Hosea 2:7 - Katɔti Ɔku Kedee

⁷ Na ɔdubo usi bukeli bɔsiaku nwuna bayɔne, nsu ulásiaku-ma. Na ɔdubɔwia-ma ɔnɔ na ulanu-ma. Ɔmmɔ kama ɔdubɔsu ɔnini, ‘Ndubɔsɔ linwini lisie mina ɔgyani ɔkukudi kudɔ, ɔsika ala ádianku-mi uwi ɔmmɔ kemmo étulo kalɛ na use-mi ɔƒaani.’

Hosea 2:7 ပူးပေါင်းရင်းမြစ်များ

Ala Alɛdi 2 28:23

Ɔ́su lɛlɔ ɔnini, “Use-mi aani Siriaƒuɔ baƒiɔ bamɛni nébunku-ma ɔsu na bákana-mi lɛlɔ bɔdi. Anwuɔsu ɔƒɛni kalɛ si lɛ́bla akpala líte-ma ni, badubɔkana na bebunku-mi.” Ɔmmɔ ndi likpidi likplodi lɛni na Ahas ɔ́bla na lítiku-nwu lítákya kukpi kemmo ku Yuda bekyuli udu bɔyii.

Kɔgya 116:7

Ndubɔkɛ kayi na lilie ƒaa, ɔsika Unwoti ɔ́bla-mi lɛƒɔndia lɛni ƒui na mɔɔwia.

Yesaia 30:16

Nsu bíni na bɛ́su bɛnini, ‘Oowo! Bɔdubo bukeli ku bula bapɔnkɔ na bɔtɔlɔ bula bekisine kudɔ.’ Na bɛdubo bukeli sɔsɔ! Nsu bina bekisine bammɔ mmomu ndubo bukeli butulo-mii.

Yeremia 14:22

Baƒiɔ belete-bu ɔnantu na baya na amii lɛnɔ ayu anya alati. Awɔ lɛti pɛ kani nda ɔnantu ɔmmɔ na aadi-nwu lɛlɔ. Anwuɔsu na búti bula anu bɔ́sia-a lɛlɔ, bula Unwoti ku Katɔti.

Yeremia 2:2

nsie Yerusalem na ntákɔ lɛsa nte ukyuli biala na mmɔ ka anwu Unwoti násu ɔnini, “Uwi ɔni na adi uleku ɔni na líti ɔwɔdi ni, áyɔ-mi na ásiaku-mi kama siin, na bɔkɛ kalɔ kakwiidi kani naaadia edula mmɔ kemmo ɔni na átalɛ-mi kama.

Yeremia 2:28

Biteesie bitéwulo bɛkya baƒiɔ bani na bɛ́bla bíte lɛlɔ mmɔ si badubɔkana-mii bubunku. Bémomo aani kalɛ kani na bina lɛma limomo.

Yeremia 2:36

Uwi ɔni na Asiriaƒuɔ bákya-mii kakya na bátakana-mii bubunku ni, bíkeli bísie Egyipte. Nsu bɛɛɛdubo kebunku kadi bɔkɛ na mmɔ lɛnɔ.

Yeremia 3:1

“Si ɔnana ɔdi ɔ́nyonu ulekudi na uleku ɔmmɔ úsie útélie kɔgya bamba ni, buti na ɔgyani udeedi ɔmmɔ ɔdubɔsɔ ɔkana-nwu buti? Oowo, ɔsika ɔmmɔ ɔdububile kalɔ kammɔ. Nsu bise aani bayalɛ na bibo basɔnɔ bayɔne pii na bɔlɛ na ɔ́lɛ ka bɛsɔ binwini bibo-mi kudɔ ɔƒɛni amu? Lɛni na Unwoti ɔ́su.

Yeremia 31:18

“Eƒraim úwulo ɔ́kpali-mi ku kɔnyana ɔnini, ‘Unwoti buse aani alakpi akɔ bakɔ bani na átina lɛnunda na kalɛ na ésusu-bu ɔsu na bɔ́tɛya kalɛ na bunu-ɔ litemi. Awɔ ndi bula Katɔti. Buvele na bɔda-a. Ya na bunwini bubo ɔma.

Yeremia 31:32

Na ulése aani kalɛ na línyimiku bana bati kuuku na uwi ɔni na lɛ́da-ma kɔnu kɔnu na lɛ́tɔnku-ma lɛ́lɛku Egyipte kalɔ lɛlɔ. Na ina ami ndi bana Katɔti muedi ni, bátadi bunyimi bɔmmɔ lɛlɔ.

Yeremia 44:17

Astarot ɔni ndi kayaa uleku ɔga baƒiɔ na abu búse kenye ka bɔdubɔkpa. Na ɔmmɔ geen na bɔdubo bɔbla. Bɔdubo oloƒui bɔkyula bute-nwu na buwi ntɛ kalɔ bɔkpa-nwu kalɛ kani na bula bati kuuku ku baga ku bula batɔnkune bábla uwi ɔni na bɔ́kya Yerusalem ku Yuda lɛma bamba kemmo. Lɛni na bɔ́bla na adila ákya-bu kaduɛ uwi ɔmmɔ na ala ádianku-bu na likpidi lɛdi lítalɛku-bu kudii.

Esekiel 16:18

Na adala ani na líte-ɔ ni, anya na ada aakya-ma. Na nnɔ ku oloƒui ɔni na líte-ɔ ni, anya na eeti teete-nya.

