Hosea 13:10 - Katɔti Ɔku Kedee

¹⁰ Aasu anii ɔga ku lɛlɔ badine na aawia ɔƒaani ka lise lite-ɔ. Ama nɔɔ? Lɛma lɛmani kemmo na bakya na bebebunku-ɔ?

Hosea 13:10 ပူးပေါင်းရင်းမြစ်များ

Baga 1 12:20

Na uwi ɔni na Israelƒuɔ bénu ka Yerobeam únwini ɔ́si Egyipte úbo ni, bekyuli bammɔ bálɔ-nwu na anwu ku-ma bátɛmi, na bábla-nwu Israelƒuɔ ɔga. Na Yuda kɔdua bekyuli lɛti ndi bani nsiaku Dawid bekyuli kama.

Baga 2 17:4

Nsu lɛkwa lɛdi ni, Ɔga Hosea ɔmɛni ɔ́tala bekyuli ɔ́kya Egyipteƒuɔ ɔga ɔni baalɔ banii So ka ubebunku-nwu na betékpoku Asiriaƒuɔ na ɔda nwuna lɛkwa ndi lɛkwa kuyii kɔmmɔ bɔyii ɔya. Na ka Ɔga Salmaneser únu litemi lɛmɛni ni, ɔ́ya béteƒie Ɔga Hosea bákya ɔtɔ.

Kɔgya 10:16

Unwoti ndi ɔga ɔ́si ɔƒɛni úsela uwi ƒui. Na kadi bamba bekyuli badubɔyii ƒui kede kede na nwuna kalɔ lɛlɔ.

Kɔgya 149:2

Israel, lɛlɔ lɛyɔ-mii, amii bani na Unwoti Katɔti údie. Na amii Sion bebi ku bawɔ ni, lɛlɔ lɛyɔ-mii na bina ɔga lɛlɔ.

Kɔgya 44:4

Awɔ ndi mina Katɔti ku mina ɔga ɔni mɔɔyá na ƒula bekyuli baadi lɛlɔ.

Kɔgya 74:12

Katɔti, awɔ ndi bula ɔga ɔ́si kukuuku ƒui na awɔ kani mɔɔƒɔ́ teete-bu uwi ndi uwi na kalɔ mɛni kesi kesii.

Kɔgya 89:18

Awɔ Unwoti Israel Katɔti Kedee ndi bula ɔga ku lɛgyumanala éte-bu.

Yesaia 33:22

Unwoti ndubɔtɛ bula litemi ute-bu, na ɔdi-bu lɛlɔ. Unwoti ndi bula ɔga ɔni ndubɔda-bu, na lɛla lɛdi lilékpoku-bu.

Yesaia 43:15

Ami ndi Unwoti bina Katɔti Kedee ɔni nédie Israel na ndi-nwu ɔga.

Yeremia 2:28

Biteesie bitéwulo bɛkya baƒiɔ bani na bɛ́bla bíte lɛlɔ mmɔ si badubɔkana-mii bubunku. Bémomo aani kalɛ kani na bina lɛma limomo.

Yeremia 8:19

Mina bekyuli bakya kaƒɔ lɛma beewulo keku. Nu kalɛ na beewulo teeye banini, “Buni na Unwoti úni Sion na ɔsɔ ɔɔɔdi nwuna ɔga?” Na muunú ka Unwoti uudie kenye ɔnini, “Bi ɔsu na bɛ́kya-mi kɔnyi na uwi na bina baƒiɔ bani neeebo kɔsia bɔkpa ɔsu?”

Kɔnyana Buwulo 4:20

Ɔtɔnkune ɔni na Unwoti ɔ́ƒuna úte-bu kani nsɔ ndi-bu lɛnunsia ka anwu ndubɔƒɔ ute-bu na bɔkɛ keliekɔ kadi na kadi bamba bekyuli bammɔ akɔ, nsu anwu muedi bana kɔkpagyuɛ kɔmmɔ kɔdi kani nédie anwu lɛnɔ.

Hosea 10:3

Bɛdubo bɔsu bɛnini, “Buuubo ɔga ɔdi na bɔɔɔdaku Unwoti ɔmmɔ lɛnɔ lɛda. Na ina bubo baga muedi ni, bi kɔsia na bɔdubɔkɛ?”

Hosea 13:4

“Ami ndi Unwoti bina Katɔti ɔni nédie-mii ɔ́lɛku Egyipte kalɔ lɛlɔ. Na Katɔti ɔbambadi ɔdi ɔsɔ uuubo. Ami lɛti ndi anwu ɔni mɔɔƒɔ́ bekyuli.

Hosea 3:4

Lɛni kani na uwi ɔdubo butu asa na Israel kadi bekyuli basɔ bakɛ ɔga iye asa na basɔ babla akpala na Katɔti kakpakɔ iye Katɔti ɔtina-ma ulu ɔni lɛlɔ na basia babla lɛla lɛdi.

Hosea 7:7

Kɔnyi kɔmmɔ kɔ́ya na báƒɔ ogya bakɛ aani ogya ku lɛyu na bádu bana batɔnkune ƒui unwi unwi. Na bana ɔdi útabla kasusu ɔnii ɔɔkpali-mi uvele kebunku kadi.

Hosea 8:4

Bɛ́ƒuna baga ku batɔnkune bíte lɛlɔ, na bíteye-mi kasusu. Na bíti sika ugyiedi ku ɔƒualadi bɛ́bla baƒiɔ bíte lɛlɔ, na ama nákpanku-mii bátákya bɔkywi kemmo.

Sakaria 14:9

Na ɔmmɔ kama ni, Unwoti unwi pɛ kani ndubo bɔkya aani lɛlɔ ɔdine ɔni mɔɔdi kalɔ kammɔ ƒui lɛlɔ. Na nwuna lɛnyi lɛti na bekyuli ƒui badubɔkya lili kalɔ bete na kalɔ kammɔ lɛlɔ kesii biala.

Yohane 1:49

Natanael ɔ́su-nwu ɔnini, “Rabi, awɔ ndi Katɔti Ubidi. Awɔ ndi Israelƒuɔ Ɔga.”

Samuel 1 8:7

Amu na Unwoti údie kenye ɔnini, “Awɔ, nu lɛla lɛni na baasu-ɔ. Ɔsika ɔɔɔdi awɔ na béni. Mmomu ami na béni ka balayɔ ka lɛdi-ma ɔga.