Hosea 14:4 - Katɔti Ɔku Kedee

⁴ “Israelƒuɔ, amii néni-mi, nsu mina kɔnyi kɔ́yɔ-mi. Ndubo-mii bɔbwi na lɛyɔ-mii na bɔyɔ bɔmmɔ buuubo kawɔkɔ.

Hosea 14:4 ပူးပေါင်းရင်းမြစ်များ

Kɔgya 10:14

Nsu geen geen ni, awɔ Katɔti aanu na agyi kɔnyana ku abi ani na ƒula bekyuli beebó. Na agyi kalɛ na eekpó teete-ma. Na ka ɔwabane uuubo lɛla lɛdi na ɔɔbla ɔsu ni, uuti lɛlɔ teete-ɔ. Na eebunku-nwu aani kalɛ na eebunku bekpinebi.

Kɔgya 20:8

Bani anumi nsia ala ammɔ lɛlɔ ni, badubo kalɔ bubo na bebuli. Nsu abu ni, Unwoti Katɔti ɔdubo-bu katɔ bɔkɔliku na bunye kpakplaa.

Kɔgya 78:38

Ina amu ni, ɔ́nu-ma kɔnyana na úti bana alaekpidi ɔ́kyiɛ-ma na útayila bana ƒui udu. Katɔti uuƒie nwuna kɔnyi kenye pla pla na ulábla ala teetédu kalɛ na úti kɔnyi kenye.

Israelƒuɔ Bɔlɛ 15:26

Ɔnini, “Si biinú ami bina Unwoti Katɔti litemi na bɛɛbla ala ani nse siin na mina anumi na bɛɛdi mina ɔda bubo ƒui lɛlɔ kpakplaa ni, lɛɛɛdubo bɔya na lɛlɛ lidu lidu lɛni na lɛ́ya na líbo Egyipteƒuɔ lɛlɔ ɔdi ubo-mii lɛlɔ kudii. Ɔsika ami ndi bina Unwoti ɔni mɔɔbwi-mii lɛlɛ.”

Yesaia 12:1

Na Unwoti limeyi lɛmmɔ lɛlɔ ni, bɛdubo ɔnu budie bɛnini, “Bemwi-ɔ, O Unwoti! Ina ka éti kɔnyi ákya-bu ni, kɔnyi kɔmmɔ kɔ́yɔ-ɔ na ásɔ énwini aayala-bu kaƒɔ mmomu.

Yesaia 55:1

“Amii bani ƒui na utukwɛ ɔɔda ni, bibo na bibani ntu! Na amii bani na kɔka kɔɔda na biiibo egulabi adi ni, bibo na bibeye bɛdi ƒaa kayu taƒɔ taƒɔ! Bɛni ntɛ bɔbuni ku anyi ntu ƒaa nsu bitaƒɔ kayu kadi.

Yesaia 57:18

Ngyi-mii kalɛ na bise! Nsu ndubo-mi ɔlɛ ɔmmɔ bɔbwi ƒui na lɛtɔnku-mii na lɛya na kaƒɔ kayɔ-mii ku bani ƒui muuwulo kɔnyana.

Yeremia 14:7

Ɔdi litemi geen ka bula alaekpidi bonwu ani bɔɔbla adubɔkana na aya na ani-bu kɔtu. Nsu si édie-bu ni, Unwoti, ukyuli biala ɔdubo bɔnu kalɛ na ébo.

Yeremia 17:14

Awɔ Unwoti kani na muumwi. Anwuɔsu bwi-mi na edie-mi! Na ndubɔkɛ ɔlɔkplu na lɛkɛ bɔƒɔ.

Yeremia 3:22

“Ndubo-ma bɔsu nnini, ‘Binwini bibo na lɛbwi-mii, na kalɛ na bɛ́lɛ-mii kama ɔsu.’ “Na mmɔ na badubɔsu banini, ‘Bɔdubunwini bubo, ɔsika awɔ ndi Unwoti bula Katɔti.

Yeremia 31:20

Israel kadi bekyuli, ami ɔlati mina bebi bani mɔɔyɔ́ geen na bɛdi. Ɔɔɔdi ami na mɔɔyɔ́ teetulo ƒui na kadi bekyuli akɔ yoo? Ina ka muubó-mii lɛnimi enwu ku kɔnyi taasu ka ndubo-mii bɔtina ni, bɔyɔ na mɔɔyɔ́ ka bɛni bide-mi na lɛnu-mii kɔnyana. Ami Unwoti násu.

Yeremia 33:6

“Kama ƒui na limeyi lɛdi lɛlɔ ni, ndubo mɛni bɔklibi na lɛbwi bekyuli bammɔ ƒui na lɛya na belie ku keyi buɛɛ kani neeebo kawɔlɔkɔ.

