Hosea 12:4 - Katɔti Ɔku Kedee

⁴ Na Betel lɛnɔ ni, anwu ku Katɔti ɔtu ɔdi bása kayi na ɔ́di-nwu lɛlɔ, na ɔda imii blabla úvele-nwu ɔnii ute-nwu kusɛ kusɛ. Mmɔ na ɔ́tɛmiku-nwu,

Hosea 12:4 ပူးပေါင်းရင်းမြစ်များ

Ala Kalɔ Buse 25:26

Ɔmmɔ kama asa na ɔnwani lɛnɔ úbalɛ, na úƒie ɔnwani kagbama ɔ́da. Na anwu lɛnɔ básia-nwu lɛnyi banii Yakob. Na asa na Rebeka wawɔ bebi bamɛni ni, Isak ɔ́ɔƒɔ akwa liti ku leevu.

Ala Kalɔ Buse 32:24

Ɔƒɛni Yakob lɛti kani nébu na ketu ɔvi ɔmɛni. Mmɔ na ɔnana ɔdi úbo úbekpoku-nwu laa útédu ka kadi kégye.

Ala Kalɔ Buse 32:25

Ka ɔnana ɔmmɔ ɔɔɔdaku tɔ Yakob lɛlɔ bɔkana bɔdi ni, ɔ́wɔ Yakob kasɔma likubi na líkpeli.

Ala Kalɔ Buse 32:26

Mmɔ na ɔnana ɔmmɔ ɔ́su Yakob ɔnini, “Ya na nteesie, ɔsika kadi kéegye.” Ka ɔ́su-nwu lɛni ni, Yakob lɛnɔ udie kenye ɔnini, “Lɛɛɛdubo-ɔ kuƒi bute amu ntu éte-mi kusɛ kusɛ.”

Ala Kalɔ Buse 32:29

Mmɔ ni, Yakob ɔ́su ɔnini, “Buvele, lɔ ƒula lɛnyi te-mi.” Nsu ɔnana ɔmmɔ úye-nwu ɔnini, “Bɔsu na ada anii aaagyi ukyuli ɔni mɔɔtɛmiku-ɔ?” Na mmɔ ni, úte-nwu kusɛ kusɛ na kesii kani na benye mmɔ.

Ala Kalɔ Buse 35:15

Na kesii kani na Unwoti Katɔti únye ɔ́tɛmiku-nwu mmɔ ni, Yakob ɔ́sia lɛnyi ɔnii Betel.

Ala Kalɔ Buse 48:15

Amu na úte Yoseƒ kusɛ kusɛ na ɔ́su ɔnini, “Unwoti Katɔti nátɔnku mina bati bani ndi Abraham ku Isak. Unwoti Katɔti anwu náda-mi na mina ngba emeyi kemmo ƒui aani baƒonu ɔdane kalɛ.

Kɔgya 66:6

Ɔ́ya na bula nana bene bábwɛ bávi Ɛpugyie ntɛ na bakɛ lɛgba básia kalɔkplu bávia. Bibo na bɔkɛ ebiti na lɛla lɛni na ɔ́bla ɔsu.

Yesaia 63:9

Na si ɔ́nu ka béduo lɛbibo lɛdi kemmo ni, uukpóku Unwoti geen na ɔɔyá na nwuna katɔ ɔtu uusié taatáƒɔ teete-ma. Unwoti ɔ́nu kɔnyana geen anwuɔsu na údie nwuna bekyuli ɔ́lɛku bana bubie kemmo. Ɔ́nu-ma lɛlɔ akwa ammɔ kemmo ƒui na use aani bɔgyu na ɔ́gyu-ma ɔda nwuna enu kemmo.

Malakai 3:1

“Ami, Unwoti Ɔyikune Ƒui, ndubɔtala ɔtu ɔdi na ɔklibi ulu use ute-mi. Na kɔnakunwi Unwoti ɔni ulu na binye bɛɛnu ni, ɔdubɔda ɔlɛ na nwuna kakpakɔ kemmo. Ɔtu ɔni na bɛɛwia mmɔ ɔ́si ɔdubo ku mina linyese. Na ɔkɛ ulu ɔdubo ɔƒaani.”

Tesalonikaƒuɔ 1 4:17

Ɔmɛni kama ni, Katɔti ɔdubutiku abu bani nébu buli ngba na uti-bu utásalaku bekyuli bani náta na butásiaku Blɔti na kayaa. Na bɔdubulieku Blɔti uwi ƒui.

Hebriƒuɔ 5:7

Uwi ɔni na Yesu úlie ngba na kayawi kamɛni lɛlɔ ni, ɔ́kpali katɔ úvele Katɔti ɔni kani ndubɔkana na udie-nwu na kukpi kemmo ku kɔvanu momoomo ku imii. Na Katɔti únu-nwu bɔkpali, ɔsika úboku lɛlɔ kalɔ úte-nwu na ɔɔbu-nwu ɔsu.