Hosea 11:7 - Katɔti Ɔku Kedee

⁷ Mɔɔnu ka mina bekyuli bálɛ ugyii ka bada lɛlɔ bamami-mi lɛlɔ. Na baawia ka beti lɛlɔ bete baƒiɔ bani na baakali ka bebo ɔyikun bétulo-mi, nsu balakana-ma kebunku kadi bute.

Hosea 11:7 ပူးပေါင်းရင်းမြစ်များ

Kɔgya 81:11

“Nsu mina kadi bekyuli béni ɔmɛni na balaƒɔ-mi litemi na badi-ni lɛlɔ.

Agba 14:14

Bekyuli bani muunwíni ulu ɔbuni ɔmmɔ lɛlɔ ni, baakɛ́ bana lɛyuƒɔla. Na bekyuli babuni baakɛ bana lɛbuni kɔsia.

Yesaia 26:10

Si ina bi lɛƒɔndia na ábla belikplune ni, baaadubo bɔti kalɛ na baabla ala siin. Kesii kani na siin bɔbla bɔkya muedi ni, ama likpidi bɔbla lilu lɛlɔ kani na baasia uwi ndi uwi na balánu kalɛ na Unwoti úbomo na uukeye lɛnɔ taati.

Yeremia 14:7

Ɔdi litemi geen ka bula alaekpidi bonwu ani bɔɔbla adubɔkana na aya na ani-bu kɔtu. Nsu si édie-bu ni, Unwoti, ukyuli biala ɔdubo bɔnu kalɛ na ébo.

Yeremia 2:19

Bina likyulikpi ndubo bunwini bina lɛtuni. Na kalɛ na bɛ́ta bínye-mi lɛlɔ na bíni-mi mɔɔdú-mii kɔtɔ. Ɔdi likpidi ku kɔtɔ bɔdu kati kati ka eni ami Unwoti Katɔti ɔsika ɔɔtina ka biláyia-mi munu munu. Ami Unwoti kadi ƒui Katɔti násu.

Yeremia 3:11

“Ɛbɔ Israel kadi bekyuli ɔdi, ɔsika ama básɔ bátanyi ɔkɔ bamba ɔdi banii beesé-mi lisusu lɛdi.

Yeremia 7:25

Ɔ́si uwi ɔni ƒui na bina bati kuuku bátɔlɔ Egyipte ni, uwi ɔmmɔ kani lɛlɔ na mɔɔtala mina kabla bablane kenye bediene taakya-ma nnii babatɛmiku-ma.

Yeremia 7:26

Nsu béni-mi na bébenwini batuɔkplune ku ekpidi bablane bétulo bana bati kuuku bammɔ muedi!”

Yeremia 8:5

Na bi ɔsu na amii bíni bɛnii bilasɔ bilénwini bilebo-mi kudɔ? Na bɛmu bɛsiaku bina baƒiɔ kpakplaa lɛni?

Hosea 11:2

Nsu kɔlɛ kɔlɛ kɔni na mɔɔlɔ-nwu teeboku lɛlɔ aani ubi kalɛ ni, kɔlɛ kɔmmɔ na uusié kama na mina kudɔ. Na baabla akpala teete Baal baƒiɔ na baakyula oloƒui teete ala ani na bávɔ mmɔ.

Hosea 14:4

“Israelƒuɔ, amii néni-mi, nsu mina kɔnyi kɔ́yɔ-mi. Ndubo-mii bɔbwi na lɛyɔ-mii na bɔyɔ bɔmmɔ buuubo kawɔkɔ.

Hosea 4:16

Israelƒuɔ atu ebo ɔkplu aani ebuo ala utine ɔni mbo atuɔkplu na ulenu lɛla lɛdi kalɔ. Dɛ na Unwoti ɔdubɔkana bekyuli bamɛni adila buteete aani baƒonubi na kesii kani na livo lɛbuni lɛkya na bataakun?

Hosea 7:16

“Béni banii belenwini belebo-mi kudɔ na basia Baal baƒiɔ anu bani neeebo ɔyikun ɔdi. Anwuɔsu na bese aani kataminta kani naaadia, na bana batɔnkune ƒui badubo kuwii kenye bɔtɛ na ukyuli tabu ku enyekpi ani na baatɛmi ɔsu. Na Egyipteƒuɔ badubo-ma buti bunwini lɛmala.”