Hosea 2:20 - Katɔti Ɔku Kedee

²⁰ Na lɛɛɛdubo mina litemi kama bɔlɛ kudii. Na ɔmmɔ ɔdubɔya na ɔnu ami nwuna Unwoti ɔti.

Hosea 2:20 ပူးပေါင်းရင်းမြစ်များ

Ala Kalɔ Buse 9:10

Na linyese lɛmɛni lɛdanku baasɛ ku ɔmantɛ bebuo ku beƒiebuo bani nákya-a kudɔ na bálɛ ɔkɔlɔ bonwu ɔmmɔ kemmo.

Yesaia 2:4

Na Unwoti ɔdubɔtɛ litemi na ɔklibi kadi ku kadi unyeƒi ɔni nkya-ma ntɛ. Na bana kuwii ƒui ni, ama alati badubuti-ku bakywɛ anwami bonwu ani muunwíni kalɔ. Na beti bana atula bakywɛ asaaka. Na kadi ku kadi basɔ balata kekpo, na basɔ balatumini bekyuli belete kekpo lɛnɔ.

Yesaia 62:4

Na bekyuli basɔ baaadubo ƒula kalɔ kammɔ lɛnyi bɔsia banii, “Udinkɔ ɔni na béni bése.” Mmomu badubɔlɔ-ka banii, “Uleku ɔni na báwɛɛ-nwu kaduɛ.” Ɔsika ƒula lɛlɔ lɛdubɔda Unwoti ebiti na ɔdubɔbla aani uleku ogya ute-ɔ.

Yeremia 24:7

Ndubuti mina lɛlɔ ebiti bɔkya-ma kayi kemmo na bati-mi na benwini mina kadi bekyuli. Na badubɔwia ka lɛbla bana Katɔti na benwini bebo-mi kudɔ ku bana kayi ƒui.

Yeremia 30:10

“Amii, mina bekyuli bani nkya katɔ ku kada ƒui, bɛsɔ bitayia. Ami ɔdi na bɛdi bɛ́manku ka lɛni-mii kɔtu, anwuɔsu na lígyingya-mii lɛ́kya kadi bamba bekyuli akɔ na ɔlɔgyu kakaaka. Nsu nsiaku-mii na ndubɔyila kadi bamba bakyuli bammɔ udu.

Yeremia 9:24

Na ukyuli ɔni mɔɔkun lɛmɛnɛ ni, ɔnu ka nwuna kasusu kese-nwu nwaa na ɔsiaku ami Unwoti. Na lɛla lɛni na mɔɔyɔ́ teetulo ƒui ndi lɛƒɔndia bɔbla ku etemila bɔtɛ siin ku bekyuli kɔnyana bɔnu na kalɔ kammɔ ƒui lɛlɔ.

Esekiel 16:62

Ndubɔsia linyese lɛmɛni anu geen, ɔsika kese-mi kedee, na adubɔnu ati ka ami ndi Unwoti.

Esekiel 16:8

“ ‘Na uwi ɔni na lɛsɔ lɛnu-ɔ na ɔmmɔ kama ni, na éedu kalɛ na ati ɔnana. Ɔmmɔ ɔsu líti mina awu gyɔlɔɔ ɔmmɔ kakɛ kadi líbi-ɔ lɛlɔ na lɛ́bɛla-a kasɔngya líti lɛ́tina-a ka ndubo-ɔ bɔgyumana. Na líse-ɔ kenye kpakplaa na búnyimi ka enwini Unwoti Katɔti ami ɔdi na ntaanu-ɔ lɛlɔ.

Esekiel 34:25

“Israel kadi bekyuli ndi mina baƒonu. Na líse kenye kpakplaa ka badubuli na atu bɔyɔ kemmo. Na ndubo eƒiebuo biala bɔbɔku bɔtɔlɔku kalɔ kakwiidi ku lɛku lɛmmɔ kemmo na basɔ baaadubo bɔyia.

Esekiel 34:27

Na bana adingyii adubo bɔnwu kaduɛ na edula lɛnɔ adia-ma. Ndubo bɔya na bakɛ bɔnwuna ƒaa na belie bana kalɔ lɛlɔ ku atu bɔyɔ na basɔ balabla ukyuli bamba kabla. Na badubɔnu bati ka ami ndi Unwoti.

