Hosea 13:8 - Katɔti Ɔku Kedee

⁸ Na lɛduli-mii ligyingya aani kegidi kani bebi na béƒie bátɔlɔku. Na ndubo-mii ekubi bɔbwɛ aani eƒiebuo bamba ɔdi kalɛ.

Hosea 13:8 ပူးပေါင်းရင်းမြစ်များ

Samuel 2 17:8

Ɔsika agyi ka ƒ'ɔti ku nwuna bekyuli badi bekpone geen na bebo ogya aani eƒiebuo ɔni na béƒie-nwu bebi. Na ɔni ntulo ndi ka ƒ'ɔti ɔgyi kekpo kɔkwɛ geen, Na ulakya bekpone bammɔ akɔ usien ɔmɛni.

Kɔgya 50:22

Bɛkali ala amɛni lɛlɔ bɛnu kaduɛ amii bani náyiƒala-mi. Si ɔɔɔdi lɛni ni, ndubo-mii udu bɔyila ɔni na ɔdi ulakana-mii bɔƒɔ.

Kɔgya 80:13

Na babɔtɔ ku beƒiebuo bamba lidu beebo teebesusu egyiibi kemmo kammɔ na baakun ebi ammɔ?

Agba 17:12

Si awɔ ku ebuo ukpidi ɔni na lɛla lɛdi líƒie-nwu bebi bɛ́sa ni, ebo bɔƒɔ utulo ka enwini ɔdɔlɔdi kasusu na nwuna kɔdɔlɔ ulu lɛlɔ.

Yesaia 5:29

Na baakwanyi aani bagyata, na beebó adi si béƒie lɛla lɛdi, na beti-ni batɔlɔku ɔni na ukyuli ɔdi uuubo na ɔkana-ni bɔƒɔ na bana kudɔ.

Yesaia 56:9

Amii beƒiebuo ƒui bɛlɛ bibo na bibaduli bina bebuo beƒiedi bibweli.

Yeremia 12:9

Mina bekyuli bese aani aasɛ ɔni na basangbii básala beebó na lɛƒɛnyi ƒui lɛlɔ. Bɛsu beƒiebuo bammɔ na bebo na babakun na badi bemo.

Yeremia 25:38

Unwoti úni nwuna bekyuli na báda bana kɔduli béwi aani kalɛ na gyata ɔɔlɛ́ nwuna lɛtabi ubu taatɔlɔ na ɔda ubu ɔmmɔ uwi.

Hosea 2:12

Uleku ɔmɛni ɔ́su ɔnini, ‘Mina basɔnɔ néte-mi adingyii mmo bɔni na mbo ka lɛ́ya na ami ku-ma bɔ́tɛ ɔsu.’ Nsu ni, ami Unwoti ndubo-mu bubile ƒui na lɛya na bɔta bunwini lɛku na bebuo bakun ala ammɔ bebile ƒui.

Hosea 5:14

Anwuɔsu ndubo-ma lɛlɔ aani gyata ɔni na anumi égyie-nwu geen ku kɔnyi na lɛduli-ma ligyingya kɔkɛ kɔkɛ lɛtɔlɔku. Na ɔdi uuubo na ɔkana-mi lɛla lɛdi buye iye utile-mi kuƒi.