Hosea 14:2 - Katɔti Ɔku Kedee

² Nwini sie ƒula Unwoti Katɔti kudɔ na etévele-nwu na asu anini, “Ti bula ekpidi kyiɛ-bu, na aƒɔ bula linugya bumwi bɔni ndi akpala ani na búti buute-ɔ.

Hosea 14:2 ပူးပေါင်းရင်းမြစ်များ

Samuel 2 12:13

Mmɔ na Dawid ɔ́su Natan ɔnini, “Lɛ́bla likpidi lɛ́ƒiɔ Unwoti.” Na Natan lɛnɔ údie kenye ɔnini, “Unwoti úti ƒula likpidi ɔ́kyiɛ-ɔ ɔni na ɔɔɔdubo bɔya na ekpi na ɔmmɔ ɔsu.

Samuel 2 24:10

Ka Dawid ɔ́wɔlɔ bekyuli bammɔ bɔka ƒui ni, ɔ́nu ka ɔ́ƒiɔ na ɔ́su Katɔti ɔnini, “Lɛla lɛni na lɛ́bla lɛdi adɔlɔla ku likpidi bonwu. Unwoti, buvele, ti kyiɛ-mi.”

Hiob 7:21

Na bi ɔsu na eléti mina alaekpidi alakyiɛ-mi na anu-mi kɔnyana? Úbu blii kani na badubo-mi lɛti bubi ɔni na adubɔwia-mi anɔ na asɔ alanu-mi.”

Kɔgya 119:108

Unwoti, ƒɔ mina enu ani na mɔɔgyá-a ku mina kayi ƒui na atina-mi ƒula ɔda bubo.

Kɔgya 50:14

Ami ndi bina Unwoti Katɔti Ɔyikune Ƒui anwuɔsu biti enugya binwini aani akpala bite-mi. Na ala ani na bíse kenye ka bɛdubɔbla ni, bɛbla bɛsiaku-nya lɛlɔ lɛni bite-mi.

Kɔgya 51:16

Ɔsika ɔɔɔdi akpala na aawia nka ndubuti adi liboku-ɔ. Na ala ani bɔɔkyula teete-ɔ lɛnɔ alaƒɔ-ɔ anu.

Kɔgya 51:17

Mmomu akpala ani mɔɔƒɔ́-ɔ anu ndi ka ukyuli ekpidi eduo-nwu geen na nwuna kayi kemmo, na eleni ɔmɛni.

Yesaia 44:22

Binwini bibo-mi kudɔ, ɔsika lɛ́ƒɔ-mii ngba na lídie bina ekpidi ƒui bina lɛlɔ aani kalɛ na liƒlukutu lɛɛyii takya kayaa.

Yesaia 6:7

Na úti útuku-mi enyekuli na ɔ́su-mi ɔnini, “Nu, líti ogya lɛƒɛ lɛmɛni lítuku-ɔ enyekuli lɛlɔ. Na ɔƒɛni ni, Katɔti údie ekpidi ƒui na ƒula lɛlɔ.”

Yeremia 3:12

Yeremia, nwini kenye sienku kalɔ kammɔ katɔ kakɛ na ebo kudu momoomo anini, ‘Israel, ami ndi bina Unwoti binwini bibo-mi kudɔ! Bɛ́lɛ-mi kama na bɛkya-mi kɔnyi geen. Nsu mɔɔnu kɔnyana ɔsu ni, ndubuti lɛkyiɛ-mii.

Hosea 12:7

Israel, lɛlɔ lítaayɔ-ɔ uwi ɔni na átaanya bekyuli taakya, na átaasia bekyuli lɛlɔ taakɛ kɔsia na bina liyedi kemmo.

Hosea 5:5

Israel kadi bekyuli lɛlɔ katɔ bɔkɔliku muudie bana ekpidi keyi. Anwuɔsu na ama bani ndi Eƒraim kaba kemmo bebi mmɔ badubo bubuli, na Yuda kadi bekyuli lɛnɔ bebunku-ma, na bana ƒui badubo bubuli.

Hosea 6:6

Kɔnyana bɔnu na mɔɔwia, na ɔɔɔdi bebuo buti taakpa. Na bekyuli banu-mi bati utulo bebuo buti taakpa.

Yoel 2:17

Su mina bakpane bani nnye kakpakɔ kayakun ku lɛkpabi ntɛ mmɔ na bewulo bakpali-mi banini, “Unwoti, ƒɔ ƒula kadi bekyuli! Na taya na kadi bamba bekyuli beti ƒula bekyuli benwini lɛƒiankula na bataama-ma teeye banini, ‘Wɛ na bana Unwoti ɔkya?’ ”

Yona 2:9

Nsu ami ndubɔtu lɛnu limwi-ɔ na liti akpala lite-ɔ na lɛdi mina linyese lɛlɔ! Ɔsika ngba bɔƒɔ bɔɔsí Unwoti kudɔ.”