Esekiel 38:23

Ndubo ɔmɛni bɔbla liti lɛtina kayawi ƒui ka ami Unwoti nse kedee.’ ”

Hosea 13:4

“Ami ndi Unwoti bina Katɔti ɔni nédie-mii ɔ́lɛku Egyipte kalɔ lɛlɔ. Na Katɔti ɔbambadi ɔdi ɔsɔ uuubo. Ami lɛti ndi anwu ɔni mɔɔƒɔ́ bekyuli.

Hosea 2:19

Ndubɔƒɔ-nwu aani mina uleku utidi ɔ́si ɔƒɛni úsela uwi ƒui. Na nwuna buti kayu kani na ndubɔƒɔ ndi ka lɛbla lɛla biala siin lite-nwu na lɛdi mina litemi lɛlɔ ulu lɛlɔ, na mina bɔyɔ bɔsɔ bulavumana na ntaabla-nwu lɛƒɔndia.

Hosea 6:6

Kɔnyana bɔnu na mɔɔwia, na ɔɔɔdi bebuo buti taakpa. Na bekyuli banu-mi bati utulo bebuo buti taakpa.

Lewiƒuɔ Ɔda Bubo 26:5

Na bɛdubunye edula lidu lidu bɔƒɛ lɛlɔ ku adingyii ebi bude lɛlɔ utédu ala awɔdi bɔva uwi. Na bɛdubɔdi lɛla biala na bɛɛyɔ́ na keyi kayɔku-mii na bina kalɔ kani lɛlɔ bísela bitélie mmɔ lɛlɔ.

Lewiƒuɔ Ɔda Bubo 26:6

“ ‘Ndubɔya na bɛkɛ atu bɔyɔ na kalɔ kammɔ kemmo na bɛtɛ bɛlɛɛ ƒaa na ɔdi ulakya-mii liƒu lɛdi. Na ndubɔbɔku bebuo bekpidi lɛlɛku kalɔ kammɔ lɛlɔ. Na kewii kadi kelékpoku-mii na kalɔ kammɔ kemmo.

Mika 4:3

Na Unwoti ɔdubɔtɛ litemi na ɔklibi kadi ku kadi bayikune bani nkya ƒui unyeƒi ɔni nkya-ma ntɛ. Na bana kuwii ƒui ni, ama alati badubuti-ku bakywɛ anwami bonwu ani muunwíni kalɔ. Na beti bana atula bakywɛ asaaka. Na kadi ku kadi basɔ balata kekpo, na basɔ balatumini bekyuli belete kekpo lɛnɔ.

Sakaria 9:10

Ami, Unwoti, ndubɔda kekpo kɛɛkɛ ku bana bapɔnkɔ lɛlɛku Israel kalɔ lɛlɔ. Na kɔtaminta kɔni na bényimi bése béte kekpo ni, ndubɔƒɛ-ku ƒui. Ndubuti keyi buɛɛ liboku kadi bekyuli. Na ƒula ɔga ɔdubɔdi lɛlɔ ɔ́si ɛpu ɔvi unwi úsie ɔvi ɔkladi. Na nwuna lɛga kadikɔ kadubɔsi Euƒrate Ketu bonwu kɔtu na kavia kalɔ ƒui lɛlɔ.

Mateo 11:27

Na ɔ́sɔ ɔ́su ɔnini, “Mina Ɔti úti ala ƒui úte-mi. Na anwu lɛti ngyi ukyuli ɔni udu na ndi. Na ami lɛti ngyi ukyuli ɔni na mina ɔti lɛnɔ ɔdi. Na mɔɔƒuna bekyuli badi bani na medie-nwu matina.

Luka 10:22

Amu na ɔ́sɔ ɔ́su ɔnini, “Mina Ɔti úti ala ƒui úte-mi. Ɔdi biala ɔɔɔgyi ukyuli ɔni na Katɔti Ubi ɔmmɔ ɔdi, ntu Katɔti lɛti pɛ. Na ɔdi lɛnɔ ɔɔɔgyi ukyuli ɔni na Katɔti ɔmmɔ lɛnɔ ɔdi, ntu Ubidi ɔmmɔ lɛti pɛ ku bekyuli bani na Ubi ɔmmɔ ɔ́ƒuna ka udie Ɔti ɔmmɔ ɔtina kani.”

