Hosea 13:2 - Katɔti Ɔku Kedee

² Na ɔƒaani ni, bɛmu binye likpidi lɛmmɔ kani bɔbla lɛlɔ, na bíti sika ɔƒualadi bɛ́vɔ ɔmantɛ bakɔ bebi udu baƒiɔ bíte lɛlɔ, na básu-mii banii bitaakyula akpala teete-nwu na bɛɛkya-ma kɔgbu taaƒuƒuɛ muedi.

Hosea 13:2 ပူးပေါင်းရင်းမြစ်များ

Baga 1 19:18

Nsu lídie Israelƒuɔ bekyuli mpim maatɛ bani nátalɛ akɔnkɔ bétete Baal iye bakya-nwu kɔgbu.”

Ala Alɛdi 2 28:13

Na básu lɛnɔ banini, “Si bíti bekyuli bamɛni bíboku Samaria ni, ɔmmɔ lɛnɔ ɔdubɔsɔ unwini likpidi bamba lɛni na bɔ́bla bɔ́ƒiɔ Unwoti. Ɔsika bɔ́ɔbla ala pii bɔ́ƒiɔ Unwoti na nwuna kɔnyi kɔsia-bu lɛlɔ.”

Ala Alɛdi 2 33:23

Manase únwini kayi úbo Unwoti kudɔ, nsu ubidi Amon anwu úni na útabla ɔmɛni mmomu ekpidi enengudi na ɔ́bla ɔ́sia kama útulo ɔti ƒui.

Kɔgya 2:12

Na biboku eli kalɔ bite-nwu. Na si ɔɔɔdi lɛni ni, Unwoti ɔdubɔkɛku-mii kɔnyi geen na ɔyila-mii udu kɔnakunwi. Nsu lɛlɔ litaayɔ bekyuli bani muukeli teesie-nwu kudɔ ka ɔgyumana-ma.

Yesaia 1:5

Bi ɔsu na binye bɛɛwia lɛbibo teete lɛlɔ lɛni? Bi ɔsi na bɛdubɔta binye-mi lɛlɔ lɛni biteesie uwi ƒui? Bilánu ka bise aani bekyuli bani na bébo-ma eli bábwɛ na biinú ɔlɛ na bina kayi kemmo.

Yesaia 30:1

Unwoti ɔnini, “Bɔbuɛ ute mina bekyuli bani mɔɔta teenye-mi lɛlɔ. Ama bani mɔɔkya kɔkwɛ na ulu ɔni lɛlɔ na basia babla ala na ɔɔɔdi mina ulu. Biinyimi ala teete lɛlɔ kalɛ na bitaadi-nya lɛlɔ na uwi ɔni na bíteye-mi bítenu. Anwuɔsu na ala ekpidi kani na bili bɛɛbla.

Yesaia 44:11

Bekyuli bani mɔɔnwí baƒiɔ bamɛni ku bani mɔɔkpá-ma badi bekyuli keeke bani na bana kawɔlɔkɔ kadubɔbla kɔnyana geen. Nnye ngya-ma na litemi katɛkɔ na badubo babasiaku-mi na ulése-ma buɛɛ.

Yesaia 45:20

“Bɛsala-mi kudɔ amii bani nébu na kadi biala bekyuli akɔ na kɔlɔ kɔmmɔ kemmo! Na bɛnu bɛti kalɛ na ɔdi kɔdɔlɔ ka binye bitaabu baƒiɔ iye ala anwidi na bitaakpali-ma bɛnii ama mebunku-mii aani bina Unwoti, nsu balakana-mii bɔƒɔ.

Yesaia 46:6

Bekyuli badi beesié taatáƒɔ ala bakywɛne na kayu kenye, na bete-ma sika ugyiedi ku ɔƒualadi, na betu-nwu babla baƒiɔ bete-ma na bataakpa.

Yesaia 46:8

“Ɔƒaani ni, mɔɔyɔ́ ka biƒie ɔmɛni bɛkya lili, amii alaekpidi bablane na bɛsɔ bitayiƒala.

Yeremia 10:4

Na beti sika ɔƒualadi ku ugyiedi bakwa-nwu lɛlɔ na bakana-nwu bada kalɔ kalɛ na ulebuli ulatáyu kalɔ.

Yeremia 10:8

Ala ani na bánwi iye bávɔ bábla baƒiɔ baaadi lɛla lɛdi. Na ukyuli biala ɔni mɔɔkpá-ma ɔdi ɔdɔlɔdi!

Yeremia 8:5

Na bi ɔsu na amii bíni bɛnii bilasɔ bilénwini bilebo-mi kudɔ? Na bɛmu bɛsiaku bina baƒiɔ kpakplaa lɛni?

Hosea 10:1

Nka ntɛ kugyii kɔbuni kɔni mɔɔnwu ebi na adi. Nsu kalɛ kani na aanwu ebi pii ni, lɛni kani na aatú akpabi pii teete lɛlɔ. Na kalɛ kani na keyi kaadianku-ɔ ni, lɛni kani na aatú aƒiodu ani mɔɔdia-a bɔnu teete ƒula baƒiɔ.

