Hosea 13:6 - Katɔti Ɔku Kedee

⁶ Nsu ka bíbeduo kalɔ kabuni kemmo kesii kani na ntu ku adila akya na bɛɛní na bɛɛdi teemo ni, bɛ́yiƒala-mi na bíse kalɔ bɛɛtina lɛlɔ.

Hosea 13:6 ပူးပေါင်းရင်းမြစ်များ

Nehemia 9:35

Ina ɔmwi ɔni bakya bana lɛgadi kemmo na baakɛ́ ƒula ebiti bonwu na kalɔ kani kewi ƒiaa na kélie lɛmwi na aka na éti éte-ma mmɔ lɛlɔ ni, bátasiaku-ɔ iye benwini kama bakya bana ekpidi.

Kɔgya 10:4

Ukyuli ukpidi ɔɔɔdaku Unwoti lɛda na ɔɔkali ka Unwoti uuubo kenyekɔ kadi na nwuna keliela kemmo.

Agba 30:9

Ɔsika ɔƒɛni kalɛ lɛ́kɛ lɛmmɔ lɛdubumo-mi lɛvili na lini-ɔ, na ndubuye nnini, ‘Ɔma ndi Unwoti?’ Na si kɔwaba lɛnɔ nda-mi kɔ́vili ni, ɔƒɛni kalɛ ndubo buyu na bekyuli balabu mina Katɔti lɛnyi kedee.

Yesaia 17:10

Bɛ́yiƒala bina Katɔti ɔni mɔɔƒɔ́-mii ngba, na bítenyimo bina kagyumanakɔ kpakplaa kani ndi lɛtakpɛ lɛni lɛlɔ na bíkpo kama. Ɔkɛnku ɔmmɔ ɔsu ni, ina ka bɛ́lɛ egyii abuni, na bíye adingyii abuni bɛ́siku kaƒɔ bíbalɛ,

Yeremia 5:7

Unwoti ɔnini, “Amii Yudaƒuɔ, dɛ na ndubɔkana na liti bina kɔtu bɔni lɛkyie-mii? Líte-mii lɛla biala na bɛɛwia, nsu bíni-mi na bísie bɛɛkpá baƒiɔ. Amii banana bɛ́lɛ bina beleku kama na bísie bɛsiaku bayalɛ.

Esekiel 23:35

“Buse geen na ése éni-mi ƒui kede kede, anwuɔsu na ami lɛnɔ líse kenye ka adubɔkɛ ƒula lɛtuni na ala ani na ábla aani ɔyalɛ na eesé lɛlɔ mmɔ ɔsu.”

Esekiel 28:5

Agyi egulabi bɔbla kɔkwɛ lilu geen sɔsɔ na ala lɛnɔ emomo-ɔ geen, nsu ƒula akɛla áya na aatina lɛlɔ na asɔ alabu lɛla lɛdi!

Hosea 10:1

Nka ntɛ kugyii kɔbuni kɔni mɔɔnwu ebi na adi. Nsu kalɛ kani na aanwu ebi pii ni, lɛni kani na aatú akpabi pii teete lɛlɔ. Na kalɛ kani na keyi kaadianku-ɔ ni, lɛni kani na aatú aƒiodu ani mɔɔdia-a bɔnu teete ƒula baƒiɔ.

Hosea 12:8

Na biiti ɔmmɔ taakun lɛmɛnɛ taasu bɛnii, “Ɔlakɛne na ndi, na ami ɔlati néti mina enu lɛ́bla kabla na lɛ́kɛ egulabi ammɔ, na ńtabla ukyuli ɔdi lɛla lɛdi!”

Hosea 2:13

Na ndubo-nwu kɔtu bɔni na uwi ɔni na úti ɔ́kpa Baal baƒiɔ na ɔ́kyula oloƒui úte-nwu kenye. Na ndubo-nwu kɔtu bɔni na uwi ɔni kemmo na údie-mi atu na ɔ́yiƒala-mi na úye kɔkwɛnimi ku asɛɛ lidu ɔ́kya atu ku limɔ ka ɔɔwia ka nwuna basɔnɔ bataayɔ-nwu ɔsu. Ami Unwoti nébimi kenye lɛ́su, na ndubo bɔbla bɔsiaku lɛni!

Hosea 2:7

Na ɔdubo usi bukeli bɔsiaku nwuna bayɔne, nsu ulásiaku-ma. Na ɔdubɔwia-ma ɔnɔ na ulanu-ma. Ɔmmɔ kama ɔdubɔsu ɔnini, ‘Ndubɔsɔ linwini lisie mina ɔgyani ɔkukudi kudɔ, ɔsika ala ádianku-mi uwi ɔmmɔ kemmo étulo kalɛ na use-mi ɔƒaani.’

Hosea 4:6

Amii bani na bɛdi bakpane bíni-mi, na mina bekyuli baayii udu ka béni mina ɔda bubo ɔsu. “Na ɔƒaani ni, ami lɛnɔ ndubo-mii buni na lɛyiƒala bina bebi ɔsika amii bɛ́yiƒala mina ɔda bubo.

Hosea 4:7

Kalɛ na biimomo teebu ni, lɛni kani na bina alaekpidi lɛnɔ eemomo teebu. Na kenyekɔ ku ɔbu ɔni na bibo ni, bɛ́vumana-nwu bíte kɔƒa ala bɔbla.

Hosea 5:14

Anwuɔsu ndubo-ma lɛlɔ aani gyata ɔni na anumi égyie-nwu geen ku kɔnyi na lɛduli-ma ligyingya kɔkɛ kɔkɛ lɛtɔlɔku. Na ɔdi uuubo na ɔkana-mi lɛla lɛdi buye iye utile-mi kuƒi.

Hosea 7:14

Belewulo taakpali-mi geen taasiku bana kayi kemmo, mmomu bebi bana kɔtɛnkɔ beewulo kɔnyana, na baabla lɛlɔ ulikplu ala ani na basiaku ala bamba baabla na basia anu ka ɔmmɔ ɔdubɔya na bakɛ kebunku na wete-ma kusɛ kusɛ na bakɛ edula pii ani na baawia.

Hosea 8:14

Israelƒuɔ, ami nédie-mii, nsu bɛ́yiƒala-mi. Na awɔ ku Yuda ƒui bɛ́tu baga kuliekɔ bonwu bonwu ku lɛma linengudi pii lɛni mbo kɔgyumanakɔ bíte lɛlɔ. Nsu ndubo bɔya na ogya ubo ubakyula lɛma lɛmmɔ ku kɔgyumanakɔ kɔmmɔ ƒui na ubile lɛla biala.”

Hosea 8:4

Bɛ́ƒuna baga ku batɔnkune bíte lɛlɔ, na bíteye-mi kasusu. Na bíti sika ugyiedi ku ɔƒualadi bɛ́bla baƒiɔ bíte lɛlɔ, na ama nákpanku-mii bátákya bɔkywi kemmo.

Lɛkpa Ulu 32:18

Na báyiƒala bana Katɔti ɔni ndi bana Ɔƒɔne Ɔyikune ƒui ɔni náya na belie ngba.