Hosea 11:4 - Katɔti Ɔku Kedee

⁴ Ka bana lɛlɔ lɛɛda-mi kubiti na mɔɔyɔ́-ma ɔsu ni, lɛ́da-ma lɛ́kya lɛlɔ. Lɛ́gyu-ma, na lɛ́da-ma lɛ́mana mina kayi, na líbo kalɔ buɛɛ na lɛ́kya-ma adila na bádi.

Hosea 11:4 ပူးပေါင်းရင်းမြစ်များ

Samuel 2 7:14

Ndubɔdi-nwu kɔti. Na anwu lɛnɔ ɔdi mina ubi. Na si ɔ́bla lɛla lɛdi ɔ́ƒiɔ-mi ni, ndubɔni-nwu kɔtu aani kalɛ na ubi ɔti ɔɔní ubidi kɔtu,

Kɔgya 105:40

Belusiene bamɛni béye Unwoti adila na úte-ma baasɛ ku bodobodo ɔ́siku katɔ na bádi bémo.

Israelƒuɔ Bɔlɛ 16:32

Amu na Mose ɔsu ɔnini, “Unwoti úbo-bu ɔda ɔnini, ‘Bɛklibi manna ɔmmɔ kalaku keyile bise bite bina bawɔ bawɔ kalɛ na ama lɛnɔ babanu adila ani na líte-mii na bɛ́di na ketele kemmo uwi ɔni na lɛ́ƒɔ-mii lɛ́siku Egyipte kalɔ lɛlɔ.’ ”

Lɛnu Ƒui Ɔnu 1:4

Kpanku-mi da na bɔtɔlɔ pla! Na awɔ ɔga eti-mi eduoku ƒula kɔtɔma. Lɛlɔ lɛɛyɔ́-bu na ƒula lɛlɔ. Na kalɛ na aayɔ́ bekyuli ubo emini utulo ntɛ mini mini. Ɔdia geen ka bemwi-ɔ.

Yesaia 63:9

Na si ɔ́nu ka béduo lɛbibo lɛdi kemmo ni, uukpóku Unwoti geen na ɔɔyá na nwuna katɔ ɔtu uusié taatáƒɔ teete-ma. Unwoti ɔ́nu kɔnyana geen anwuɔsu na údie nwuna bekyuli ɔ́lɛku bana bubie kemmo. Ɔ́nu-ma lɛlɔ akwa ammɔ kemmo ƒui na use aani bɔgyu na ɔ́gyu-ma ɔda nwuna enu kemmo.

Hosea 2:8

Nsu útati ɔnii antabi ku kamu ku ntɛ buni bɔmmɔ ƒui ni, adi etela ani nási-mi kudɔ. Na nwuna sika ugyiedi ku ɔƒualadi ƒui ni, ami néte-nwu na anwu na ɔda uuyé ala taakpa Baal baƒiɔ.

Lewiƒuɔ Ɔda Bubo 26:13

Ami ndi bina Unwoti Katɔti ɔni nédie-mii ɔ́lɛku Egyipte kalɔ lɛlɔ kalɛ na bɛsɔ bilénwini kabla bablane bilete Egyipteƒuɔ. Na ami náƒɛ kɔgba kɔni nda-mii ƒui kalɛ na ɔdia-mii na bɛkɔliku bina eli katɔ na bisie bɛvi kaduɛ.

Yohane 12:32

Na si uwi ɔni na bekyuli bákɔliku-mi katɔ ni, ndubɔya na bekyuli ƒui bebo-mi kudɔ.”

Korintoƒuɔ 2 5:14

Kristo bɔyɔ bɔni na ubo ute-bu mɔɔdi-bu lɛlɔ. Ɔƒɛni ka bɔ́nu bɔ́ti ka ukyuli unwi nékpi na bekyuli ƒui lili ɔsu ni, ɔmɛni ɔɔtina ka bula ƒui bútu kukpi kɔmmɔ kenye bɔ́nu.

Lɛkpa Ulu 32:12

Na Unwoti lɛti pɛ ɔ́tɔnku nwuna bekyuli ɔni na útawia kebunku kadi útasiku kadi kadi baƒiɔ kudɔ.

Lɛkpa Ulu 32:14

Ɔ́ya na bana ɔmantɛ bakɔ ku bese bákɛ anyi ntu pii. Na bebo baƒonu ku bese ku ɔmantɛ bakɔ bani ndia ntulo. Na bákɛ edula abuni, na bákɛ ntɛ bɔni mɔɔda ɔkwɛ geen.