Hosea 14:9 - Katɔti Ɔku Kedee

⁹ “Si bɛdi banundane ni, bɛdubunu ala ani mɔɔsu-mii mɛni kalɔ. Ami ndi bina Unwoti ɔni ndanku-mii mɔɔsiaku ulu ɔbuni lɛlɔ. Na si bínu-mi litemi ni, bɔdubusie aani bavinkpana. Nsu si bɛɛbla ulikplu ala ni, bɛdubo butulo na bibuli.”

Hosea 14:9 ပူးပေါင်းရင်းမြစ်များ

Ala Kalɔ Buse 18:25

Ńtaƒɔ ńtadi ka adubɔbla lɛni, na adu bekyuli babuni ku bekpidi ɔni mɔɔtina ka ábla bekyuli babuni ku bekpidi ulikplu likeke. Ɔmmɔ udu anwu ni, ngyi nwaa ka awɔ ɔni mɔɔtɛku kayawi ƒui litemi adubɔbla lɛla lɛni ndi ulu.”

Hiob 17:9

Bekyuli bani nse siin beenye bana ala siin bɔbla lɛlɔ, na bana ɔyikun ɔɔkɔ́ katɔ teebu uwi biala.

Kɔgya 107:43

Ukyuli biala na ɔ́da anu ni, use atu na unu etemila amɛni. Na ɔnu ɔti kalɛ na Unwoti ɔɔyɔ́ bekyuli uwi biala.

Kɔgya 119:128

Ɔmmɔ ɔsu nkɛnku ƒula litemi lɛlɔ na mɔɔnu mina kanyakɔ, na naaayɔ ka lɛsia ulu ukpidi ɔdi lɛlɔ.

Kɔgya 119:75

Ngyi ka ƒula litemi bɔtɛ buse siin. Na ɔkɛnku kalɛ na asia ƒula litemi kama ɔsu na áni-mi kɔtu.

Kɔgya 84:5

Lɛlɔ lɛdubɔyɔ bekyuli bani mɔɔƒɔ́ bana ɔyikun taasiku-ɔ kudɔ na baawia na bana kayi kemmo geen ka besie ƒula kakpakɔ.

Kɔgya 84:7

Na baakɛ́ ɔyikun teebu limeyi ndi limeyi. Na badubɔnu benwoti ƒui Unwoti ɔni ndi Katɔti na Sion Kɔbi lɛlɔ.

Agba 10:29

Unwoti ɔɔgyumana bekyuli bani nse siin, na ɔɔyila balalane udu.

Agba 16:21

Banundane ni, baanu-ma taati ɔkɛnku kalɛ na beenú ala kalɔ kenye. Si ásia ulu ɔbuni lɛlɔ átina ukyuli ala ni, anwu mɔɔyá na ɔɔƒɔ́-ɔ litemi ku ebiti.

Agba 4:18

Ukyuli ɔni nse siin kavinkɔ keekeye aani ɔtanta kadi kani négye kadubo na keekeye teebu utédu ka ɔbla nwaa ƒui.

Yesaia 1:28

Na bani na ekpidi kani na beli baabla ni, ɔdubo-ma udu bɔyila ƒui, ɔsika béni na banii belebo Unwoti kudɔ.

Yesaia 17:8

Na basɔ belésie bana akpabi ani na béti bana enu bávɔ béte lɛlɔ kudɔ, na basɔ beleti anu balasia Asera ɔƒiɔgyii ku nwuna lɛlɔ ala ku oloƒui bɔkyula akpabi ani na ama alati bátu mmɔ.

Yesaia 26:7

O Ati ɔni nse kedee, bekyuli bani ablala nse siin ni, bana kasiakɔ biala kaatɛ kalɔ ƒiaa. Na bana kɔvinkɔ ni, aayá na kɔɔbla suɛlɛ suɛlɛ.

Yeremia 29:12

Na bɛdubo bunwini kama bubo-mi kudɔ na bivele-mi bɛnii mbunku-mii na ndubunu-mii bɔkpali biala na lɛbla lɛla lɛni na bɛɛwia lite-mii.

Yeremia 9:12

Lɛ́su Unwoti nnini, “Bula ɔdi ulénu kalɔ lɛla lɛni ɔsu na kalɔ kammɔ kénwini kesii kani na ukyuli ɔdi ɔsɔ ulásia taavi lɛnɔ. Ɔdubɔkana na edie kalɔ ete-bu?”

Esekiel 11:18

“Na si uwi ɔni na ala amɛni álɛ ni, ndubɔyɔ ka ada baƒiɔ ala ani muusé lɛlɔ mmɔ ƒui edie kalɔ kammɔ lɛlɔ.

Esekiel 18:25

“Amii Israelƒuɔ bɛɛdú-mi kɔtɔ ka naaatɛ litemi ulu siin lɛlɔ! Nsu ni, binu, ɔɔɔdi lɛni na use!

Esekiel 36:25

Ndubo ntu bɔni nse sɛɛn bɔkuna buwi-mii lɛlɔ na bina lɛlɔ lɛbla sɛɛn na lɛƒɔ-mii. Ndubo-mii ntu bɔkpila na bɛlɛ sɛɛn bɛsiku lɛla biala náya na biisé lɛlɔ kudɔ ku baƒiɔ ala anu ƒui muusé lɛlɔ mmɔ kudɔ.

