Hosea 2:18 - Katɔti Ɔku Kedee

¹⁸ Na ndubɔtuna na ulie ku keyi buɛɛ. Na beƒiebuo ku baasɛ bekpidi basɔ baaadubo-nwu bukpoku iye badi basɔ bata ku ekpola bebekpoku-nwu lɛnɔ.

Hosea 2:18 ပူးပေါင်းရင်းမြစ်များ

Hiob 5:22

Adubunye na ama si uwi ɔni na kɔka iye kekpo kébo. Na asɔ alayia beƒiebuo badi.

Hiob 5:23

Ɔɔɔdi atakpɛ akɔ na asɔ adubo bɔtuma. Na beƒiebuo lɛnɔ basɔ belékpoku-ɔ.

Kɔgya 148:10

ku beƒiebuo ku bebuo bamba ƒui na aku kemmo bani mɔɔkpɛ́ kaƒɔ lɛlɔ ku kayaa baasɛ bani muunú-nwu litemi ƒui, bimwi-nwu.

Kɔgya 23:2

Ɔɔkpanku-mi aani koƒonu teesienku kesii kani na livo lɛwɔdi lɛkya na lɛkun. Na ɔɔtɔnku-mi teesienku kesii kani abiɔ abuni ani ntu nába bɔkya na lɛni.

Kɔgya 46:9

Ɔɔyá na kekpo biala kenye kaayɔ́ na kayawi kesii biala. Na ɔɔƒɛ kɔtaminta kɔmmɔ ku atula ƒui na ɔɔkyula ala ani ƒui na beeti teesienku kekpokɔ taatágyumana lɛlɔ.

Yesaia 2:11

Limeyi lɛmmɔ ni, bekyuli bekpidi bani mɔɔnu bekyuli ɔnusɛ bɔdubɔkya lili kalɔ, na lɛlɔ katɔ bɔkɔliku biala bɔdububo kalɔ.

Yesaia 2:17

Na bekyuli atuɔkplu ku lɛlɔ katɔ bɔkɔliku ƒui ɔdububoku-mu kalɔ. Na Unwoti lɛnyi kani ndubɔkɔ katɔ limeyi lɛmmɔ.

Yesaia 2:4

Na Unwoti ɔdubɔtɛ litemi na ɔklibi kadi ku kadi unyeƒi ɔni nkya-ma ntɛ. Na bana kuwii ƒui ni, ama alati badubuti-ku bakywɛ anwami bonwu ani muunwíni kalɔ. Na beti bana atula bakywɛ asaaka. Na kadi ku kadi basɔ balata kekpo, na basɔ balatumini bekyuli belete kekpo lɛnɔ.

Yesaia 26:1

1Na limeyi lɛmmɔ lɛlɔ ni, badubɔtu kɔgya kɔmɛni na Yuda badubɔtu ɔnu bedie banini, “Ɔƒɛni amu bɔ́kɛ kagyumanakɔ ɔma unengudi kpakplaa. Na Katɔti ɔ́ya na awodu ku awodu akpa ani náka ámana-nwu adi ngba bɔƒɔ.

Yesaia 32:18

Amii Unwoti bekyuli bɛdubulie kpoo ku keyi buɛɛ na atu ayɔ-mii na bina kɔkyakɔ ƒui.

Yesaia 54:5

“Unwoti Ɔyikune Ƒui, Israel Katɔti, mɔɔdi kayawi ƒui lɛlɔ. Anwu ndi bina Udiene ku bina ɔgya na ɔdubudie-mii.

Yesaia 65:25

Begidi ku baƒonubi badubɔdi basala na bagyata ku bakɔ ƒui badubɔkun keti. Na balakpi badubɔkun lɛti kani! Na baladu iye babla ɔdi lɛla lɛdi na mina kɔbi kedee lɛlɔ mmɔ. Lɛni na ami Unwoti mɔɔsu!”

