Hosea 11:6 - Katɔti Ɔku Kedee

⁶ Ɔlɛka bekpone bekpoku-ma na bana lɛma linengudi kemmo na begyingya bana lɛma lɛban kɔyakun ƒui. Lɛni na ɔdubɔlɛku mina kadi bekyuli, ɔsika lɛla lɛni na ama bánu ka lɛdia-ma ni, ani na baabla.

Hosea 11:6 ပူးပေါင်းရင်းမြစ်များ

Kɔgya 106:39

Na bana ɔbladu ɔmmɔ ɔsu ama alati lɛnɔ beesé lɛlɔ. Na ɔmɛni ɔ́tina ka bálɛ Katɔti kama.

Kɔgya 106:43

Unwoti uudie nwuna bekyuli bamɛni kɔlɛ kɔlɛ. Nsu bɔta kani baata teenye-nwu lɛlɔ. Na ekpidi ammɔ áya na badaku udu bɔyii ƒui.

Yesaia 18:5

Ɔsika asa na badubɔƒɛ edula ammɔ, kugyii kɔni anwula nénwini ebi na égyie na édu bɔƒɛ mmɔ ni, Katɔti ɔdubuti kewii na udie kɔgba wɛlɛ wɛlɛ kɔmmɔ, na ɔmɛnɛ kɔgba kunengudi kɔmmɔ uwi kalɔ.

Yesaia 27:10

Na Israel lɛma linengudi lɛni na bátu bámana mmɔ ƒui asɔ elénu kɔku kɔdi nina kemmo, ɔsika badubɔda lɛma ku kɔduli kɔmmɔ bewi na kɔkwɛ livo ɔbla aani kalɔ kakwiidi kesii kani na bebuo baaví na beekpeli egyii evete taakun taatɛ mmɔ na evete asa kɔgba kɔmmɔ lɛlɔ.

Yesaia 30:1

Unwoti ɔnini, “Bɔbuɛ ute mina bekyuli bani mɔɔta teenye-mi lɛlɔ. Ama bani mɔɔkya kɔkwɛ na ulu ɔni lɛlɔ na basia babla ala na ɔɔɔdi mina ulu. Biinyimi ala teete lɛlɔ kalɛ na bitaadi-nya lɛlɔ na uwi ɔni na bíteye-mi bítenu. Anwuɔsu na ala ekpidi kani na bili bɛɛbla.

Yesaia 9:14

Anwuɔsu limeyi linwi kani na Unwoti ɔdubɔyila Israel kadi bekyuli udu ɔ́si lili útédu lɛgba, aani kalɛ baamɛnɛ kubo kɔɔƒɛkɛ ku livo alakpi ƒui teewi kalɔ limeyi linwi.

Yeremia 5:17

Bina edula na kadi bekyuli bamɛni badubo bɔdi na bakun bina bebuo. Na adingyii ebi adi elébu na bina adingyii mmo. Na ina ka bɛɛkali bɛnii bɛ́kɛ kakyakɔ na bina awodu kpakplaa ani na bɛ́tu bɛ́mana bina ɔma ɔmmɔ kama ni, badubo-mii lɛma bubo bɔbwɛ na badu bina bebi.”

Yeremia 50:35

“Líte ulu ka kekpo kekpo amii ku bina benengu ku bina kasusu bakyane ƒui.

Kɔnyana Buwulo 2:9

Sion lɛban kɔyakun ƒui kɔ́ƒɛ kúbi anumi kalɔ, na abuala ani mɔɔbala kɔyakun kɔmmɔ kenye ƒui kɔ́ƒɛ eku eku. Na nwuna baga ku bagadine bammɔ ƒui bénwini bekyuli beƒiedi na bakya kɔlɔ bamba kemmo. Nwuna bakpane basɔ balátina ala, na nwuna kenye bediene bammɔ lɛnɔ basɔ balakɛ linyesia lɛdi taasiku Unwoti kudɔ.

Esekiel 20:47

anii ami Unwoti Katɔti ndubo ogya ɔdi bɔtu bɔkya lɛku lɛmmɔ na ɔkyula kugyii kɔwɔdi ku kɔkwiidi biala. Na lɛla lɛdi lɛɛɛdubo ogya ɔmmɔ bɔkana bunine. Na ɔdubo bɔkywi busie katɔ kakɛ na ɔkyula lɛla biala na kesii kani na ɔ́sia úsela mmɔ.

