Hosea 14:3 - Katɔti Ɔku Kedee

³ Asiria ulakana-bu bɔƒɔ, na kekpo bapɔnkɔ kɛɛkɛ lɛnɔ ulakana-bu bubunku. Anwuɔsu bɔsɔ bulákpa baƒiɔ bani na bɔ́vɔ, ɔsika awɔ Unwoti mɔɔnu bekpinebi kɔnyana.”

Hosea 14:3 ပူးပေါင်းရင်းမြစ်များ

Ala Alɛdi 2 16:7

Na ala ammɔ bɔlɛ bɔwɔlɔ kama uwi klukwii ɔdi kama ni, Kenye Udiene Hanani úsie Asa kudɔ na útásu-nwu ɔnini, “Siriaƒuɔ ɔga lɛlɔ na éti ƒula anu ásia na ɔni na eti ƒula anu asia Unwoti ƒula Katɔti lɛlɔ? Ɔkɛnku ɔmmɔ ɔsu ni, aaadubo bɔkana na adi Siriaƒuɔ bekpone lɛlɔ kudii.

Kɔgya 10:14

Nsu geen geen ni, awɔ Katɔti aanu na agyi kɔnyana ku abi ani na ƒula bekyuli beebó. Na agyi kalɛ na eekpó teete-ma. Na ka ɔwabane uuubo lɛla lɛdi na ɔɔbla ɔsu ni, uuti lɛlɔ teete-ɔ. Na eebunku-nwu aani kalɛ na eebunku bekpinebi.

Kɔgya 146:3

Biteti anu bitasia bagadine lɛlɔ iye bayawine bebi badi lɛlɔ, ɔsika ɔdi ulakana-mi bubunku.

Kɔgya 146:9

Ɔɔnu baƒɔ lɛlɔ, na uudie bekpinebi ku bekpinele. Nsu balalane ama ni, Unwoti Katɔti uubile bana ablala ku kɔkwɛ ƒui.

Kɔgya 33:17

Kekpo bapɔnkɔ baaadi lɛla lɛni na basia anu bete kekpo lɛlɔ bɔdi. Na bana ɔyikun bonwu ɔmmɔ lɛnɔ ulakana na waƒɔ-nwu na kekpokɔ.

Kɔgya 68:5

Awɔ Katɔti, bekpinebi ɔti, awɔ mɔɔnu bekpinele lɛlɔ ɔ́si ƒula keliekɔ kedee kesii kani na elie.

Yesaia 1:29

“Kɔƒa ndubo-mii bukpo geen si bɛ́kali bɛ́nu uwi ɔni na bítaakpa ala teete baƒiɔ na egyii enengudi ani bɛ́da bínyene sɛsɛɛ na bina akunkpo ammɔ kemmo. Na bilákɛ anumi kesekɔ si bínyimo alaekpidi lidu lɛni na bɛ́bla na bina nvoma mmo bɔni na bɛ́da bíse bíte lɛƒiɔkpa mmɔ kemmo.

Yesaia 2:20

Na limeyi lɛmmɔ ni, sika ɔƒualadi ku ugyiedi baƒiɔ bani na bávɔ bése lɛlɔ baakpá ni, badububo-nwu bewi baƒiamu ku bagyina.

Yesaia 27:9

Na ɔkɛnku ɔmɛni lɛlɔ na ndubudie kɔtu bɔni bana lɛlɔ na bana ekpidi ammɔ alɛ-ma lɛlɔ ƒui. Na lɛnɔ ni, ntu bábwɛ akpabi ani na bátu ku atabi mmɔ kpɛtɛ kpɛtɛ. Na babwɛ Asera baƒiɔ na bagyu-ma ku lɛƒiɔgyii lɛmmɔ na abi lɛlɔ kesii kani na baakyula oloƒui teete-ma mmɔ ƒui na basɔ balanu ka ɔdi unye.

Yesaia 30:16

Nsu bíni na bɛ́su bɛnini, ‘Oowo! Bɔdubo bukeli ku bula bapɔnkɔ na bɔtɔlɔ bula bekisine kudɔ.’ Na bɛdubo bukeli sɔsɔ! Nsu bina bekisine bammɔ mmomu ndubo bukeli butulo-mii.

Yesaia 30:2

Na bíti bina anu ƒui bɛ́sia Egyipteƒuɔ lɛlɔ ka ama ndubɔgyumana-mii. Ɔmmɔ ɔsu na bíni mina bɔlɛ na Egyipte mmomu na bɛ́tala batu bɛ́kya bɛnii bete-mii kebunku. Na Ƒarao na bíti bina kayi bɛ́sia.

Yesaia 31:1

Bɔbuɛ ute amii bani muusié Egyipteƒuɔ kudɔ ka bebunku-mii. Amii muuti bina anu taasia bana bapɔnkɔ beliene lɛlɔ ku bana bapɔnkɔ kɛɛkɛ lɛlɔ ka bemomo na bebo ɔyikun ɔsu. Bɛnu bɛti ka Israel Katɔti Kedee mmomu lɛlɔ na ɔlɛka biti bina anumi bɛsia.

Yesaia 31:3

Bekyuli bayawine kani na Egyipteƒuɔ badi, ama bani na bɛɛkali ka badubo-mii bubunku, na ɔɔɔdi ama ndi Katɔti. Na bana bapɔnkɔ lɛnɔ ni, bebuo ku ɔlɔna kani na badi na baaadi kɔyu kemmo lɛla lɛni muulie uwi ƒui. Si Unwoti Katɔti údie nwuna ɔyikun keyi ni, ɔdubɔyila Egyipteƒuɔ ƒui udu ku bani ƒui na béti bana anu básia-ma lɛlɔ na bakywi basa.

