛma lɛmani kemmo na bakya na bebebunku-ɔ?

Hosea 13:11

Kɔnyi kemmo na líte-ɔ ɔga ɔni na aawia na líti-nwu lɛ́tɔlɔku na livoƒi kemmo.

Hosea 2:11

Na ndubukulo Israel emeyi buni bɔdi kenye. Kɔbuli kɔwɔdi bɔlɛ o-o, Lɛnwunameyi o-o, ku emeyi buni abambadi ƒui kenye kadubo buklo.

Lewiƒuɔ Ɔda Bubo 8:7

Úti awu gyɔlɔɔ ɔmmɔ ɔ́kya Aaron, na úti lɛduni lɛdi ɔ́bala-nwu ɔ́mana, na úti awu ɔtɔdi akɔnkɔ bune ɔ́kya-nwu, na úti bakpane awu kpɛtɛ kpɛtɛ kedee ɔ́kya-nwu, na úbo awu ɔmmɔ kavobi lɛduni buni lɛni bédi kaduɛ mmɔ ɔ́bala-nwu kavobi.

Sakaria 10:2

Bilakana baƒiɔ ku like bebone bɔƒɔ bɔdi, na bilakana bevone ku bani muudie ana kalɔ bɔƒɔ bɔdi. Nsu bɛ́ɛbla ala amɛni ƒui bɛ́nu. Na ɔƒɛni amu bínwini aani baƒonu bani neeebo ɔdane.

Sakaria 13:2

Unwoti Ɔyikune Ƒui ɔnini, “Si uwi ɔmmɔ úbedu ni, ndubo baƒiɔ ƒui udu biala bɔyila na kalɔ kammɔ lɛlɔ, na bekyuli bayiƒala-ma ƒui úti úsela uwi ƒui kemmo. Na ndubo bana kenye bediene ku ayu ekpidi ani na atɔnku-ma mmɔ ƒui udu bɔyila.

Luka 21:24

Badubo badi bɔdu ku kewii. Na badubo badi buƒie bɔtɔlɔku busienku kɔlɔ bamba lɛlɔ ƒui. Na bekyuli bani naaadi Yudaƒuɔ badubɔdi Yerusalem lɛlɔ úti útédu uwi ɔni na Katɔti ɔ́tunaku-ma.

Yohane 19:15

Amu na báva básu banini, “Gyunku-nwu! Gyunku-nwu! Kana-nwu mana ugyii lɛlɔ!” Mmɔ na Pilato úye-ma ɔnini, “Bɔkana na nkana bina Ɔga mmana ugyii lɛlɔ?” Amu na bakpane benengu bammɔ básu-nwu banini, “Buuubo ɔga ɔdi buuutulo Romaƒuɔ Ɔga Unengudi Kaesare!”

Hebriƒuɔ 10:26

Nsu si bɔgyi ƒui na búti bɔ́sia lɛlɔ na bɔɔbla ala ekpidi na uwi ɔni na bédie litemi geen lɛmmɔ ala bátina-bu ni, na likpidi buti taakyiɛ akpala adi asɔ eeebo na babla lɛnɔ.

Litemi Batɛne 17:5

Mmɔ na Mika ɔmɛni úse baƒiɔ úte lɛlɔ. Ɔmmɔ ɔsu úti ubidi ɔnana unwi na ɔ́ka ɔkpane awu úte-nwu, na úti-nwu úse baƒiɔ bammɔ kenye aani ɔkpane kalɛ.

Litemi Batɛne 18:14

Amu ka nkyuli ɛlɔ bani nétéyu Lais ɔma bánu mmɔ ni, básu bana banwani banini, “Bɛgyi ka kaduli kadi kakya mɛni kani na bánwi baƒiɔ badi na béti sika ɔƒualadi bákwa-nwu, na baƒiɔ bamba lɛnɔ ku ɔkpane awu gyɔlɔɔ lɛnɔ bese mmɔ? Bi ndi bina kasusu na lɛla lɛni na ɔlɛka bɔbla lɛlɔ?”