Yohane 17:3

Na ngba bɔni nsɔ naaadubo bɔsa kudii mɛni kalɔ ndi ka bekyuli bamɛni bati awɔ, na bati ka awɔ lɛti pɛ ndi Katɔti geen ɔmmɔ, na bati ami Yesu Kristo ɔni na átala.

Yohane 8:55

Amii bɛɛɛgyi-nwu. Nsu ami ngyi-nwu. Na ndubunwini ɔkɔ ɔnyine bina kalɛ si líni ɔmɛni. Ɔsika ngyi-nwu geen, na mɔɔdi nwuna etemila lɛlɔ.

Korintoƒuɔ 2 4:6

Katɔti násu na kalɔ kesekɔ ɔnii, “Bukeye bɔƒɔ kasuudikɔ.” Na anwu kani náya na bukeye bɔmmɔ búkeye na bula kɔyi kemmo. Na bukeye bɔmmɔ náya na bɔ́nu Katɔti bukeye bɔni muukeye na Kristo anumi bɔ́ti.

Ƒilipiƒuɔ 3:8

Na ɔɔɔdi ɔmmɔ lɛti. Mɔɔnu lɛla biala aani lɛla keeke si líti mɔɔkɔ́ku lɛla lɛni náƒɔ kuye geen mɛni, na ani ndi ka lɛ́ti Kristo Yesu ɔni ndi mina Ɔti. Na anwuɔsu ni, líbo lɛla biala líwiakun. Na lɛ́nu-nya aani kebu alakpi kalɛ na ami ku Kristo bɔbla unwi.

Koloseƒuɔ 1:10

Ɔmɛni ndubɔya na bɛti bina lɛlɔ bɔda na bilie ngba bɔni na Blɔti ɔɔwia. Na bina ngba bulie ɔbladu biala ɔbla ɔbuni. Na ɔdubo-mii bubunku na bitaati Katɔti teebu.

Timoteo 2 1:12

Na ɔkɛ ɔmɛni lɛlɔ ɔsu muubó abi na kɔƒa kulekpo-mi. Ɔsika lɛ́ƒɔ lɛ́di geen, na ngyi ukyuli ɔni lɛlɔ na mina anu asia. Na ngyi lɛnɔ ka ɔdubɔgyumana-mi na lɛda lɛla lɛni na úti ɔ́kya-mii enu kemmo kaduɛ wetédu limeyi lɛkladi lɛmmɔ lɛlɔ.

Hebriƒuɔ 8:11

Na ɔ́si ɔƒɛni ni, ukyuli ɔdi ɔsɔ ulatina ɔkpanadi iye ɔnwani ka ɔti Blɔti. Ɔsika bana ƒui badubo-mi bɔti ɔ́si ubliidi ƒui útálɛ unengudi lɛlɔ.

Yohane 1 4:6

Nsu abu ni, bɔdi Katɔti badi. Na ukyuli biala ɔni ngyi Katɔti ni, uunú-bu litemi. Na ukyuli biala ɔni nátasi Katɔti kudɔ ni, ulenu-bu litemi. Ɔmɛni buuti taanu taati Kɔyu kɔni mɔɔtina litemi geen lɛmmɔ ku kɔyu kɔni mɔɔtɔ́lɔ bekyuli.

Yohane 1 5:20

Na abu bɔgyi lɛnɔ ka Katɔti Ubidi úbo kayawi kamɛni úbedie ala kalɔ úte-bu kalɛ na bɔti anwu ɔni geen ndi Katɔti. Na ɔƒaani ni, buliku anwu ɔni geen ndi Katɔti ɔmmɔ ku nwuna Ubidi Yesu Kristo lɛnɔ. Na anwu geen ndi Katɔti ɔmmɔ ɔni ndi ngba bɔni nsɔ naaadubo bɔsa kudii.