Yeremia 23:6

Na uwi ɔni ƒui na ɔdubulie ɔdi lɛga lɛmmɔ ni, Israel ɔdubulie ku keyi buɛɛ. Na lɛla biala lise kpoo na Yuda kalɔ lɛlɔ. Na lɛnyi lɛni na ɔga ɔmmɔ ɔdubɔdi ndi Unwoti Uute Litemi Bɔtɛ Ulu Siin Lɛlɔ.

Yeremia 30:10

“Amii, mina bekyuli bani nkya katɔ ku kada ƒui, bɛsɔ bitayia. Ami ɔdi na bɛdi bɛ́manku ka lɛni-mii kɔtu, anwuɔsu na lígyingya-mii lɛ́kya kadi bamba bekyuli akɔ na ɔlɔgyu kakaaka. Nsu nsiaku-mii na ndubɔyila kadi bamba bakyuli bammɔ udu.

Yeremia 33:16

Na uwi ɔmmɔ kemmo ni, Yuda ɔdubulie ƒaa na lɛla lɛdi lɛɛɛdubo-nwu bukpoku. Na Yerusalem ɔdubulie ku keyi buɛɛ na bekyuli badubɔsia-nwu lɛnyi banii ‘Unwoti ɔɔtɛ litemi siin.’

Esekiel 34:25

“Israel kadi bekyuli ndi mina baƒonu. Na líse kenye kpakplaa ka badubuli na atu bɔyɔ kemmo. Na ndubo eƒiebuo biala bɔbɔku bɔtɔlɔku kalɔ kakwiidi ku lɛku lɛmmɔ kemmo na basɔ baaadubo bɔyia.

Esekiel 39:1

Unwoti ɔnini, “Esekiel, ɔyawine ubi, du Ɔga Gog kukpi kɔtɔ na asu-nwu anini, “ ‘Awɔ mɔɔdi Mesek ku Tubal lɛlɔ, nsu ami Unwoti ndi-ɔ ukisine!

Sakaria 14:4

Ɔdubusie utáwia kenyekɔ na Nnɔ Egyii Kɔbi lili na Yerusalem ɔƒɛ katukɔ kakɛ. Na kɔbi kɔmmɔ kɔdubɔbwɛ kemmo kule akpa anyɔ usie ɔvi ɔni ku ɔni, na ɔdubɔbla kɔwɛ bonwu ɔsi ɔƒɛ katukɔ úsie ɔƒɛ kanukɔ.

Sakaria 14:9

Na ɔmmɔ kama ni, Unwoti unwi pɛ kani ndubo bɔkya aani lɛlɔ ɔdine ɔni mɔɔdi kalɔ kammɔ ƒui lɛlɔ. Na nwuna lɛnyi lɛti na bekyuli ƒui badubɔkya lili kalɔ bete na kalɔ kammɔ lɛlɔ kesii biala.

Sakaria 2:11

Na si uwi ɔni na úbo-nwu kemmo lɛni ni, kadi bekyuli pii badubunwini bebo Unwoti kudɔ na benwini nwuna bekyuli na uwi ɔmmɔ lɛlɔ, na badubɔnu bati ka Unwoti kenye udiene na ɔdi sɔsɔ.

Sakaria 3:10

“Na bina akɔ ɔdi biala ɔdubɔlɔ nwuna bakpana uboku na bilie bina mmo adingyii egyii kalɔ bɛkya lɛlɔ ebiti.”

Sakaria 9:10

Ami, Unwoti, ndubɔda kekpo kɛɛkɛ ku bana bapɔnkɔ lɛlɛku Israel kalɔ lɛlɔ. Na kɔtaminta kɔni na bényimi bése béte kekpo ni, ndubɔƒɛ-ku ƒui. Ndubuti keyi buɛɛ liboku kadi bekyuli. Na ƒula ɔga ɔdubɔdi lɛlɔ ɔ́si ɛpu ɔvi unwi úsie ɔvi ɔkladi. Na nwuna lɛga kadikɔ kadubɔsi Euƒrate Ketu bonwu kɔtu na kavia kalɔ ƒui lɛlɔ.