Hosea 2:3 - Katɔti Ɔku Kedee

³ Si ɔɔɔdi lɛni ni, ndubudie-nwu lɛlɔ ala na ɔsɔ ɔkɛ utaavi aani kalɛ na báwɔ-nwu ku kasɔngya. Na ndubɔya na ɔta ɔbla aani kalɔ kakwiidi kani na ntu bɔ́sa-ka kemmo ƒui kede kede na ukpi na utukwɛ ɔsu.

Hosea 2:3 ပူးပေါင်းရင်းမြစ်များ

Israelƒuɔ Bɔlɛ 17:3

Nsu ka utukwɛ mɔɔda bekyuli bamɛni ɔsu ni, baadɔnku Mose banini, “Bi ɔsu na ákpanku-bu ásiku Egyipte na áya na utukwɛ ɔdubo abu ku bula bebi ku bebuo ƒui bɔdu?”

Yesaia 33:9

Mmo bɔ́kywi bunye na lɛla lɛla liiibo-mu kemmo. Na Lebanon lɛku lɛ́yɛyɛ linye aani ukyuli ɔni na kɔƒa kúƒie. Na Saron Ɔkwalɛ únwini kalɔ kakwiidi. Na Basan ku Karmel aku ƒui éwiile evete.

Yesaia 47:3

Bekyuli badubo-ɔ kasɔngya bɔnu na kɔƒa kukpo-ɔ, ɔsika adubo bɔvi ku kasɔngya. Na ndubo kasi budie na ɔdi ulébu iye ukeli.

Yesaia 64:10

Ƒula lɛma linengudi lɛni na áƒuna ése sɛsɛɛ ƒui línwini ketele kalɔ kakwiidi. Sion únwini kalɔ kakwiidi na Yerusalem ɔsɔ ɔɔɔdi kesii kani madia lɛla lɛdi bɔbla.

Yeremia 12:10

“Mina kalɔ kabuni kammɔ kébie aani kalɛ na baƒonu badane baakpanku bana bebuo na besusu kemo kadi ku kana edula ƒui na asɔ alanu lɛdila lɛdi.

Yeremia 13:22

Agyi lɛla lɛni ɔsu na ƒula adala ábwɛ-ɔ lɛlɔ na bekyuli beedumi-ɔ? Ɔkɛnku ƒula ekpidi bonwu bonwu ani na aabla ɔsu.

Yeremia 13:26

Búlie aani ɔgya ku ule, nsu bɛ́lɛ-mi kama na bítasiaku-mi kama siin. Na bínwini bayalɛ muedi na uwi ɔni na bɛkɛ abi eli ku mmo ƒui bɛɛkpá baƒiɔ bani muusé lɛlɔ mmɔ ɔsu.

Yeremia 14:3

Lɛlɔ badine baatala bana kabla bablane banii besie kesii kani na báƒɔ ntu bewi bése na betédu ntu. Na ka ntu litemi líbo lɛɛyu ɔkplu ɔsu ni, atakpɛ kemmo na beedie libu lɛni baalɛ atabi abiɔ kalɛ na baƒɔ ɔnantu ntu bewi bese. Nsu bátakɛ ntu na básɔ bénwini ku linuƒɛ na bada bana ala ekpludi.

Yeremia 17:6

Badubo bɔkwii bunye aani lɛku kemmo alakpi aani kalɔ kakwiidi kalɔ kani na mma bɔ́ƒɔ-ka lɛlɔ na lɛla biala lilakana bɔkwɛ na lɛlɛ lili na mmɔ.

Yeremia 2:31

“Bise atu na binu lɛla lɛni na mɔɔsu. Budie na lídie-mii atu na kalɔ kakwiidi kammɔ kemmo na bɛ́sɔ bɛkya lɛdisa kemmo? Mina bekyuli na bɛdi, nsu bɛ́kana na bɛ́su-mi bɛnini, ‘Lɛla lɛni na abu bɔɔyɔ́ na bɔdubo bɔbla, na bɔɔɔdubo-ɔ lili kalɔ bɔkya.’