Hosea 10:5

Na liƒu bonwu lɛdubo bekyuli bani nkya Samaria ƒui buƒie na bewulo kɔnyana na baƒiɔ bani na bátu bényene Bet-Awen. Baƒiɔ bammɔ na bana bakpane baabu na baakun lɛmɛnɛ ka baanu kalɛ na uukeye ku sika ugyiedi ɔsu. Nsu kekpo kadubo-ma buƒie na beti-ma bɔtɔlɔku na unwini-ma kɔƒa na ukyuli biala uteewulo.

Hosea 11:2

Nsu kɔlɛ kɔlɛ kɔni na mɔɔlɔ-nwu teeboku lɛlɔ aani ubi kalɛ ni, kɔlɛ kɔmmɔ na uusié kama na mina kudɔ. Na baabla akpala teete Baal baƒiɔ na baakyula oloƒui teete ala ani na bávɔ mmɔ.

Hosea 11:6

Ɔlɛka bekpone bekpoku-ma na bana lɛma linengudi kemmo na begyingya bana lɛma lɛban kɔyakun ƒui. Lɛni na ɔdubɔlɛku mina kadi bekyuli, ɔsika lɛla lɛni na ama bánu ka lɛdia-ma ni, ani na baabla.

Hosea 14:3

Asiria ulakana-bu bɔƒɔ, na kekpo bapɔnkɔ kɛɛkɛ lɛnɔ ulakana-bu bubunku. Anwuɔsu bɔsɔ bulákpa baƒiɔ bani na bɔ́vɔ, ɔsika awɔ Unwoti mɔɔnu bekpinebi kɔnyana.”

Hosea 2:8

Nsu útati ɔnii antabi ku kamu ku ntɛ buni bɔmmɔ ƒui ni, adi etela ani nási-mi kudɔ. Na nwuna sika ugyiedi ku ɔƒualadi ƒui ni, ami néte-nwu na anwu na ɔda uuyé ala taakpa Baal baƒiɔ.

Hosea 4:17

Eƒraim kaba kemmo bekyuli bamɛni béti lɛlɔ bátámana lɛƒiɔkpa, anwuɔsu bɛnyonu bana keyi bite-ma!

Hosea 8:4

Bɛ́ƒuna baga ku batɔnkune bíte lɛlɔ, na bíteye-mi kasusu. Na bíti sika ugyiedi ku ɔƒualadi bɛ́bla baƒiɔ bíte lɛlɔ, na ama nákpanku-mii bátákya bɔkywi kemmo.

Hosea 8:5

Na líti kɔnyi lɛ́kya awɔ Samaria ɔma unengudi ɔmmɔ na ƒula baƒiɔ bani na ávɔ na ɔmantɛ akɔ ubi udu kenye mmɔ ɔsu. Uwi ɔmani na aakali ka adubɔsɔ abla sɛɛn na mina anumi?

Hosea 8:6

Na Israelni ɔdi nébo úbavɔ baƒiɔ bammɔ úte-ɔ. Nsu ami kani ndi Katɔti unwi ɔmmɔ, anwuɔsu baƒiɔ bammɔ badubo bɔbwɛ bugyingya.

Bumomo Bɔka 32:14

“Aanu amii bekyuli bekpidi bamɛni lɛnɔ ka bɛsiaku bina bati ɔbladu ɔmmɔ kani kama na bɛɛyá na Unwoti kɔnyi kɔsɔ kɔkɔ-nwu katɔ kubu na Israelƒuɔ lɛlɔ.

Romaƒuɔ 11:4

Na kenye kamani na Katɔti údie Elia? Údie kenye ɔnini, “Lídie bekyuli mpim maatɛ líse líte lɛlɔ ɔni na bátalɛ akɔnkɔ kalɔ bétete Baal baƒiɔ.”

Romaƒuɔ 2:5

Na ka bina atu ebo ɔkplu na bítenwini kayi ɔsu ni, Katɔti ɔdubo-mii kɔtu bɔni geen na limeyi lɛni na údie úse lɛlɔ ka ɔdubɔtɛku bayawine ƒui litemi na nwuna ulu siin lɛlɔ.

Timoteo 2 3:13

Nsu bekyuli bekpidi ku ɔkɔ ala batinane ama ni, bubie bɔmmɔ bɔdubɔkɔ-ma katɔ bubu na bataatɔlɔ bekyuli. Na bana ɔbladu ɔmmɔ ɔdubɔtɔlɔ ama alati lɛnɔ.

Samuel 1 10:1

Ɔmmɔ kama ni, Samuel úti ɔsii ɔdi na nnɔmii buwi-nwu kemmo na úwilimi nnɔmii bɔmmɔ úwi Saul lili na ɔ́kya-nwu kɔgbu na ɔ́su-nwu ɔnini, “Geen geen ni, Katɔti ɔ́ƒuna-a ka enwini nwuna kadi bekyuli Israelƒuɔ ɔga.