Hosea 13:16 - Katɔti Ɔku Kedee

¹⁶ Ndubo Samaria kɔtu bɔni geen na ɔni na ɔ́ta únye-mi lɛlɔ ɔsu. Na bayila-nwu udu na kekpokɔ. Na bebo-nwu bebi baƒiɛmi atakpɛ lɛlɔ na bekpi. Na bawawa bana baƒɔndane.”

Hosea 13:16 ပူးပေါင်းရင်းမြစ်များ

Baga 2 15:16

Na uwi ɔmmɔ ni, ka Menahem ɔ́si Tirsa ɔdubo ni, úbekpoku Tiƒsa ku ɔma ɔmmɔ ukyuli biala na ɔkya-nwu kemmo ku lɛma lɛni na amadɔ mmɔ bene ƒui ka bétenu kalɔ ka balɛmi bana ɔma awodu kɔyakun bete-nwu ɔsu. Na ɔ́bɔku Tiƒsa údie mmɔ na ɔ́ya na báwawa beleku bani nda nƒɔ ƒui.

Baga 2 17:18

Na Unwoti úti kɔnyi ɔ́kya Israelƒuɔ na úkulo-ma údie nwuna anumi. Na úti Yudaƒuɔ lɛti ɔ́bla nwuna badi.

Baga 2 17:5

Ɔmmɔ kama ni, Asiriaƒuɔ ɔga ɔ́nwanɛ lɛlɔ úduo Israel kalɔ lɛlɔ, na ɔ́ka Samaria ɔma ɔ́kya akwa atɛ.

Baga 2 17:6

Na Ɔga Hosea lɛga bɔdi lɛkwa yaalenwidi kemmo ni, Asiriaƒuɔ ɔga úƒie Israelƒuɔ bammɔ úsienku Asiria. Na ɔ́ya na bélie Hala kalɛkɛ lɛlɔ na ɔma ɔni baalɔ banii Gosan na Habor Ketudɔ ku Mediaƒuɔ lɛma kemmo.

Baga 2 8:12

Amu na Hasael úye-nwu ɔnini, “Ati, bi ɔsu na eewulo?” Amu na Elisa údie kenye ɔnini, “Ɔsika ngyi kalala kani na adubo Israelƒuɔ bɔbla. Adubo ogya bɔtu bɔkya bana lɛma lɛni bátu awodu bamana, na adu bana bakloƒu na kuwii kenye, na eƒwimi bana banamu wɛlɛ wɛlɛ aƒiɛmi kalɔ, na aya na bawawa bana beleku baƒɔndane.”

Yesaia 13:16

Bana anumi lɛlɔ na badubɔƒiɛmi bana bebi atakpɛ lɛlɔ babwɛ kpɛtɛ kpɛtɛ. Na badubɔla-ma ɔtɔ kemmo ala ƒui batɔlɔku. Na beƒie bana beleku batɛnku-ma ɔkplu kemmo.

Yesaia 17:3

Eƒraim ɔma unengudi, ɔni na awodu bonwu aagyumana ɔdubɔyii udu na ɔsɔ ulakya, na Damasko lɛga kadikɔ kabwɛ ƒui, na Aram kadi nkyuli ɛlɛɛ bani mebu badubɔyila bana bukeye aani Israelƒuɔ.” Lɛni na Unwoti Ɔyikune Ƒui ɔ́su.

Yesaia 8:4

Na asa na ubi ɔmmɔ ɔdubɔti bɔsu ɔnii, ‘Mina Ati’ iye ‘Nna’ ni, Asiriaƒuɔ ɔga úuti Damasko lɛlakɛ ku ala ani na ɔdubuƒie ɔƒɔ na Samaria ɔ́tɔlɔku uwi ɔmmɔ.”

Hosea 10:2

Ɔkɔ ɔnyine bonwu na adi na aládi litemi lɛmmɔ lɛlɔ. Anwuɔsu adubo ƒula ekpidi lili kayu bɔƒɔ, ɔsika Unwoti ɔdubo ƒula akpabi ku baƒiɔ bani na ávɔ mmɔ bɔbwɛ na ɔyila-ma udu.

Hosea 11:6

Ɔlɛka bekpone bekpoku-ma na bana lɛma linengudi kemmo na begyingya bana lɛma lɛban kɔyakun ƒui. Lɛni na ɔdubɔlɛku mina kadi bekyuli, ɔsika lɛla lɛni na ama bánu ka lɛdia-ma ni, ani na baabla.

Hosea 7:14

Belewulo taakpali-mi geen taasiku bana kayi kemmo, mmomu bebi bana kɔtɛnkɔ beewulo kɔnyana, na baabla lɛlɔ ulikplu ala ani na basiaku ala bamba baabla na basia anu ka ɔmmɔ ɔdubɔya na bakɛ kebunku na wete-ma kusɛ kusɛ na bakɛ edula pii ani na baawia.

Amos 1:13

Unwoti ɔnini, “Ndubo Amonƒuɔ kɔtu bɔni na bana ekpidi pii ɔsu na lɛɛɛdubo mina kasusu bɔvumana. Ɔ́wawa baƒɔndane ɔ́du na Gilead kalɛ na uti kalɔ kammɔ ɔsu.

Amos 3:9

Bɛkɔ litemi lɛmɛni lɛsa bite batɔnkune bani na beli kɔgyumanakɔ kɔni na bátu na Asiria ku Egyipte kɔlɔ lɛlɔ bɛnii, “Bɛsala lɛlɔ na Samaria abi eli na bɛnu ɔda bubo lɛlɔ tadi ku ekpidi lidu bamba lɛni udu na bekyuli baabla na mmɔ.”

Amos 9:1

Lɛ́nu ka Unwoti unye lɛkpabi lɛmmɔ kudɔ na ɔ́su ɔnini, “Kunku akpa enengudi ammɔ momoomo útédu ka ɔtɔ ɔmmɔ ɔ́kunku útálɛ kowodu kalɔ ƒui. Na lɛsa limodi lɛmmɔ ligyingya na lɛta lɛmmɔ lɛƒɛ libayu bekyuli bammɔ lɛlɔ. Na si badi bébu ni, ndubo-ma bɔdu ku kuwii. Na ina ukyuli unwi muedi ulébu na ɔdi lɛnɔ ulakana bukeli.

Mika 1:4

Abi ƒui adubo bɔyɛɛlɛ aani kalɛ na kɔma kɔɔyɛɛlɛ na ogya kudɔ. Na lɛbonka libendi lɛyii lɛkya aani kalɛ na ntu bɔɔgbá taayu ɔkwalɛ ɔdi taatɔlɔ.

Mika 6:16

“Ala amɛni ndubo-mii bɔlɛku na ɔni na bɛsiaku Ɔga Omri ku ubidi Ɔga Ahab likyulikpi ala bɔbla kama ɔsu. Anwuɔsu ndubo-mii udu bɔyila ku bina akɛla ƒui na kadi bamba bekyuli ƒui bataama-mii na bedumi-mii.”

Nahum 3:10

Nsu béƒie-nwu na béti-nwu bésienku kaƒɔ kalɔ lɛlɔ. Na bádu nwuna bebi béwi lɛblɔnu lɛkɔkɔ ƒui lɛlɔ. Na bekyuli bani ndi bagadine ƒui ni, bádi-ma kuye na kadi bekyuli anumi. Na bakutine benengu ƒui bébo-ma kɔgba enu ku lɛgba.