Esekiel 16:8

“ ‘Na uwi ɔni na lɛsɔ lɛnu-ɔ na ɔmmɔ kama ni, na éedu kalɛ na ati ɔnana. Ɔmmɔ ɔsu líti mina awu gyɔlɔɔ ɔmmɔ kakɛ kadi líbi-ɔ lɛlɔ na lɛ́bɛla-a kasɔngya líti lɛ́tina-a ka ndubo-ɔ bɔgyumana. Na líse-ɔ kenye kpakplaa na búnyimi ka enwini Unwoti Katɔti ami ɔdi na ntaanu-ɔ lɛlɔ.

Esekiel 20:32

Baakali ka badubuti lɛlɔ benwini aani kadi bamba bekyuli na bataakpa ala ani na béti ligyii ku atabi bánwi na balɛ-mi enu sɛɛn na balákɛ kɔtu bɔni. Nsu ɔkɔ na ɔdi batatɔlɔ lɛlɔ!

Esekiel 23:12

Anwu lɛnɔ ɔkɛ ɔsiaku Asiriaƒuɔ bekpone bani mbo kunyekɔ kunengudi geen na baadia bɔnu mmɔ bani mɔɔkya bekpone lɛwu ku bani muulie bapɔnkɔ lɛlɔ teekpo mmɔ.

Esekiel 23:22

Unwoti Katɔti ɔnini, “Oholiba, ina ka asɔ alayɔ ka ataakya ƒula bayɔne lɛlɔ ni, ami ndubo bɔya na bata benye-ɔ lɛlɔ na benye bamana-a aani bekisine kalɛ.

Esekiel 23:4

Unengudi baalɔ Ohola na unye ute Samaria na ɔnamudi baalɔ Oholibama na anwu lɛnɔ unye ute Yerusalem. Beleku inyɔ bamɛni ƒui bébenwini mina beleku na báwɔ bebi béte-mi.

Daniel 4:17

“ ‘Na Katɔti batu kedee bammɔ nédie lɛdi asa na lɛtuni lɛmmɔ líbo ukyuli ɔmmɔ lɛlɔ. Na ɔmmɔ ɔdubunwini ala bɔtɛya ute bekyuli bani ƒui nli ngba ka Unwoti Katɔti Ɔni Ntulo Ƒui mɔɔdi lɛga kadikɔ biala lɛlɔ, na anwu kani mɔɔƒuna ɔtɔnkune ɔni na uuubo kenyekɔ bonwu kadi na bekyuli anumi na uunwíni ɔga.’

Daniel 4:25

Badubo-ɔ bɔbɔku budie bekyuli bayawine akɔ, na awɔ ku alakpi akɔ bebuo bɛsala bilie liku linwi. Na adubo livo bɔkun aani bebuo bammɔ kalɛ. Na ɔnantu ku amii eteewi-ɔ akwa maatɛ úti útédu uwi ɔni na adubɔnu ati ka Katɔti Ɔni Ntulo Ƒui mɔɔdi kayawi lɛga kadikɔ biala lɛlɔ, na uuti-ka teete ukyuli ɔni na ɔɔyɔ́.

Daniel 4:32

Badubo-ɔ bɔbɔku na eteesie atákya alakpi akɔ ku bebuo bammɔ na alɛ bekyuli akɔ. Na livo na adubo bɔkun akwa maatɛ aani ɔmantɛ akɔ úti útédu uwi ɔni na adubɔnu ati ka Katɔti Ɔni Ntulo Ƒui mɔɔdi kayawi lɛga kadikɔ biala lɛlɔ, na anwu mɔɔƒuna bana lɛlɔ ɔdine lɛnɔ.”

Daniel 5:21

Nwuna kasusu kénwini ebuo kadi, na bábɔku-nwu na ɔ́lɛ bekyuli akɔ úsie uliku alakpi akɔ bebuo na ɔ́kun livo aani ɔmantɛ bakɔ. Na alakpi akɔ mmɔ kani na ɔɔtɛ, na amii eewi-nwu. Bénye-nwu lɛlɔ na ɔ́bla ɔmɛni úti útédu uwi ɔni na ɔ́nu ɔ́ti ka Katɔti Ɔni Ntulo Ƒui mɔɔdi kayawi lɛga kɔdikɔ ƒui lɛlɔ. Na anwu kani muudie lɛlɔ badine bani na ɔ́ƒuna ka badi lɛga.

Hosea 1:2

Katɔti ɔ́kpali-mi na ɔ́su-mi ɔnini, “Hosea, téti uleku ɔni mɔɔsiaku banana bamba na bɛwɔ, ɔsika Israel ɔ́lɛ-mi kama aani uleku utidi.”

Hosea 13:6

Nsu ka bíbeduo kalɔ kabuni kemmo kesii kani na ntu ku adila akya na bɛɛní na bɛɛdi teemo ni, bɛ́yiƒala-mi na bíse kalɔ bɛɛtina lɛlɔ.

Hosea 14:1

Israel, sɔ nwini bo ƒula Unwoti Katɔti kudɔ. Ɔsika likpidi lɛ́ya na ébuli.

Hosea 2:16

“Líse-nwu kenye ɔ́si limeyi lɛmmɔ lɛlɔ ka ɔdubɔlɔ-mi nwuna ɔgya na ɔɔɔdi Ati.

Hosea 5:13

“Na uwi ɔni na Israel ku Yuda bekyuli bánu bana ɔlɛ ɔni nda-ma báti ni, békeli bésie Asiria ɔga unengudi kudɔ banii ubunku-ma. Nsu útakana-ma kebunku kadi bute na ɔbwi-ma.

Hosea 5:15

Na ndubɔsɔ linwini ntélie mina keliekɔ wetédu uwi ɔni na ama alati báƒɔ enu ka bábla ekpidi na benwini babawia-mi kama ulu. Na ɔkɛnku bana lɛbibo ɔsu ni, badubunwini kayi na basiaku-mi kpakplaa.”