Hosea 2:13 - Katɔti Ɔku Kedee

¹³ Na ndubo-nwu kɔtu bɔni na uwi ɔni na úti ɔ́kpa Baal baƒiɔ na ɔ́kyula oloƒui úte-nwu kenye. Na ndubo-nwu kɔtu bɔni na uwi ɔni kemmo na údie-mi atu na ɔ́yiƒala-mi na úye kɔkwɛnimi ku asɛɛ lidu ɔ́kya atu ku limɔ ka ɔɔwia ka nwuna basɔnɔ bataayɔ-nwu ɔsu. Ami Unwoti nébimi kenye lɛ́su, na ndubo bɔbla bɔsiaku lɛni!

Hosea 2:13 ပူးပေါင်းရင်းမြစ်များ

Baga 2 1:2

Na Ɔga Ahasia úbuli ɔ́siku nwuna ɔtɔ katɔ úbayu kalɔ na Samaria, na nwuna lɛlɔ lɛ́ƒɔ ɔlɛ kaduɛ. Ɔmmɔ ɔsu, ɔ́tala batu badi na ɔ́su-ma ɔnini, “Bisie na bitéye Baal-Sebub ɔni ndi Ekronƒuɔ baƒiɔ si ndubo bɔta na ɔlɛ ɔni na muuƒi mɛni kemmo?”

Baga 2 10:28

Na lɛni na Yehu ɔ́bla na ɔ́da Baal lɛƒiɔkpa údie Israel kalɔ lɛlɔ.

Baga 2 21:3

Na ɔti Hesekia akpabi ani na úbo ɔ́ƒɛ ni, ɔ́sɔku-nya ɔ́tu. Na ɔ́tu akpabi úte Baal baƒiɔ bɔkpa. Na ɔ́sɔ ɔ́sɔku Asera baƒiɔ ɔ́tu aani kalɛ na Ɔga Ahab ɔ́bla ɔ́vi. Na Ɔga Manase lɛnɔ ɔ́kpa ayabi.

Hiob 8:13

Bekyuli bani mɔɔyiƒala Unwoti Katɔti na beedie-nwu atu ni, lɛni na bana kawɔlɔkɔ kaabla ka báyila bana lɛnunsia ɔsu.

Kɔgya 106:13

Nsu útaƒɔ uwi ɔdi asa na báyiƒala ala ani na Unwoti ɔ́bla. Na bétenye bátanu-nwu anumi na banu lɛla lɛni na ɔdubo-ma bɔsu.

Kɔgya 106:21

Na báyiƒala Katɔti ɔni nédie-ma

Kɔgya 78:11

Ala ani na Katɔti ɔ́bla ku nwuna akɔla ala budie taatina ni, báyiƒala-nya.

Israelƒuɔ Bɔlɛ 32:34

Nsu ɔƒaani ni, teesie na atákpanku bekyuli bammɔ esienku kesii kani lɛ́su-ɔ líse. Na enyimo ka mina ɔtu ɔdubo-ɔ bɔgyumana. Nsu uwi ɔdi ɔdubo ɔni na ndubo bekyuli bamɛni kɔtu bɔni ɔkɛnku likpidi lɛni bábla ɔsu.”

Yesaia 17:10

Bɛ́yiƒala bina Katɔti ɔni mɔɔƒɔ́-mii ngba, na bítenyimo bina kagyumanakɔ kpakplaa kani ndi lɛtakpɛ lɛni lɛlɔ na bíkpo kama. Ɔkɛnku ɔmmɔ ɔsu ni, ina ka bɛ́lɛ egyii abuni, na bíye adingyii abuni bɛ́siku kaƒɔ bíbalɛ,

Yesaia 65:7

Bana ekpidi ani na bábla ku bana bati ekpidi lɛnɔ. Ɔsika bákyula akpala na abi lɛlɔ na bése kayi báta bénye-mi lɛlɔ na abi lɛlɔ mmɔ. Anwuɔsu ndubo bana lɛyuƒɔla keyile kani námanku bana ablala ani návi ƒui bɔƒɔ bute-ma.’ ”

Yeremia 18:15

Nsu amii mina bekyuli bínwini kama bɛ́kya-mi na bísie bɛɛkyula oloƒui teete baƒiɔ bani neeebo kɔsia kɔdi. Na bɛ́da ulu kuuku ɔni lɛlɔ na bɛkɛ bɛ́va na bítéti ulu ɔwɔdi ɔni na bɛɛɛgyi na bɛkɛ biitulo baƒiɔ lidu lidu.

Yeremia 2:32

Uleku utidi uláyiƒala nwuna asɛɛ bɔkya si uwi ɔni na bésela-nwu kawɛɛkɔ. Nsu amii bɛɛyiƒala-mi limeyi ndi limeyi.