Daniel 12:10

Bekyuli pii badubɔda bana ngba sɛɛn na babla bana kɔyi lɛnɔ kedee. Nsu bekyuli bekpidi ama ni, bana likyulikpi ala bɔbla lɛlɔ kani na badubo bunye, na baaadubo ɔmɛni kalɔ bunu kudii. Banundane kani ndubo kalɔ bunu.

Seƒania 3:5

Alaekpidi bablane bammɔ basɔ baaagyi kɔƒa, nsu Unwoti ɔɔbla ala siin uwi biala. Na ɔɔnu ka kadi biala negye ni, ɔɔtɛ litemi ulu lɛlɔ siin.

Sakaria 10:6

“Ndubɔkya Yudaƒuɔ ku Israelƒuɔ lɛga kɔdikɔ kɔmmɔ ɔyikun. Na ndubɔnu-ma kɔnyana, ɔsika ami ndi Unwoti, bana Katɔti. Ndubunu-ma buvele na lɛkpanku-ma liboku ɔma na ɔbla aani si buni na ńteni-ma kudii.

Mateo 11:19

Nsu uwi ɔni na ami ɔni ndi Ukyuli Ɔyawine Ubi líbo ni, lɛ́di na lɛ́ni. Na ukyuli biala ɔ́su ɔnii, ‘Bɛnu ɔdivone ɔmɛni! Uukpi ntɛ! Anwu ku kuyi baƒɔne ku bekyuli bekpidi muusié.’ Nsu takpete-ma. Katɔti lɛnunda lɛdubudie lɛlɔ keyi na lɛla lɛni na ukyuli ɔɔbla kemmo.”

Luka 2:34

Na Simon úte-ma kusɛ kusɛ na ɔ́su Maria ɔnini, “Ubi ɔmɛni ɔdi Katɔti Ukyuli Ɔƒunadi. Na ɔdi bɔƒɔ iye bɔyii ute Israelƒuɔ pii na kalɛ na báƒɔ-nwu kenye. Ɔdi bɔnu bɔti bɔni nási Katɔti kudɔ na bekyuli pii badubɔta benye-nwu lɛlɔ.

Luka 7:23

Lɛlɔ lɛdubɔyɔ ukyuli ɔni nátanu linyeyɔla lɛdi na mina lɛlɔ.”

Yohane 15:24

Na si bubo na ńtebo ńtababla ala ani udu na ɔdi útabla kudii na bana akɔ ni, nka ukyuli ɔdi uládu-ma kɔtɔ ka bábla likpidi lɛdi. Nsu ɔƒɛni ni, bánu ala ani na lɛ́bla, nsu beekisi ami ku mina Ɔti.

Yohane 18:37

Ka ɔ́su-nwu lɛni ni, Pilato úye-nwu ɔnini, “Anwuɔsu ɔga na adi?” Amu na Yesu ɔ́su-nwu ɔnini, “Awɔ mɔɔsu ka ɔga na ndi. Na ɔmɛni ɔsu geen na báwɔ-mi. Na líbo kalɔ kamɛni lɛlɔ kalɛ na mbedie litemi geen lɛtina. Na ukyuli biala ɔni nkɛnku litemi geen lɛmmɔ ni, uunú lɛla lɛni na mɔɔsu.”

Yohane 8:47

Ukyuli ɔni ndi Katɔti ɔdi ni, anwu muunú ala ani na Katɔti ɔɔsu. Na lɛla lɛni ɔsu na bilabla taasiaku mina litemi lɛlɔ ndi ka bɛɛɛdi Katɔti ɔdi.”

Yohane 9:39

Amu na Yesu ɔ́su ɔnini, “Líbo kayawi kamɛni mbatɛku bekyuli litemi kalɛ na banumbwɛne bataanu, na bani mɔɔnu ni, anumi abwɛ-ma.”

Romaƒuɔ 7:12

Ɔmɛni ɔsu ni, ɔda bubo bɔmmɔ buse kedee, na ala ani na bɔɔtina lɛnɔ ese kedee, na asia ulu siin lɛlɔ, na adia.

Lɛkpa Ulu 32:4

Na Unwoti ndi bina lɛtakpɛ lɛni na bíkpo kama, na nwuna ablala ƒui ese siin, na bɔƒiɔ bɔdi buuubo-nwu kemmo. Bina Unwoti ablala ƒui adi sɔsɔ, na ɔɔbla ala ani nse siin na akɛ ulu lɛlɔ.

Budie Taatina 15:3

Na lɛnu lɛni na beedie mmɔ ni, lɛdi Mose ɔni ndi Katɔti kabla ɔblane ku Koƒonu Ubi ɔmmɔ lɛnu. Na beedie banini, “Blɔti ɔni mbo ɔyikun ƒui, ƒula ala bɔbla ébomo, na bulakana-nya kalɔ bunu. Na ƒula ablala ese siin, na ƒula etemila adi litemi geen. Awɔ ndi Uwi Ƒui Ɔga.