Hosea 10:14

Kekpo kadubo bɔlɛ, na bina lɛma kɔgyumanakɔ kɔni na bɛ́tu ƒui kɔdubo bɔbwɛ. Na bina bekisine badubo-mii lɛla lɛni na Ɔga Salman ɔ́bla Bet-Arbel bɔbla. Na badubuti bebi ku bana beni ƒui baƒiɛmi atakpɛ lɛlɔ badu.

Hosea 10:6

Badubo-ma buti busienku Asiria kalɔ lɛlɔ aani ɔga unengudi ɔmmɔ litela. Na kɔƒa kukpo Israelƒuɔ ka bákya bátaakpa baƒiɔ bammɔ udu ɔsu.

Hosea 13:16

Ndubo Samaria kɔtu bɔni geen na ɔni na ɔ́ta únye-mi lɛlɔ ɔsu. Na bayila-nwu udu na kekpokɔ. Na bebo-nwu bebi baƒiɛmi atakpɛ lɛlɔ na bekpi. Na bawawa bana baƒɔndane.”

Hosea 4:16

Israelƒuɔ atu ebo ɔkplu aani ebuo ala utine ɔni mbo atuɔkplu na ulenu lɛla lɛdi kalɔ. Dɛ na Unwoti ɔdubɔkana bekyuli bamɛni adila buteete aani baƒonubi na kesii kani na livo lɛbuni lɛkya na bataakun?

Hosea 4:17

Eƒraim kaba kemmo bekyuli bamɛni béti lɛlɔ bátámana lɛƒiɔkpa, anwuɔsu bɛnyonu bana keyi bite-ma!

Lewiƒuɔ Ɔda Bubo 26:25

Na lɛya na bina bekisine beduo-mii lɛlɔ ku kuwii na bedie-mii kasi ka bítadi bunyimi bɔmmɔ lɛlɔ ɔsu. Na si uwi ɔni na bísie bitáwia kabɛkɔ na bina lɛma linengudi kemmo ni, ndubudie lɛlɛ likpidi lɛkya-mii na lɛya na biduo bina bekisine enu kemmo.

Lewiƒuɔ Ɔda Bubo 26:31

Na ndubɔyila bina lɛma linengudi udu ku ekpo ani na biisié taatákpa na lini ala ani na bɛɛkyula mmɔ ɔnyi.

Lewiƒuɔ Ɔda Bubo 26:33

Ndubo-mii bugyingya bɔkya kadi bamba bekyuli akɔ na liti mina kewii lɛbɔku-mii. Na lɛya na bina kalɔ ku bina lɛma linengudi ƒui lɛsɔ lɛtɛ ukpludi.

Amos 6:8

Unwoti Katɔti Ɔyikune Ƒui ɔ́kpali anwu ɔlati lɛnyi úse kenye ɔnini, “Amii Yakob kaba kemmo bebi, bɛɛkya-mi kɔnyi geen na bina lɛlɔ katɔ bɔkɔliku ɔsu, na muukisi bina ɔma agbanya ani na bɛ́tu bínyene mmɔ ƒui. Anwuɔsu ndubo-mii atu budie na lɛnyonu-mii ku bina ɔma lɛkya bina bekisine enu kemmo ku bina akɛla ƒui.”

Mika 5:11

Na bina lɛma linengudi ku ɔma kɔgyumanakɔ kɔni na bɛ́tu ƒui ndubo-ku bubile.

Malakai 4:1

“Litemi Bɔtɛ Limeyi lɛdubo ɔni na lɛla lɛdi liletile kuƒi kɔmmɔ. Na limeyi lɛmmɔ lɛdubuse aani lɛyu lɛni náƒɔ ogya ku ogya livongu bonwu lɛni muudie ogya linyemi lɛni ndubo alaekpidi bablane ƒui bɔkyula kede kede aani livo. Na kegyigba iye ugyitu ɔdi ulébu. Ami, Unwoti Ɔyikune Ƒui, násu!

Lɛkpa Ulu 28:52

Na bekyuli bammɔ badubo bebekpoku bina lɛma lɛni ƒui bina Unwoti Katɔti ɔdubo buti bute-mii. Na bina awodu ani na bɛ́tu bínyene ƒui na anya na bɛ́sia anu na kekpo uwi adubo bɔƒɛ.

Lɛkpa Ulu 32:25

Na kekpo kalɛ na bekyuli bekpi beyile lɛblɔnu, na liƒula libeyi kɔduli kemmo. Na bakloƒu ku begblebi badubo bukpi. Na banamu ku benengu lɛnɔ balanu-ma kɔnyana.