Yeremia 23:2

Amii na nka ɔlɛka bɛnu mina bekyuli lɛlɔ, nsu bunwini na bínwini bɛ́bi bɛsiaku-ma na bɛɛbɔku-ma taatɔlɔku mmomu. Anwuɔsu ami ɔlati ndubo-mii bɔda ɔƒɛni amu na mɔɔsu-mii geen ka bɛdubo bina ekpidi biala kayu bɔƒɔ!

Yeremia 7:34

Na si uwi ɔni na lɛ́wɔlɔku bina kalɔ lɛni lɛ́wɔlɔ ni, mmɔ kadubo bɔba mana mana aani kekpine na kesii kani na líbile lɛla biala na Yerusalem mmɔ ku Yuda lɛma lɛmmɔ ƒui kemmo. Na lɛlɔyɔ kɔku kɔdi kɔsɔ kulakya mmɔ iye limeyi bɔdi ku beleku buti ablala adi lɛnɔ asɔ alakya mmɔ.’ ”

Yeremia 7:9

“Biiyú ala na bɛɛdú bekyuli na bɛɛnyi ɔkɔ na litemi katɛkɔ na bɛɛlɛ́ lɛlɔ kama na bina kɔgya ku ule ngba kemmo. Bɛɛkpá Baal baƒiɔ na bɛɛkyula oloƒui teete-nwu na uwi ɔni na baƒiɔ bamɛni ɔdi útabla lɛla lɛdi útete-mii kudii.

Kɔnyana Buwulo 1:4

Lilu lɛni ntɛ lísela Sion ƒui lɛtɛ kɔka ku kɔnyana ɔsika ukyuli ɔdi ɔsɔ ulásia-ni lɛlɔ na besie batádi bana emeyi buni adi. Nwuna ɔma unegudi lɛban kɔyakun ƒui kuse ukpludi. Na bakpane bammɔ beewulo teedumo. Banana bamba beebo teebeƒie-nwu badagyaa taatɔlɔku. Na kɔnyana ku ɔdu kati kati náƒɔ ɔma ɔmmɔ.

Kɔnyana Buwulo 5:14

Na básɔ bétete kuƒi na bula litemi batɛne basu litemi lɛdi litemi katɛkɔ. Na bakloƒu basɔ beeebo kuƒi na bataagya agyala adi teedie lɛnu.

Esekiel 16:12

Na líte-ɔ asikpɛɛ abuni ani na akya enwu ku atu ku kagabwa kabuni geen.

Esekiel 16:17

Sika ugyiedi ku ɔƒualadi asɛɛ ebi ani na líte-ɔ na éti ávɔ baƒiɔ ése éte lɛlɔ na aakpá na ɔdi likpidi na aabla taaƒiɔ-mi.

Esekiel 22:12

Bina badi bɛɛƒɔ́ egulabi ka bɛdu ukyuli. Na biivó egulabi teete bina Israelƒuɔ banwani taaƒɔ́ kuvonsia bonwu na bɛɛsia ɔmmɔ lɛlɔ taawia lɛkɛ teese lɛlɔ. Na ɔni nébie utulo ƒui ndi ka bɛ́yiƒala ami Unwoti Katɔti.

Esekiel 23:35

“Buse geen na ése éni-mi ƒui kede kede, anwuɔsu na ami lɛnɔ líse kenye ka adubɔkɛ ƒula lɛtuni na ala ani na ábla aani ɔyalɛ na eesé lɛlɔ mmɔ ɔsu.”

Hosea 11:2

Nsu kɔlɛ kɔlɛ kɔni na mɔɔlɔ-nwu teeboku lɛlɔ aani ubi kalɛ ni, kɔlɛ kɔmmɔ na uusié kama na mina kudɔ. Na baabla akpala teete Baal baƒiɔ na baakyula oloƒui teete ala ani na bávɔ mmɔ.

Hosea 13:1

Si bina batɔnkune baatɛmi ni, lɛlɔ lɛɛtɔ́ ukyuli biala ku liƒu na bɛɛbu-ma geen. Nsu bɛ́bla likpidi na ɔni na bísie bɛɛkpá Baal baƒiɔ ɔsu na báyii udu.

Hosea 13:6

Nsu ka bíbeduo kalɔ kabuni kemmo kesii kani na ntu ku adila akya na bɛɛní na bɛɛdi teemo ni, bɛ́yiƒala-mi na bíse kalɔ bɛɛtina lɛlɔ.

Hosea 2:5

Bina uni útada udu buni. Útaalɛ-mi kama, na ɔ́su ɔnini, ‘Ndubɔsiaku mina basɔnɔ kama, ɔsika ama muute-mi adila ku ntu ku adala abuni ku ana lidu bamba lɛnɔ ku nnɔmii ƒɛƒɛɛ ku ntɛ buni.’

