Hosea 12:8 - Katɔti Ɔku Kedee

⁸ Na biiti ɔmmɔ taakun lɛmɛnɛ taasu bɛnii, “Ɔlakɛne na ndi, na ami ɔlati néti mina enu lɛ́bla kabla na lɛ́kɛ egulabi ammɔ, na ńtabla ukyuli ɔdi lɛla lɛdi!”

Hosea 12:8 ပူးပေါင်းရင်းမြစ်များ

Kɔgya 49:6

Kayawi lɛkɛ lɛlɔ na bana anu asia na baakun lɛmɛnɛ na ala pii ani na bebo ɔsu.

Kɔgya 52:7

“Aanu lɛla lɛni nálɛku-ɔ ka éni anii alasia Unwoti anu na aakun lɛmɛnɛ na ƒula akɛla lɛlɔ na ákɛ ɔyikun elie aabla likpidi.”

Kɔgya 62:10

Bitatɛya ɔdikplu iye bekyuli buyu taakɛ lɛkɛ. Si lɛkɛ lɛɛkɔ́-mii katɔ ni, biteti bina kayi bitasia ɔmmɔ lɛlɔ.

Agba 11:1

Unwoti ukisi uyedine mɔɔnya ukyuli akya. Nsu lɛlɔ lɛɛyɔ́-nwu si ɔɔkɔ́ku ala teete-ma.

Agba 30:12

Baanu lɛlɔ ka badia bagya nsu geen ni, beesé lɛlɔ geen na bátalɛ bɔkpi.

Agba 30:20

“Na ɔni nsɔ mɔɔbla-mi yaa ndi kalɛ na uleku ɔsɔnɔdine ɔɔbla ala. Kalɛ na ɔɔdi teeni kenye na ɔsu ɔnii, ‘Ńtabla lɛla likpidi lɛdi.’

Yeremia 2:23

“Dɛ na bɛdubɔkana na bɛsu bɛnini, ‘Bulese lɛlɔ na bútakpa Baal baƒiɔ lɛnɔ’? Amii alati bɛnu ala ani na bɛ́bla na Hinom Kɔwɛ kemmo, kalɛ na bɛkɛ biikeli teesie taasɔ aani baƒlumu bakɔdi bani náƒɛ kɔnu.

Yeremia 2:35

bɛ́mu binye bɛɛsu kpakplaa ka likpidi lɛdi lɛɛɛma-mii lɛlɔ. Na bɛɛwia ka lɛda kɔnyi buti taakya-mii lɛya. Anwuɔsu ami ku-mii bɔdubo litemi katɛkɔ bulie na bɔnu ukyuli ɔni ɔdi nátɛ.

Yeremia 5:27

Bibo likyulikpi na bɛɛnyi ɔkɔ na bɛɛnya bekyuli taakya kalɛ na amii binwini balakɛne na bɛɛdi-ma lɛlɔ ku ɔyikun

Esekiel 28:5

Agyi egulabi bɔbla kɔkwɛ lilu geen sɔsɔ na ala lɛnɔ emomo-ɔ geen, nsu ƒula akɛla áya na aatina lɛlɔ na asɔ alabu lɛla lɛdi!

Hosea 13:6

Nsu ka bíbeduo kalɔ kabuni kemmo kesii kani na ntu ku adila akya na bɛɛní na bɛɛdi teemo ni, bɛ́yiƒala-mi na bíse kalɔ bɛɛtina lɛlɔ.

Hosea 14:1

Israel, sɔ nwini bo ƒula Unwoti Katɔti kudɔ. Ɔsika likpidi lɛ́ya na ébuli.

Hosea 4:8

Na likpidi lili buvele akpala ani na mina bekyuli baabla lɛlɔ na amii bɛɛsia teenwini balakɛne, anwuɔsu na bɛɛkya-ma ogya ka bataabla-nya teebu.

Amos 8:5

Biiye bɛnii, ‘Bi ɔsu na emeyi alasa bɔdi na buse kalɔ buteeye bula antabi, na lɛnwunameyi lɛnɔ lilavi pla na ɔdia na butaadi bula kakpa kuye? Ɔƒɛni na bɔɔwia ka butaadi kuye kɔmmɔ na bɔsia ala kuye kalɛ na ala ammɔ aƒɔ-bu kuye. Na bɔƒana akɔkula ammɔ lɛnɔ kalɛ na bɔnya-ma bɔkya na bɔkɛ kɔsia kaduɛ.