Yeremia 2:6

Bátakana na beye banii, ‘Nte Unwoti ɔni nákpanku-bu ɔ́lɛku Egyipte kalɔ lɛlɔ, na ɔ́tɔnku-bu ɔ́siaku ketele kemmo kalɔ kakwiidi kani kemmo na libu lɛ́ƒɔ tɛɛ mmɔ, kalɔ kani kemmo na ntu buuubo na kese suu geen, na ukyuli ɔdi ulásia mmɔ taavi kudii, na ukyuli ɔdi uuulie mmɔ lɛnɔ?’

Yeremia 22:6

“Binu kasusu kani na lɛ́bla. Yuda ɔga kesii kammɔ keekeye aani Gilead iye Lebanon abi kangya eli katɔ katɔ ƒui. Nsu mmɔ kadubo buwi aani ɔma ɔni na ukyuli ɔdi uuubo si uwi ɔni na lɛ́wɔlɔ lɛla lɛni na nnii mɔɔblaku-nwu.

Yeremia 4:26

Katumalɔ ƒui kénwini kalɔ kakwiidi na lɛma ƒui líbie liwi ukpludi. Kɔnyi kpakplaa kɔni na Unwoti úti ɔsu na ɔmɛni ƒui ɔ́lɛ lɛni.

Yeremia 51:43

Na ala bubile kpakplaa bɔdubuse kalɔ na lɛma lɛni na adɔ kemmo. Na kalɔ kammɔ ƒui kadubo bunwini kalɔ kakwiidi kesii kani na ukyuli ɔdi ulakana bulie iye besie bavi kemmo muedi.

Yeremia 51:5

Ukyuli biala na Israel ku Yuda ƒui bábla ekpidi na báƒiɔ, nsu ami bana Unwoti Ɔyikune Ƒui lɛɛɛdubo-ma buni.

Esekiel 16:22

Ɔƒɛni amu asɔ eeebo kɔnu na likpidi bɔbla lɛlɔ kani na enye na éti lɛlɔ énwini ɔyalɛ. Na asɔ alabla kasusu taasiku uwi ɔni na adi ɔnamu na atɛ ubugya kemmo ku kasɔngya eebó teeminime.

Esekiel 19:13

Ɔmmɔ kama béti-ku bátálɛ kalɔ kakwiidi kani náƒɔ ogya lɛlɔ.

Hosea 13:15

Ina bi lɛkɛ na bɛ́kɛ na lɛ́kɔ katɔ dɛ ni, ami Unwoti ndubo-ni kemmo bubile ƒui na lɛyila-ni aani kalɛ na kaƒɛndi ɔƒɛƒɛɛ ɔni mɔɔkula ala na kalɔ kakwiidi kemmo ɔɔkula ntukpa. Ndubuƒie bina lɛkɛ lɛmmɔ lɛƒɔ-mii kudɔ.

Hosea 2:10

Na ndubudie-nwu kasɔngya na nwuna bayɔne anumi. Na ɔdi ulakana-nwu bɔƒɔ.

Budie Taatina 17:16

Ese leevu ani nnye nte baga bani na ánu ku eƒiebuo ɔmmɔ ni, badubukisi ɔyalɛ ɔmmɔ. Na badubo ala ani nse-nwu ƒui bɔƒɔ bɔsiku-nwu kudɔ na ɔsɔ ɔkɛ utaavi kasɔngya. Badubo-nwu lɛna bɔkun na bakyula lɛni nébu.

Litemi Batɛne 15:18

Na ka utukwɛ úbo ɔɔda Simson ɔsu ni, úwulo ɔ́kpali Unwoti ɔnini, “Awɔ náya na ƒula kabla ɔblane úkpo ɔ́di lɛlɔ. Anwuɔsu bunye na adubunye anu na utukwɛ ɔdu-mi na anyonu-mi akya bekyuli bani neeekulo ago mɛni enu kemmo?”