Hosea 13:3 - Katɔti Ɔku Kedee

³ Ɔmmɔ ɔsu na bɛdubo udu bɔyii ƒui kede kede aani kalɛ na ulɔyɔ ɔɔyii taakya, na amii aakwii na ala lɛlɔ, na ɔƒɛƒɛɛ uuti aƒaƒaa na kemo taatɔlɔku, na uyɔ lɛnɔ ɔɔyii taakya na asi kemmo.

Hosea 13:3 ပူးပေါင်းရင်းမြစ်များ

Hiob 21:18

Kɔlɛ na ɔɔní-ma kɔtu aani kalɛ na ɔƒɛƒɛɛ uuduo keti kemmo teebo-ka teegyingya?

Hiob 30:15

Liƒu sɔɔn náka lɛ́mana-mi ɔƒɛni amu. Na mina lɛkɛ o-o, mina lɛnyi lɛni na lɛ́ƒɔ o-o, ana ƒui áyii ákya-mi, aani kalɛ na liƒlukutu lɛɛyii taakya kayaa.

Kɔgya 1:4

Nsu bekyuli bekpidi ama ni, uuuse uuute-ma lɛni. Buse bese aani aƒaaƒa ani na ɔƒɛƒɛɛ uubó taavinku uwi ndi uwi.

Kɔgya 68:2

Bɔku-ma lɛku ƒula anumi aani kalɛ na uyɔ ɔɔyii taakya. Ya na belikplune bayii ku udu aani kalɛ na kɔma kɔɔnani na ogya lɛlɔ si áda álɛ-ma lɛlɔ.

Yesaia 17:13

Nsu ina ka bábla kudu ku kɔnyi badubo lɛni ni, Unwoti ɔdubo-ma bɔbɔku busienku kama, aani kalɛ na ɔƒɛƒɛɛ uuƒwi aƒata taayulaku abi, iye kalɛ na ɔƒɛƒɛɛ uuduo kɔnwinimi kemmo taakya ligede.

Daniel 2:35

Na mmɔ ni, abuala kpakplaa ammɔ ku lɛti ku abuala egyiedi ku sika ɔƒualadi ku sika ugyiedi ɔmmɔ ƒui ni, ɔƒɛƒɛɛ úƒwi-nya ɔ́tɔlɔku ƒui kede kede ɔni na asɔ alanu nwuna kesii kadi aani kalɛ na beeƒi kamu aƒata teedie kamu ebi kemmo taatɔlɔku na kakpa. Nsu lɛtabi lɛmmɔ ani libenwini kɔbi bonwu kɔdi na kɔ́ƒɔ kalɔ ƒui lɛlɔ.

Hosea 6:4

Unwoti ɔnini, “Amii Israelƒuɔ ku Yudaƒuɔ, bi na bɛnii mblaku-mii? Bina bɔyɔ bɔni na bibo bite-mi ni, buse kani buse aani ulɔyɔ iye ɔtanta amii ani mɔɔyii taakya si ɔƒɛ ɔ́tu na kadi kaata.

Seƒania 2:2

Ɔsika Unwoti úuse uwi úse ɔni na ɔdubo ku kɔnyi kpakplaa na ubébo-mii uwi kalɔ aani ɔƒɛƒɛɛ kpakplaa na ɔkpala-mii ƒui ɔtɔlɔku.

Sakaria 8:12

“Mmomu ni, ndubɔnu ka bɛkya bina edula ɔƒaamu na atu bɔyɔ kemmo, na bina adingyii mmo lɛnɔ adubɔbla kaduɛ na anwu ebi pii. Na bina katumalɔ kadubulie lɛmwi, na amii ayu ewi bina edula lɛlɔ.