Habakuk 1:16

Na beesié taatákpa ala na baanwá teete bana lɛsawu ku lɛdaliwa lɛmmɔ bɔdi ka bákɛ lɛla lɛni na baawia ɔsu.

Sakaria 11:5

Bekyuli bani muuyé-ma taatádu bakɛ ƒaa ɔni na balani ɔdi kɔtu. Na bani lɛnɔ muuti-ma teeye mmɔ ama enu na baakɔliku katɔ taasu banini, ‘Bɔɔgyá Unwoti enu ka bɔ́kɛ egulabi.’ Na baƒonu bammɔ baládu bana badane muedi kaƒɔ.

Malakai 2:17

Bɛ́ɛya na Unwoti ɔ́nɔ-mii lɛlɔ ku bina etemila. Nsu bɛmu biiye bɛnini, “Ulu ɔmani lɛlɔ na bɔ́sia bɔ́bla ala ammɔ?” Ulu ɔmmɔ ndi ɔni na bɛɛsu bɛnini, “Likpidi bablane baada Unwoti kubiti, na ɔɔɔdaku-ni ka ɔtɛ litemi lɛmɛni ani.”

Malakai 3:13

“Bɛ́tɛmi enyekpi bonwu bonwu bɛ́siku-mi lɛlɔ, nsu ɔƒaani buye na biiye bɛnini, ‘Bi na bɔ́su o-o?’

Luka 10:29

Nsu ka ɔda bubo ala ɔtinane ɔmɛni ɔɔwia ka ute lɛlɔ ubo ɔsu ni, ɔ́sɔ úye Yesu ɔnini, “Ɔma ndi mina ukyulikpana?”

Luka 12:19

Na ndubɔsu lɛlɔ nnii kuli kɔdia-mii. Ala buni ani ƒui ása-mi ute akwa pii. Ndubɔnwuna, na lɛdi, na lɛni, na lɛkya lɛlɔ ebiti.’

Luka 16:13

“Kabla ɔblane ɔdi ulakana benwoti inyɔ kabla bɔbla. Si ɔɔɔdi lɛni ni, ɔdubɔyɔ unwi na ukisi ɔkladi. Lɛnɔ ni, ɔdubunu unwi litemi na weni ɔkladi lɛdi. Bilakana Katɔti bɔsiaku na bɛsɔ bɛsiaku lɛlakɛ lɛnɔ.”

Luka 16:15

Amu na Yesu ɔ́su-ma ɔnini, “Amii ndi bekyuli bani mɔɔtina lɛlɔ aani bekyuli babuni na bakladi anumi. Nsu Katɔti ɔgyi bina ƒui kayi kemmo. Ɔsika ala ani náƒɔ kuye na bekyuli anumi ni, aaadi lɛla lɛdi na Katɔti anumi.

Lɛkpa Ulu 8:17

Na si bɛ́kɛ akɛla amɛni udu ni, ɔdi utasu ɔnini, “Akɛla pii ani na mbo mɛni ni, ami ɔlati ɔyikun ku ɔlɔkplu na líti lɛ́kɛ-nya.”

Timoteo 1 6:17

Su ama bani mbo kayawi ala pii anii batatalaku lɛlɔ katɔ na beteti bana anu batasia ala ani udu naaakana-ma bɔƒɔ lɛlɔ. Mmomu beti bana anu basia Katɔti lɛlɔ. Anwu muute-bu lɛla biala ku kaƒɔ ƒaa kalɛ na bɔkɛ lɛlɔyɔ.

Timoteo 1 6:5

Na baaní ala teenene uwi biala. Bekyuli bamɛni kasusu kékpi-ma na báyila litemi geen lɛmmɔ. Baakali banii badubɔsia bɔƒɔtaadi ulu lɛlɔ na beyile bana aƒo.

Budie Taatina 3:17

Bɛɛsu bɛnii, ‘Mbo ala na ɔdianku-mi, na mbo ala ani ƒui na mɔɔwia.’ Nsu bɛɛɛgyi bɛnii biisé lɛlɔ na bina lɛlɔ libo kɔnyana, na biiibo lɛla lɛdi, na anumi ábwɛ-mii, na bɛkɛ kasɔngya.