Hosea 11:2 - Katɔti Ɔku Kedee

² Nsu kɔlɛ kɔlɛ kɔni na mɔɔlɔ-nwu teeboku lɛlɔ aani ubi kalɛ ni, kɔlɛ kɔmmɔ na uusié kama na mina kudɔ. Na baabla akpala teete Baal baƒiɔ na baakyula oloƒui teete ala ani na bávɔ mmɔ.

Hosea 11:2 ပူးပေါင်းရင်းမြစ်များ

Baga 1 12:33

Na kɔbuli maanedi limeyi leevu-lɛlɔndi lɛdi limeyi lɛni na anwu Yerobeam údie úse na uusié Betel taatákyula akpala na lɛkpabi lɛmmɔ lɛlɔ. Na údie-ni aani limeyi bɔdi úte Israelƒuɔ.

Baga 1 18:19

Ɔƒɛni kɔ lɛsa na alɔ Israelƒuɔ ƒui ku Baal kenye bediene eti yaalenwi bammɔ ku Asera kenye bediene eti maane bani na ama ku Isebel baadi na likpo linwi mmɔ na babasiaku-mi na Karmel Kɔbi lɛlɔ.”

Nehemia 9:30

Na ákɛku-ma kayi akwa pii. Na átala ƒula kɔyu ákya ƒula kenye bediene ka basu-ma ɔkplu bɔkya etemila. Nsu ɔmɛni kama ƒui ni, bétenu ƒula litemi. Anwuɔsu ányonu-ma éte bana liku bekyuli.

Yesaia 65:7

Bana ekpidi ani na bábla ku bana bati ekpidi lɛnɔ. Ɔsika bákyula akpala na abi lɛlɔ na bése kayi báta bénye-mi lɛlɔ na abi lɛlɔ mmɔ. Anwuɔsu ndubo bana lɛyuƒɔla keyile kani námanku bana ablala ani návi ƒui bɔƒɔ bute-ma.’ ”

Yeremia 18:15

Nsu amii mina bekyuli bínwini kama bɛ́kya-mi na bísie bɛɛkyula oloƒui teete baƒiɔ bani neeebo kɔsia kɔdi. Na bɛ́da ulu kuuku ɔni lɛlɔ na bɛkɛ bɛ́va na bítéti ulu ɔwɔdi ɔni na bɛɛɛgyi na bɛkɛ biitulo baƒiɔ lidu lidu.

Yeremia 44:5

Nsu béni na bétenu na banii balada bana baƒiɔ bɔkpa lɛnɔ baláya.

Hosea 11:7

Mɔɔnu ka mina bekyuli bálɛ ugyii ka bada lɛlɔ bamami-mi lɛlɔ. Na baawia ka beti lɛlɔ bete baƒiɔ bani na baakali ka bebo ɔyikun bétulo-mi, nsu balakana-ma kebunku kadi bute.

Hosea 2:13

Na ndubo-nwu kɔtu bɔni na uwi ɔni na úti ɔ́kpa Baal baƒiɔ na ɔ́kyula oloƒui úte-nwu kenye. Na ndubo-nwu kɔtu bɔni na uwi ɔni kemmo na údie-mi atu na ɔ́yiƒala-mi na úye kɔkwɛnimi ku asɛɛ lidu ɔ́kya atu ku limɔ ka ɔɔwia ka nwuna basɔnɔ bataayɔ-nwu ɔsu. Ami Unwoti nébimi kenye lɛ́su, na ndubo bɔbla bɔsiaku lɛni!

Hosea 4:13

Bakɛ abi eli baabla akpala na beeti etela teesienku abi eli mmɔ na egyii enengudi lidu ƒui kalɔ, kesii kani na ɔyuli ɔkya kaduɛ na ɔdia bulie na egyii ammɔ kɔgba ku evete ɔsu. Anwuɔsu na bina bebi belekubi bénwini bayalɛ, na bina bebi bele bénwini basɔnɔdine.

Hosea 4:17

Eƒraim kaba kemmo bekyuli bamɛni béti lɛlɔ bátámana lɛƒiɔkpa, anwuɔsu bɛnyonu bana keyi bite-ma!

Sakaria 1:4

Amii bitabla atu ɔkplu aani bina bati kuuku kalɛ. Kenye bediene bedeedi bani nélie bábavi bálɛ-ma kpakplaa geen ka bada bana ɔbladu buɛ baya na benwini bebo-mi kudɔ, nsu béni.

Sakaria 7:11

“Nsu bekyuli bani ƒui nénu kenye bediene bammɔ ala bɔsu bábla atuɔkplu na béni litemi lɛmmɔ bunu. Mmomu bénwini kama bákya lɛla biala na mina kɔyu kɔ́tɔnku kenye bediene kuuku bammɔ na bákɔ-ni lɛsa béte bekyuli. Ɔmmɔ ɔsu na ami Unwoti lɛnɔ lɛ́kɛ kɔnyi geen!

Luka 13:34

“Yerusalem, Yerusalem! Awɔ mɔɔdú Katɔti kenye bediene, na awɔ muubó Katɔti batalane bani na ɔ́tala ɔ́kya-a atabi. Kɔlɛ kɔlɛ sɔɔn mɛni ka líbimi mina enu nnii mɔɔsála-mii aani kalɛ na akɔkɔ uledi uuti nwuna avwi teebi nwuna bebi lɛlɔ, nsu étenu kalɔ.

Yohane 3:19

Lɛla lɛni ɔsu na ɔ́du-ma kɔtɔ ndi ka bukeye bɔ́si katɔ búbo kayawi, nsu bekyuli báyɔ lɛdisa bétulo bukeye bɔmmɔ. Ɔsika bana ablala adi likyulikpi ala.

Batalane Kabla 7:51

Amu na Steƒano ɔ́sɔ ɔ́su-ma ɔnini, “Batuɔkplune geen bɛdi! Amii lɛnɔ bɛɛda atu teedie Katɔti litemi lɛlɔ aani kalɛ na bina bati bábla kalɛ. Uwi ndi uwi bɛɛta teenye Katɔti Kɔyu lɛlɔ.

Litemi Batɛne 10:6

Israelƒuɔ básɔ bábla likpidi na Unwoti anumi. Na likpidi lɛmmɔ ndi ka bésie bakya baakpá baƒiɔ Baal ku Astarot ku Aramƒuɔ baƒiɔ ku Moabƒuɔ baƒiɔ ku Amonƒuɔ baƒiɔ ku Ƒilistiƒuɔ baƒiɔ. Na ka Israelƒuɔ béni na báyu atuɔkplu ka basɔ balasiaku Unwoti ɔsu ni,

Litemi Batɛne 2:13

ɔsika béni Unwoti na bésie baabla kabla teete Baal ku Astarot baƒiɔ.

Litemi Batɛne 3:7

Amu na Israelƒuɔ bábla likpidi na Unwoti anumi. Na ɔkɛnku ɔmɛni ɔsu báyiƒala bana Unwoti Katɔti, na bénwini bátákpa Baal ku Asera baƒiɔ.