Yeremia 5:6

Bekyuli bammɔ báta bénye Unwoti lɛlɔ na béni-nwu kɔlɛ kɔlɛ na ɔ́ɔvi ntu. Anwuɔsu bekisine badubo bebekpo-ma aani bagyata bani nálɛ bási lɛku kemmo iye beƒukutu bani nási kalɔ kakwiidi kemmo. Bekisine bammɔ badubunye bataasia Yuda lɛma lɛmmɔ anu na ɔdi biala masu ɔnii ɔɔlɛ́ usie kesii kadi ni, na bani-nwu babwɛ aani bebuoƒuala.”

Yeremia 8:22

Bi ɔsu na balábwi mina bekyuli si evogyii ku ana bablane bakya Gilead?

Esekiel 33:14

“Biti-nwu bɛnii líbo balalane ɔda ka badubo bukpi na bana ekpidi ani na baabla ɔsu na báda-nya bɔbla báya na baabla lɛbuni.

Esekiel 36:36

Na kadi bamba bekyuli bani nébu beli na bina amadɔ badubɔnu ka ami násɔku lɛma lɛmmɔ lɛ́tu na lɛ́sɔku mmo bɔni nébie na buládia lɛla lɛdi mmɔ lɛnɔ lɛ́bla bɔwɔdi na bɔɔdia edula. Ami Unwoti nése kenye kamɛni.

Hosea 11:7

Mɔɔnu ka mina bekyuli bálɛ ugyii ka bada lɛlɔ bamami-mi lɛlɔ. Na baawia ka beti lɛlɔ bete baƒiɔ bani na baakali ka bebo ɔyikun bétulo-mi, nsu balakana-ma kebunku kadi bute.

Hosea 2:19

Ndubɔƒɔ-nwu aani mina uleku utidi ɔ́si ɔƒɛni úsela uwi ƒui. Na nwuna buti kayu kani na ndubɔƒɔ ndi ka lɛbla lɛla biala siin lite-nwu na lɛdi mina litemi lɛlɔ ulu lɛlɔ, na mina bɔyɔ bɔsɔ bulavumana na ntaabla-nwu lɛƒɔndia.

Hosea 6:1

Ɔmmɔ kama ni, Israel kadi bekyuli bammɔ básu banini, “Bɛya na bɔsɔ bunwini busie Unwoti Katɔti kudɔ. Anwu nébo-bu ɔ́kya ɔlɛ, nsu anwu kani ndubo-bu bɔbwi. Ɔ́ya na bɔ́ƒɔ lɛlɛ, nsu ɔdubo-ni bunyimi bute-bu na likpi ƒui.

Seƒania 3:17

Unwoti Katɔti unye-mii kudɔ uwi ndi uwi. Ubo ɔyikun ka udie-mii. Na kalɛ na ɔɔyɔ́-mii ɔsu ni, ɔdubɔya na bɛkɛ bɔnwuna. Na amii ɔsu ni, uudie nwuna lɛlɔyɔ keyi ku lɛnu bɔtu.”

Bumomo Bɔka 25:11

“Ɔsi lɛla lɛni na Pinehas ɔ́bla mɛni ɔsu mina kɔnyi kenye káyɔ na Israelƒuɔ bamɛni lɛlɔ. Ɔsika údie ɔ́tina ka utalɛka ukyuli ɔdi ɔkpa bamba utulo ami Unwoti. Na ɔmɛni ɔsu lɛ́sɔ ńteti kɔnyi na lɛyila-ma udu.

Bumomo Bɔka 25:4

Amu na Unwoti ɔ́su Mose ɔnini, “Kpanku Israelƒuɔ batɔnkune bammɔ ƒui lɛku na adu-ma ɔƒiiwi ketee na bekyuli bammɔ anumi na ukyuli biala ɔnu kalɛ na Unwoti kɔnyi kati kati kɔni na úti mmɔ kenye kayɔ na Israelƒuɔ lɛlɔ.”

Romaƒuɔ 3:24

Nsu ni, Katɔti ɔkɛnku Kristo Yesu ɔni náƒɔ bula lili kayu lɛlɔ ɔ́ya na bɔɔbla siin na nwuna lɛƒɔndia ɔsu.

Eƒesoƒuɔ 1:6

Anwuɔsu bɛya na bumwi Katɔti na nwuna lɛƒɔndia libendi lɛni na ɔ́bla úte-bu ɔkɛnku Ubidi ɔni na ɔɔyɔ́ geen lɛlɔ ɔsu.

Timoteo 2 1:9

Blɔti ɔmmɔ náƒɔ-bu ngba na ɔ́lɔ-bu ɔnii bunwini nwuna bekyuli. Ɔɔɔdi bula lɛbuni lɛni na bɔ́bla ɔsu. Mmomu ni, Katɔti ɔmmɔ ɔlati kasusu ku lɛƒɔndia lɛni na ubo ute-bu ɔsu. Na ɔkɛ Yesu Kristo lɛlɔ na bɔ́kɛ Katɔti lɛƒɔndia lɛmɛni asa na údie kayawi.

Tito 3:4

Nsu uwi ɔni na Blɔti, bula Ɔƒɔne, údie nwuna lɛƒɔndia ku bɔyɔ ɔ́tina-bu ni,