Yesaia 36:8

“ ‘Bo na awɔ ku mina unengu Asiriaƒuɔ ɔga binyimi lɛla lɛdi. Na ndubute-ɔ bapɔnkɔ mpim inyɔ si adubɔkɛ bekyuli bani melie-ma lɛlɔ.

Yeremia 49:11

Nsu bɛƒɔ-mi bɛdi ka ndubɔnu bina bekpinebi ku bekpinele ƒui lɛlɔ.

Esekiel 36:25

Ndubo ntu bɔni nse sɛɛn bɔkuna buwi-mii lɛlɔ na bina lɛlɔ lɛbla sɛɛn na lɛƒɔ-mii. Ndubo-mii ntu bɔkpila na bɛlɛ sɛɛn bɛsiku lɛla biala náya na biisé lɛlɔ kudɔ ku baƒiɔ ala anu ƒui muusé lɛlɔ mmɔ kudɔ.

Esekiel 37:23

Basɔ baaadubo baƒiɔ bɔkpa na bataabla ala ani ndubɔya na naaakana-ma bɔƒɔ aani mina bekyuli. Ndubɔƒɔ bana ekpidi lidie-ma lɛlɔ ƒui na babla sɛɛn. Na ndubo-ma bɔgyumana bɔsiku lɛla biala na mɔɔyá na beesé-mi lɛlɔ kudɔ. Na benwini mina bekyuli na ami lɛnɔ linwini bana Katɔti.

Hosea 12:1

Ɔƒɛƒɛɛ kama kani na Israelƒuɔ basia uwi ndi uwi. Na ɔkɔ bɔnyi ku ala bubile ku bekyuli lɛlɔ bɔta teenye kani náƒɔ-ma keliela kemmo na kesi kesii. Ama ku Asiriaƒuɔ muunyimi ala, na ama ku Egyipteƒuɔ baadi nnɔ kuye.

Hosea 13:2

Na ɔƒaani ni, bɛmu binye likpidi lɛmmɔ kani bɔbla lɛlɔ, na bíti sika ɔƒualadi bɛ́vɔ ɔmantɛ bakɔ bebi udu baƒiɔ bíte lɛlɔ, na básu-mii banii bitaakyula akpala teete-nwu na bɛɛkya-ma kɔgbu taaƒuƒuɛ muedi.

Hosea 14:8

Israel, die ƒula lɛƒiɔkpa atu na ndubunu ƒula buvele na lɛnu-ɔ lɛlɔ. Ami ɔlati ndi kugyii kɔni muukeye mmɔ. Na ami ndubɔya na bɛnwu ebi pii.

Hosea 2:17

Na nsɔ lɛɛɛdubo bɔya na ɔkpali Baal ɔni kalɔ ndi Ati.

Hosea 4:12

Na bakɛ beebó like na egyiiku kudɔ ka bati lɛla lɛni na babla! Na egyiiku ammɔ lɛnɔ aasu-ma lɛla lɛni na baawia bati! Bányonu-mi aani uleku ɔni nányonu ɔnana na únwini ɔyalɛ, na bakɛ basiaku ala bamba kama.

Hosea 5:13

“Na uwi ɔni na Israel ku Yuda bekyuli bánu bana ɔlɛ ɔni nda-ma báti ni, békeli bésie Asiria ɔga unengudi kudɔ banii ubunku-ma. Nsu útakana-ma kebunku kadi bute na ɔbwi-ma.

Hosea 7:11

“Israelƒuɔ báta bénwini aani bakpaƒɛɛlɛ bani nkɛ esu esu beeveyi teesie taasɔ, na Egyipteƒuɔ ku Asiriaƒuɔ ntɛ baawia kabɛkɔ.

Hosea 8:6

Na Israelni ɔdi nébo úbavɔ baƒiɔ bammɔ úte-ɔ. Nsu ami kani ndi Katɔti unwi ɔmmɔ, anwuɔsu baƒiɔ bammɔ badubo bɔbwɛ bugyingya.

Hosea 8:9

Na bílieku ebuo atuɔkplune aani akwa. Anwuɔsu na bíkeli bísie Asiriaƒuɔ kudɔ bɛnii bitáblaku-ma unwi na bɛwia kebunku.

Yona 2:10

Amu na Unwoti údie lɛdi ka kabɛ kammɔ kadala Yona úbewi ketudɔ. Na úbo lɛni.

Sakaria 13:2

Unwoti Ɔyikune Ƒui ɔnini, “Si uwi ɔmmɔ úbedu ni, ndubo baƒiɔ ƒui udu biala bɔyila na kalɔ kammɔ lɛlɔ, na bekyuli bayiƒala-ma ƒui úti úsela uwi ƒui kemmo. Na ndubo bana kenye bediene ku ayu ekpidi ani na atɔnku-ma mmɔ ƒui udu bɔyila.

Yohane 14:18

Si lɛ́tɔlɔ-mii kudɔ ni, naaada-mii neeese aani bekpinebi. Mmomu ndubɔsɔ linwini libo-mii kudɔ.

Lɛkpa Ulu 17:16

Na ɔga ɔni na bɛdubuse ni, utalɛka ɔwia bapɔnkɔ pii ute lɛlɔ. Na utalɛka ukyuli ɔdi use Egyipte kalɔ lɛlɔ utéye bapɔnkɔ badi ɔ́siku mmɔ uboku-nwu. Ɔsika Unwoti ɔ́su-mii ka ukyuli ɔdi ɔsɔ utesie Egyipte kalɔ lɛlɔ mmɔ lɛnɔ.