Hosea 2:12 - Katɔti Ɔku Kedee

¹² Uleku ɔmɛni ɔ́su ɔnini, ‘Mina basɔnɔ néte-mi adingyii mmo bɔni na mbo ka lɛ́ya na ami ku-ma bɔ́tɛ ɔsu.’ Nsu ni, ami Unwoti ndubo-mu bubile ƒui na lɛya na bɔta bunwini lɛku na bebuo bakun ala ammɔ bebile ƒui.

Hosea 2:12 ပူးပေါင်းရင်းမြစ်များ

Kɔgya 80:12

Na bi ɔsu na ɔban ɔni na ágyi ámana-ku ni, ábwɛ-nwu, na ukyuli ndi ukyuli ɔni mɔɔsia mɛni uudie kɔnu na ude egyiibi ammɔ.

Yesaia 29:17

Na uwi klukwii ɔdi kama ni, Lebanon akumiɔ ƒui adubunwini edula mmo, na edula ammɔ adubɔlɛ enye kemo na ana bɔdia adubɔbla aani lɛku na nnye.

Yesaia 5:5

“Bɛya na lɛsu-mii lɛla lɛni na ndubo mina adingyii kemo bɔbla. Ndububile ɔban ɔni na lɛ́gyi lɛ́kya-ka na kayii udu. Na ndubɔƒɛ awodu ammɔ ƒui liwi kalɔ na bataanya-ka teesusu.

Yesaia 7:23

Na bina adingyii mmo bɔni na bíse na bɔdubɔƒɔ kuye sika ɔƒualadi mpim ɛlɛ ɛlɛ ni, bɔdububie bunwini liyu likpidi yayaaya aku sɔɔn.

Yeremia 13:26

Búlie aani ɔgya ku ule, nsu bɛ́lɛ-mi kama na bítasiaku-mi kama siin. Na bínwini bayalɛ muedi na uwi ɔni na bɛkɛ abi eli ku mmo ƒui bɛɛkpá baƒiɔ bani muusé lɛlɔ mmɔ ɔsu.

Yeremia 26:18

“Kuuku uwi ɔni kemmo na Hesekia útaadi lɛga na Yuda kalɔ lɛlɔ ni, Katɔti kenye udiene ɔdi baalɔ banii Mika ɔ́kya na ɔ́si ɔma ɔnii baalɔ banii Moreset kemmo. Anwu násu ɔnini, ‘Ami Unwoti Katɔti Ɔyikune Ƒui mɔɔsu ka bekisine badubo Yerusalem bɔtu bunwini bubi aani kalɛ na beeti anwami teegulu kalɔ na ɔma ɔmmɔ ubie ɔyii udu. Na liyu alakpi kani ndubo bɔkwɛ bɔƒɔ abi ammɔ lɛlɔ kesii kani na kakpakɔ kammɔ kenye ɔƒɛni.’ ”

Yeremia 5:17

Bina edula na kadi bekyuli bamɛni badubo bɔdi na bakun bina bebuo. Na adingyii ebi adi elébu na bina adingyii mmo. Na ina ka bɛɛkali bɛnii bɛ́kɛ kakyakɔ na bina awodu kpakplaa ani na bɛ́tu bɛ́mana bina ɔma ɔmmɔ kama ni, badubo-mii lɛma bubo bɔbwɛ na badu bina bebi.”

Yeremia 8:13

“Ndubo-ma udu bɔyila budie kalɔ kammɔ lɛlɔ ƒui. Ɔsika bese aani egyiibi kɔbuli kɔni lɛlɔ na egyiibi aaasia iye kɔnwingyie kɔni lɛlɔ na ebi iye evete aaasia. Na ala ani na lɛ́su-ma ƒui bátabla ɔdi! Ami Unwoti násu lɛni.”

Hosea 13:8

Na lɛduli-mii ligyingya aani kegidi kani bebi na béƒie bátɔlɔku. Na ndubo-mii ekubi bɔbwɛ aani eƒiebuo bamba ɔdi kalɛ.

Hosea 2:5

Bina uni útada udu buni. Útaalɛ-mi kama, na ɔ́su ɔnini, ‘Ndubɔsiaku mina basɔnɔ kama, ɔsika ama muute-mi adila ku ntu ku adala abuni ku ana lidu bamba lɛnɔ ku nnɔmii ƒɛƒɛɛ ku ntɛ buni.’

Hosea 5:14

Anwuɔsu ndubo-ma lɛlɔ aani gyata ɔni na anumi égyie-nwu geen ku kɔnyi na lɛduli-ma ligyingya kɔkɛ kɔkɛ lɛtɔlɔku. Na ɔdi uuubo na ɔkana-mi lɛla lɛdi buye iye utile-mi kuƒi.

Hosea 9:1

Israelƒuɔ, lɛlɔ litayɔ-ɔ munu munu! Na tebimi lɛlɔ aani kalɛ na kadi bamba bekyuli baadi bana emeyi kalɛ, ɔsika ádi lɛyalɛ ágya na álɛ ƒula Unwoti Katɔti kama. Na akɛ eebi taata na kesii biala na beewiile edula, na aaƒɔ́ lɛla lɛdi biala na bɛ́di kuye ka bete-ɔ.

Mika 3:12

Anwuɔsu na amii ɔsu ni, bekisine badubo Yerusalem bɔtu bunwini bubi aani kalɛ na beeti anwami teegulu kalɔ na ɔma ɔmmɔ ubie ɔyii udu. Na liyu alakpi kani ndubo bɔkwɛ bɔƒɔ abi ammɔ lɛlɔ kesii kani na kakpakɔ kammɔ kenye ɔƒɛni.