Hosea 11:9 - Katɔti Ɔku Kedee

⁹ Nsɔ lɛɛɛdubo-mii kɔtu bɔni na kalɛ na mina kɔnyi kɔ́kɔ katɔ kútédu kenye, na lɛyila-mii udu, ɔsika ami ndi bina Katɔti ɔni nse kedee, na ɔɔɔdi ukyuli ɔyawine na ndi na nli-mii akɔ. Anwuɔsu nsɔ lɛɛɛdubo ku kɔnyi.

Hosea 11:9 ပူးပေါင်းရင်းမြစ်များ

Samuel 2 20:10

Na uwi ɔmmɔ ni, Amasa ɔ́sɔ útasia anumi ɔnii Yoab úti kewii kani nálɛ kébo mmɔ ɔda. Anwuɔsu tati tese kemmo ni, Yoab ɔ́tu Amasa kaƒɔ ɔ́ƒuala na livo lɛ́lɛ líwi kalɔ. Na kunwi kɔni na ɔ́tu-nwu mmɔ kani na Amasa úkpi. Ɔmmɔ kama ni, Yoab ku ɔnwani Abisai bábi básia Bikri ubidi Seeba ɔmmɔ kama.

Kɔgya 46:5

Katɔti ɔlati ulie ɔma ɔmmɔ ntɛntɛ, ɔni na lɛla lɛdi lilakana ɔma ɔmmɔ bubile. Katɔti ɔdubo-nwu bubunku limeyi lɛni na lɛla lɛdi lɛdubɔlɛ.

Kɔgya 78:38

Ina amu ni, ɔ́nu-ma kɔnyana na úti bana alaekpidi ɔ́kyiɛ-ma na útayila bana ƒui udu. Katɔti uuƒie nwuna kɔnyi kenye pla pla na ulábla ala teetédu kalɛ na úti kɔnyi kenye.

Kɔgya 85:4

O Katɔti, awɔ ndi bula ngba bɔƒɔ. Buuvele-ɔ ka ada-bu kɔnyi buti bɔkya aya na asɔku-bu eboku bula uwi ɔbuni kemmo.

Yesaia 12:6

Amii bani nkya Sion ƒui bidie ɔnu ku kudu momoomo, ɔsika Israel Unwoti Kedee úbomo na bina akɔ.”

Yesaia 31:1

Bɔbuɛ ute amii bani muusié Egyipteƒuɔ kudɔ ka bebunku-mii. Amii muuti bina anu taasia bana bapɔnkɔ beliene lɛlɔ ku bana bapɔnkɔ kɛɛkɛ lɛlɔ ka bemomo na bebo ɔyikun ɔsu. Bɛnu bɛti ka Israel Katɔti Kedee mmomu lɛlɔ na ɔlɛka biti bina anumi bɛsia.

Yesaia 41:14

Amii Israel kadi bekyuli, bɛda lɛlɔ bukpoku bɛya ina bekyuli baanu-mii aani liklubi iye biiimomo na bɛɛɛdi lɛla lɛdi. Amii ndi Israel Katɔti kedee ɔni mɔɔgyumana-mii na mɔɔƒɔ́-mii ngba.

Yesaia 41:16

Na bibo-nya bitéwi aani kalɛ na baaƒɛ́ lɛla lɛdi, na ɔƒɛƒɛɛ uti lɛla biala ɔtɔlɔku. Nsu amii ni, lɛlɔ lɛdubo-mii bɔyɔ na bimwi ami bina Unwoti Israel Katɔti kedee.

Yesaia 48:9

Na ukyuli ɔni na ndi ku kalɛ na bekyuli bemwi-mi ku ɔbu ɔsu ni, muuwi lɛlɔ ku mina kɔnyi ablala kalɛ na naaayila bekyuli udu.

Yesaia 5:24

Anwuɔsu bana ƒui badubo bɔkywi bɔyii udu aani kalɛ na ogya ɔɔkyula livo ku keti. Bana ligyiitu lɛdubo bubun na bana anwula awiɛ. Ɔsika bekyuli bamɛni béni Unwoti Ɔyikune Ƒui ɔda bubo. Na béni banii belenu Israel Unwoti Kedee litemi.

Yeremia 26:3

Ɔƒɛni kalɛ badubunu ɔƒaamu. Na si báda ekpidi bɔbla báya ni, ndubɔvumana mina kasusu na nsɔ lɛɛɛdubo-ma kɔtu bɔni.

Yeremia 30:11

Na ndubɔsɔku-mii ku bina bawɔ liboku bina kalɔ kani lɛlɔ na mɔɔgyumana-mii na mɔɔnu-mii lɛlɔ na mɔɔyá na keyi kaayɔ́ku-mii lɛlɔ. Na liƒu biala lɛsɔ lilakya-mii kemmo. Ami Unwoti násu.”

Hosea 12:1

Ɔƒɛƒɛɛ kama kani na Israelƒuɔ basia uwi ndi uwi. Na ɔkɔ bɔnyi ku ala bubile ku bekyuli lɛlɔ bɔta teenye kani náƒɔ-ma keliela kemmo na kesi kesii. Ama ku Asiriaƒuɔ muunyimi ala, na ama ku Egyipteƒuɔ baadi nnɔ kuye.

Hosea 14:4

“Israelƒuɔ, amii néni-mi, nsu mina kɔnyi kɔ́yɔ-mi. Ndubo-mii bɔbwi na lɛyɔ-mii na bɔyɔ bɔmmɔ buuubo kawɔkɔ.

Malakai 3:6

Yakob bebi ku bawɔ, ami ndi Unwoti Ɔyikune Ƒui ɔni naaavumana uwi ɔdi. Anwuɔsu na ńtayila-mii udu ńtedie ƒui

Bumomo Bɔka 23:19

Katɔti ɔɔɔdi ɔyawine na ɔnyi ɔkɔ, iye ɔyawine ubi ɔni na si ɔ́su lɛla lɛdi ulabla ulasia-ni lɛlɔ. Munuu si use kenye kadi uláya na webo-nwu kemmo?

Lɛkpa Ulu 13:17

Na ɔdi uteti ala ani na ɔ́su-mii ka bɛkyula mmɔ adi utese lɛlɔ. Ɔmɛni ndubɔya na nwuna kɔnyi kati kati kɔyɔ na ɔnu-mii kɔnyana. Ɔdubɔnu-mii kɔnyana na ɔya na bimomo bibu aani kalɛ na ɔ́su bina bati kuuku úse.

Samuel 1 26:8

Amu na Abisai ɔ́tɛmiku Dawid ɔnini, “Uwi ɔmɛni kemmo na Unwoti údie ƒula ukisine ɔbuli ɔ́kya-a enu kemmo. Ndubuti anwu ɔlati lɛtula na lɛkana-nwu lili lɛlɛ kalɔ kunwi kani na ɔɔɔdi kunyɔ.”