Hosea 13:5 - Katɔti Ɔku Kedee

⁵ Lɛ́nu-mii lɛlɔ na kalɔ kakwiidi kemmo kesii kani na ntu buuubo mmɔ.

Hosea 13:5 ပူးပေါင်းရင်းမြစ်များ

Ala Kalɔ Buse 31:40

Lɛni sɔɔn na úse na ami ku-ɔ ntɛ. Na línye ɔƒɛ lɛlɔ limeyi biala. Na usien kɔyɔ ɔsu ni, naaakana bɔlɛɛ muedi.

Kɔgya 1:6

Unwoti anu asia bekyuli bani mɔɔsia nwuna ulu lɛlɔ siin, na ɔɔgyumana-ma. Nsu bekyuli bani naaasia nwuna ulu lɛlɔ ni, badubɔyii udu.

Kɔgya 142:3

Si uwi ɔni na enu áƒɛ-mi na lɛ́yila lɛnunsia ni, awɔ agyi ulu ɔni lɛlɔ na eti-mi asiaku. Bekisine bábɛ bákywɛ-mi kakpagyuɛ na mina kɔvinkɔ.

Kɔgya 31:7

Ebiti adubɔda-mi na lɛlɔ lɛyɔ-mi na ƒula lɛƒɔndia ɔsu. Ɔsika ánu ala ani muukpóku-mi áti ku abi ani muubó.

Kɔgya 63:1

O Katɔti, awɔ ndi mina Katɔti ɔni kama ulu na mɔɔwia kpakplaa aani kalɛ na utukwɛ ɔɔda ukyuli na kalɔ kakwiidi lɛlɔ.

Israelƒuɔ Bɔlɛ 2:25

Anwuɔsu Katɔti ɔ́nu kalɛ na Israelƒuɔ beebó abi, na litemi lɛmmɔ líkpoku-nwu.

Yeremia 2:2

nsie Yerusalem na ntákɔ lɛsa nte ukyuli biala na mmɔ ka anwu Unwoti násu ɔnini, “Uwi ɔni na adi uleku ɔni na líti ɔwɔdi ni, áyɔ-mi na ásiaku-mi kama siin, na bɔkɛ kalɔ kakwiidi kani naaadia edula mmɔ kemmo ɔni na átalɛ-mi kama.

Yeremia 2:6

Bátakana na beye banii, ‘Nte Unwoti ɔni nákpanku-bu ɔ́lɛku Egyipte kalɔ lɛlɔ, na ɔ́tɔnku-bu ɔ́siaku ketele kemmo kalɔ kakwiidi kani kemmo na libu lɛ́ƒɔ tɛɛ mmɔ, kalɔ kani kemmo na ntu buuubo na kese suu geen, na ukyuli ɔdi ulásia mmɔ taavi kudii, na ukyuli ɔdi uuulie mmɔ lɛnɔ?’

Hosea 5:3

Ngyi Eƒraim kaba bekyuli bani ndi Israelƒuɔ ablala ƒui kede kede, na ɔdi útabɛ-mi. Ɔƒaani bénwini basɔnɔdine na baabla lɛyalɛ ala, na bébile lɛlɔ, na beesé lɛlɔ lɛnɔ.

Hosea 9:10

Unwoti ɔnini, “Bɔnu na lɛ́nu amii Israelƒuɔ lídie aani kɔdingyii ebi na kalɔ kakwiidi kadi kemmo, na lɛ́nu bina bati kuuku aani kɔnwingyie ebi edeedi ani náka bɔnwu. Nsu Baal-Peor baƒiɔ bani muusé lɛlɔ na bísie bɛɛkpá. Anwuɔsu na amii lɛnɔ biisé lɛlɔ aani baƒiɔ bani na bɛɛyɔ́ mmɔ kalɛ.

Nahum 1:7

Unwoti ɔdia, na ɔɔgyumana bekyuli bani néti bana anu básia-nwu lɛlɔ, na uudie-ma na lɛbibo uwi.

Korintoƒuɔ 1 8:3

Nsu ukyuli ɔni mɔɔyɔ́ Katɔti ni, Katɔti ɔgyi-nwu.

Galatiƒuɔ 4:9

Nsu ɔƒɛni ɔni na bɛgyi Katɔti mɛni iye lɛsu nnii Katɔti ɔgyi-mii mɛni ni, bi ɔsu na bɛ́sɔ bíti lɛlɔ biite ɔyikun ɔmmɔ bene udu? Munuu bɛɛyɔ́ ka ɔda bubo bɔdi bɔsɔ butaadi-mii lɛlɔ?

Lɛkpa Ulu 2:7

Na bínyimo kalɛ na bina Unwoti Katɔti úte-mii kusɛ kusɛ na bina kabla biala kemmo. Na anwu nákya-mii akɔ na ɔ́nu-mii lɛlɔ na kalɔ kakwiidi bonwu kamɛni kemmo akwa aavlene sɔɔn na bítayaki lɛla lɛdi.

Lɛkpa Ulu 32:10

Na bese-nwu aani bekyuli bakɛdi na kalɔ kakwiidi kani kemmo na ɔƒɛƒɛɛ ɔni mɔɔkula ala uukpó uwi ƒui ku kudu. Na Katɔti nébenwini bana kabɛkɔ. Na ɔkya ɔɔgyumana-ma aani nwuna lɛnumi kebi.

Lɛkpa Ulu 8:15

Na binyimo kalɛ na ɔ́tɔnku-mii na kalɔ kakwiidi bonwu kamɛni kemmo, kesii kani na balakpi bekpidi ku batamlukpa bakya. Ntu bútakya mmɔ, nsu Unwoti Katɔti ɔ́ya na ntu bɔ́bwɛ bɔ́lɛ lɛtakpɛ kemmo na bɛ́ni.