Sakaria 3:4

Anwuɔsu Katɔti ɔtu ɔmmɔ ɔ́su bekyuli badi ɔnii bada-nwu adala ani nánwu ammɔ bedie-nwu lɛlɔ. Na únwini na ɔ́su Yosua ɔnini, “Ɔmɛni ɔɔtina ka béti ƒula ekpidi bákyiɛ-ɔ. Na ɔƒɛni ni, ndubɔkya-a ɔkpane bɔdi lɛwu.”

Mateo 7:11

Ina ka bɛdi alaekpidi bablane muedi ni, bɛgyi kalɛ na biti ala abuni bite bina bebi. Anwuɔsu geen ni, Katɔti ɔni nse kedee ɔgyi kalɛ na uti ala abuni ute bekyuli bani muuvele-nwu utulo.

Luka 11:13

Ina ka bɛdi alaekpidi bablane ni, bɛgyi kalɛ na biti ala abuni bite bina bebi. Amu na Ati ɔni nkya katɔ nɔɔ? Bi ɔsu na uleti nwuna Kɔyu ulete bekyuli bani muuvele-nwu?”

Luka 18:13

“Nsu kuyi ɔƒɔne ɔmmɔ anwu únye ɔgyu ɔgyu na uláwia ɔnii ɔɔkɔliku nwuna lili muedi katɔ. Nsu úti nwuna enu úwi kayi na ɔ́su ɔnini, ‘Katɔti, nu ami alaekpidi ɔblane kɔnyana!’ ”

Yohane 1:29

Kadi kégye ni, Yohane ɔ́nu ka Yesu ɔ́si ɔdubo. Amu na ɔ́su bani nnye-nwu kudɔ mmɔ ɔnini, “Bɛnu! Ɔmɛni ndi Katɔti Lɛkpa Koƒonu Ubi ɔni ndubo bayawine ekpidi buni budie-ma lɛlɔ.

Romaƒuɔ 11:27

Na bunyimi bɔmɛni ndubɔkya ami ku-ma ntɛ si uwi ɔni na lídie ekpidi bana lɛlɔ.”

Timoteo 2 1:9

Blɔti ɔmmɔ náƒɔ-bu ngba na ɔ́lɔ-bu ɔnii bunwini nwuna bekyuli. Ɔɔɔdi bula lɛbuni lɛni na bɔ́bla ɔsu. Mmomu ni, Katɔti ɔmmɔ ɔlati kasusu ku lɛƒɔndia lɛni na ubo ute-bu ɔsu. Na ɔkɛ Yesu Kristo lɛlɔ na bɔ́kɛ Katɔti lɛƒɔndia lɛmɛni asa na údie kayawi.

Tito 2:14

Úti lɛlɔ úte na bula lili kalɛ na udie-bu na likpidi biala kemmo na bɔbla bekyuli kedee bani ndi nwuna badi kani, na baawia ka bataabla lɛbuni.

Hebriƒuɔ 10:4

Ɔsika bese ku bakɔ ubugya ulakana ekpidi bɔƒɔ budie ukyuli lɛlɔ.

Hebriƒuɔ 13:15

Anwuɔsu ni, bɛya na bɔsia Kristo lɛlɔ na buteeti linugya akpala teete Katɔti. Na akpala ammɔ ndi kalɛ na buubó nwuna lɛnyi kedee kudu ku bula kenye.

Petro 1 2:5

Biti lɛlɔ bite Katɔti na ɔtu Kɔyu kemmo kakpakɔ aani kalɛ na ɔtune uuti atabi taatu ɔtɔ. Bɛdubɔbla bakpane kedee bani muuti Kɔyu kemmo akpala ani námanku teete Katɔti ɔkɛnku Yesu Kristo lɛlɔ.

Petro 1 2:9

Nsu amii ni, bɛdi bekyuli bani na Katɔti ɔ́ƒuna. Na bɛdi bakpane bani muumwi Katɔti ɔni ndi Ɔga. Bɛdi Katɔti bekyuli kedee bani na ɔ́lɔ ɔnii binwini anwu badi. Na amii ndubo nwuna ablala ebendi kudu bubo. Ɔsika anwu geen nálɔ-mii ɔ́lɛku likpidi lɛdisa kemmo úsienku ngba bɔƒɔ bukeye kemmo.

Yohane 1 1:7

Nsu si bɔkɛ na bukeye kemmo aani kalɛ na anwu ɔkya bukeye kemmo ni, ɔɔtina ka bɔɔdiku lɛlɔ kɔkpana. Na Ubidi Yesu ubugya ɔɔbla-bu lɛlɔ sɛɛn taalɛku ekpidi biala kemmo.

Yohane 1 3:5

Na bɛgyi ka Kristo úbo kalɛ na ubada-bu udie ekpidi kemmo. Na anwu ni, likpidi lɛdi lɛɛɛma-nwu lɛlɔ.