Litemi Batɛne 8:27

Na Gideon úti ala ammɔ na ɔ́vɔ lɛla lɛdi na úti-nwu útése Oƒra na nwuna ɔma. Na Israelƒuɔ ƒui béni bana Unwoti na beesié Oƒra mmɔ taatákpa ala ani na bavɔ mmɔ. Na ɔmɛni úbenwini kakpagyuɛ úte Gideon ku nwuna kaduli bekyuli.

Samuel 1 14:3

Na ɔkpane ɔni baalɔ Ahiya lɛnɔ ɔ́kya mmɔ na ɔkya bakpane awu ɔni muubi-ma kayi ku kama. Ɔkpane ɔmɛni ɔdi Ahitub ubidi na Ahitub ɔdi Ikabod ɔnwani. Na Ahiya ɔdi Pinehas uwɔ, na Pinehas lɛnɔ ɔdi Unwoti ɔkpane Eli ubidi ɔni nákya Silo ɔma. Na Yonatan anwu ni, ukyuli ɔdi ɔɔɔgyi ɔnii anwu ku nwuna ukpone ɔmmɔ bátɔlɔ bana Israelƒuɔ keliekɔ mmɔ bésie kesii kadi.

Samuel 1 15:23

Ɔsika si elenu Unwoti litemi na adi-ni lɛlɔ mmomu aatalaku lɛlɔ katɔ na ƒula likyulikpi ɔsu ni, átavumanaku bekyuli bani mɔɔkpá baƒiɔ na beeye-ma ala teenu. Na ka éni Unwoti litemi ɔsu ni, anwu lɛnɔ úni-ɔ ka asɔ adi ɔga na nwuna bekyuli lɛlɔ.”

Samuel 1 2:18

Nsu uwi ɔmmɔ ƒui ni, na ubi Samuel ɔkya Katɔti kakpakɔ mmɔ ɔɔbla nwuna kabla. Na ɔkya bakpane awu ɔƒualadi kedee.

Samuel 1 21:9

Amu na ɔkpane údie kenye ɔnini, “Goliat, Ƒilistini ɔni na ádu na Ela Ɔkwalɛ kemmo ni, nwuna kewii kese-mi kudɔ mɛni. Na línyimi-ka lɛ́kya kɔdi kemmo mɛni. Na líti-ka líse kakpakɔ ala kedee ammɔ kama. Na si aawia-ka ni, lɛkana na liti-ka lite-ɔ. Na bɔsɔ buuubo kewii iye likpola lɛbambadi lɛdi na mɛni buuutulo ɔmmɔ.” Mmɔ na Dawid lɛnɔ údie kenye kɔnakunwi ɔnini, “Kewii kadi kasɔ kaaadia kétedu kammɔ. Ti-ka te-mi.”

Samuel 1 22:18

Amu na Ɔga Saul únwini na ɔ́su Doeg ɔnini, “Awɔ, nwini na adu bakpane bamɛni!” Anwuɔsu Doeg, Edomni ɔmmɔ, únwini na ɔ́du bana nkyuli liti ku avlaatɛ-ɛlɔ bani nkya bana bɔkpa kabla lɛwu buni benye mmɔ.

Samuel 1 23:6

Ɔƒɛni uwi ɔni na Ahimelek ubidi Abiatar úkeli Saul úsie Dawid kudɔ mmɔ ni, úti nwuna ɔkpane kabla awu ɔda.

Samuel 1 23:9

Uwi ɔni na Dawid únu ka Saul ɔɔwia ulu ɔni na ubo ubeƒie-nwu ni, ɔ́su Ɔkpane Abiatar ɔnini, “Ti ƒula bɔkpa awu ɔmmɔ boku.”

Samuel 1 30:7

Ɔmmɔ kama Dawid ɔ́su Ɔkpane Abiatar, Ahimelek ubidi ɔnini, “Ti bakpane awu ɔmmɔ boku.” Na Abiatar lɛnɔ úti úboku-nwu.