Hosea 2:7

Na ɔdubo usi bukeli bɔsiaku nwuna bayɔne, nsu ulásiaku-ma. Na ɔdubɔwia-ma ɔnɔ na ulanu-ma. Ɔmmɔ kama ɔdubɔsu ɔnini, ‘Ndubɔsɔ linwini lisie mina ɔgyani ɔkukudi kudɔ, ɔsika ala ádianku-mi uwi ɔmmɔ kemmo étulo kalɛ na use-mi ɔƒaani.’

Hosea 4:13

Bakɛ abi eli baabla akpala na beeti etela teesienku abi eli mmɔ na egyii enengudi lidu ƒui kalɔ, kesii kani na ɔyuli ɔkya kaduɛ na ɔdia bulie na egyii ammɔ kɔgba ku evete ɔsu. Anwuɔsu na bina bebi belekubi bénwini bayalɛ, na bina bebi bele bénwini basɔnɔdine.

Hosea 4:6

Amii bani na bɛdi bakpane bíni-mi, na mina bekyuli baayii udu ka béni mina ɔda bubo ɔsu. “Na ɔƒaani ni, ami lɛnɔ ndubo-mii buni na lɛyiƒala bina bebi ɔsika amii bɛ́yiƒala mina ɔda bubo.

Hosea 8:14

Israelƒuɔ, ami nédie-mii, nsu bɛ́yiƒala-mi. Na awɔ ku Yuda ƒui bɛ́tu baga kuliekɔ bonwu bonwu ku lɛma linengudi pii lɛni mbo kɔgyumanakɔ bíte lɛlɔ. Nsu ndubo bɔya na ogya ubo ubakyula lɛma lɛmmɔ ku kɔgyumanakɔ kɔmmɔ ƒui na ubile lɛla biala.”

Hosea 9:7

Israelƒuɔ, bina kɔtu bɔni uwi údu ka bɛƒɔ ala ani ƒui na bɛ́bla kayu na amii alati bɛdubɔnu bɔti. Amii mɔɔsu bɛnii, “Katɔti kenye bediene bádɔlɔ na nwuna batu beekpi libuo.” Na bina ekpidi pii ani na bɛɛbla áya na bíti-mi bukisi geen.

Amos 8:10

Na bina emeyi buni ani na bɛɛdi ƒui ndubɔya na enwini keku ku kɔnyana buwulo sɔɔn. Na bina adala adubunwini adikpi ekuku na bikpeyi eli bɛkɛ bitaavi. Na ɔdubɔbla aani si ubi unwi pɛ ɔni na ukyuli ɔdi ubo náyii-nwu na uuwulo. Na limeyi limodi lɛmmɔ lɛdubɔbla ɔdu kati kati sɔɔn limeyi.”

Lɛkpa Ulu 32:18

Na báyiƒala bana Katɔti ɔni ndi bana Ɔƒɔne Ɔyikune ƒui ɔni náya na belie ngba.

Lɛkpa Ulu 6:12

bɛnu kaduɛ kalɛ na bina kasusu kalálɛ bina Unwoti ɔni náda-mii údie Egyipte kalɔ lɛlɔ kesii kani nka bénye-mii lɛlɔ na bɛɛbla-ma kabla mmɔ.

Litemi Batɛne 10:6

Israelƒuɔ básɔ bábla likpidi na Unwoti anumi. Na likpidi lɛmmɔ ndi ka bésie bakya baakpá baƒiɔ Baal ku Astarot ku Aramƒuɔ baƒiɔ ku Moabƒuɔ baƒiɔ ku Amonƒuɔ baƒiɔ ku Ƒilistiƒuɔ baƒiɔ. Na ka Israelƒuɔ béni na báyu atuɔkplu ka basɔ balasiaku Unwoti ɔsu ni,

Litemi Batɛne 3:7

Amu na Israelƒuɔ bábla likpidi na Unwoti anumi. Na ɔkɛnku ɔmɛni ɔsu báyiƒala bana Unwoti Katɔti, na bénwini bátákpa Baal ku Asera baƒiɔ.

Samuel 1 12:9

“Nsu ɔmɛni ƒui ni, bula bati kuuku bammɔ báyiƒala Unwoti bana Katɔti. Ɔmmɔ ɔsu na anwu lɛnɔ úte kuƒi na bana bekisine békpoku-ma. Na bekisine bammɔ akɔ ɔdi ndi Sisera, Hasor bekpone ɔtɔnkune. Ukisine ɔbambadi ɔni nádi-ma lɛlɔ lɛnɔ ndi Ƒilistiƒuɔ. Na Moabƒuɔ ku bana ɔga lɛnɔ bábadi-ma lɛlɔ.