Hosea 12:3 - Katɔti Ɔku Kedee

³ Kaƒɔ kemmo ƒui na Yakob úse kalɔ uukpóku ɔnwani. Na ɔni na ɔ́bi lɛlɔ lɛnɔ ni, anwu ku Katɔti bása kayi na békpoku lɛlɔ.

Hosea 12:3 ပူးပေါင်းရင်းမြစ်များ

Ala Kalɔ Buse 25:26

Ɔmmɔ kama asa na ɔnwani lɛnɔ úbalɛ, na úƒie ɔnwani kagbama ɔ́da. Na anwu lɛnɔ básia-nwu lɛnyi banii Yakob. Na asa na Rebeka wawɔ bebi bamɛni ni, Isak ɔ́ɔƒɔ akwa liti ku leevu.

Baga 2 17:18

Na Unwoti úti kɔnyi ɔ́kya Israelƒuɔ na úkulo-ma údie nwuna anumi. Na úti Yudaƒuɔ lɛti ɔ́bla nwuna badi.

Baga 2 17:20

Na ɔmmɔ ɔsu Unwoti úni Israelƒuɔ ƒui na ɔ́ni-ma kɔtu. Na Unwoti úti-ma útákya bekisine bani na bebo ɔkplu enu kemmo útédu ka bana ƒui báyii-nwu anumi.

Baga 2 17:23

útédu ka Unwoti úkulo-ma údie nwuna anumi na kawɔlɔkɔ aani kalɛ na úbo-ma ɔda ɔ́siaku nwuna kabla bablane ku kenye bediene lɛlɔ ka si bábla lɛla lɛdi ni, lɛni na ɔdubo-ma bɔbla. Anwuɔsu, bábakpanku Israelƒuɔ bátákya Asiria kalɔ lɛlɔ. Na bakya mmɔ úbedu ɔmwi kadi.

Yeremia 2:9

“Anwuɔsu nsɔ ndubo-mii kɔtɔ bɔdu. Lɛni na ami Unwoti mɔɔsu. Na ndubɔdu bina bawɔ bawɔ lɛnɔ kɔtɔ.

Esekiel 7:3

aani lɛtuni ute bina ekpidi ani na bɛɛbla na eesé lɛlɔ ɔsu. Ami Unwoti líti kɔnyi geen

Esekiel 7:8

Ndubo mina kɔnyi ala bɔbla ƒui na lɛni-mii kɔtu kɔni námanku-mii na bina likyulikpi ala bɔbla kenye.

Hosea 4:1

Bise atu na binu kɔtɔ kɔni na Unwoti Katɔti ɔɔdú amii Israel kadi bekyuli ƒui! Unwoti uudie bina ƒui bɔƒiɔ na kalɔ kammɔ lɛlɔ ka ɔdi uládi-nwu litemi lɛlɔ siin na bɛɛɛdaku-nwu lɛda lɛnɔ.

Hosea 4:9

Na lɛlakpa linwi ndubɔlɛku bakpane ku bekyuli bammɔ ƒui, ɔsika ndubɔni bana ƒui kɔtu na bana ablala ɔsu, na lɛƒɔ-ma kayu kani námanku ala ani na bábla kenye.

Amos 2:4

Unwoti ɔnini, “Ndubo Yudaƒuɔ kɔtu bɔni na bana ekpidi pii ɔsu, na lɛɛɛdubo mina kasusu bɔvumana. Béni mina ala ani mɔɔtina-ma na banii baladi mina litemi lɛlɔ. Na baƒiɔ bani na bana bati kuuku bákpa na baaadi lɛla lɛdi bákpanku-ma na báyii ulu.

Mika 6:2

Israel, ndubudie bina bɔƒiɔ keyi lɛtina na abi ku kayawi kammɔ ɔ́si kalɔ kesekɔ ƒui na bidie lɛla lɛmmɔ kenye.

Romaƒuɔ 9:11

Nsu ni, Katɔti ubo ulu ɔni na ɔɔsia taaƒuna bekyuli. Na kalɛ na ubo-nwu kemmo lɛni ɔsu ni, Katɔti ɔ́su lɛla lɛdi úse asa na badubɔwɔ nta bamɛni iye asa na nta bammɔ bati lɛbuni ku likpidi. Na ulu ɔni lɛlɔ na ɔɔsia mmɔ ɔɔɔkɛnku bana kabla kadi lɛlɔ. Mmomu ɔ́su Rebeka ɔnini, “Ubi unengudi ɔdubunwini ɔnamudi kabla ɔblane.”