Hosea 10:8 - Katɔti Ɔku Kedee

⁸ Na akpabi ani na abi eli mmɔ ƒui adubɔyii udu ka ɔkɛnku bana lɛlɔ ɔsu na Israel ɔ́bla likpidi. Na liyu alakpi ku livo bamba ndubo bɔkwɛ na mmɔ ƒui. Na liƒu ɔsu ni, bekyuli bammɔ badubɔkpali basu abi ammɔ banini, “Bɛbɛla-bu!” Na badubɔsu abinkpo lɛnɔ banini, “Bibebi-bu lɛlɔ!”

Hosea 10:8 ပူးပေါင်းရင်းမြစ်များ

Ala Kalɔ Buse 3:8

Amu ka useyi uwi údu ni, ɔnana ɔmmɔ ku ulekudi bénu Unwoti Katɔti kɔku uwi ɔni na ɔkɛ ɔɔví kemo kammɔ kemmo. Amu na bátábɛ na egyii akɔ kalɛ na Unwoti Katɔti ulanu-ma.

Baga 1 13:2

Unwoti ɔ́kya kenye udiene ɔmmɔ litemi kenye na ɔ́va ɔ́kpali ɔnini, “O lɛkpabi, lɛkpabi! Unwoti ɔnii, ‘Badubo ubi ɔnanabi bɔwɔ na Dawid kaduli na balɔ-nwu banii Yosia. Na ƒula lɛlɔ na ɔdubo bɔdu abi eli baƒiɔkpane ƒui bani nnye ka babla akpala na ƒula lɛlɔ ɔƒaani, na ƒula lɛlɔ na badubɔkyula bana ekubi.’ ”

Baga 1 13:34

Na likpidi lɛmɛni nébo Yerobeam kaduli lɛlɔ na nwuna lɛgadi lɛ́bɔ-nwu. Ɔmɛni ɔsu Katɔti ɔ́yila nwuna udu ɔ́lɛku kayawi kamɛni kemmo.

Baga 1 14:16

Na ɔdubudie Israel atu na likpidi lɛni na Yerobeam ɔ́bla na ɔ́ya na Israelƒuɔ lɛnɔ bábla ɔsu.”

Baga 2 23:15

Na Ɔga Yosia ɔ́sɔ úgyingya akpabi ani lɛlɔ na baakpá na Betel na Nebat ubidi Ɔga Yerobeam ɔ́tu ɔ́lɛ mmɔ uwi ɔni na ɔ́kpanku Israelƒuɔ útákya likpidi kemmo. Ɔga Yosia ɔ́ƒɛ lɛkpa lɛmmɔ na ɔ́bwɛ atabi ammɔ na ɔ́kɔ-nya ɔ́bla ntɔ. Na ɔ́kyula Asera baƒiɔ bani bávɔ bálɛ mmɔ.

Ala Alɛdi 2 31:1

Ka bádi limeyi lɛmmɔ báwɔlɔ ni, bekyuli bammɔ bésie Yuda lɛma ƒui kemmo na bátábwɛ atabi baƒiɔ bani ƒui na bátu bálɛ lɛma lɛmmɔ kemmo. Na békulo lɛƒiɔgyii lɛni na bálɛ béte Asera baƒiɔ mmɔ ƒui béwi kalɔ. Na baƒiɔ lidu biala na bátu na abi eli ku bana akpabi ƒui ni, bábwɛ-ma na Yuda kalɔ lɛlɔ ƒui ku Benyamin ku Eƒraim ku Manase ɔƒɛ kanukɔ kakɛ ƒui béwi kalɔ na bátɔlɔ bésie bana kɔduli.

Yesaia 2:19

Na uwi ɔni na Katɔti ɔdubɔta unye ɔnii ɔɔkunku kalɔ kammɔ ni, nwuna bekisine badubɔkpɛ na bekeli beduo ubu. Na babɛ na libu kemmo na atakpɛ akɔ, na Unwoti bɔyia ku kalɛ na uukeye ɔsu.

Yesaia 2:21

Badubo bukeli butéduo atabi libu bonwu kemmo, na batábɛ atabi yayaaya ammɔ kɔka, na bekeli Unwoti kɔnyi limeyi lɛmmɔ ku nwuna lɛgadi lɛni muukeye na limeyi lɛni na ɔdubɔta unye ɔnii ɔɔkunku kayawi.

Yesaia 32:13

Mina kadi bekyuli kalɔ ƒui kadubunwini liyu kalɔ sɔɔn.

Yesaia 34:13

Baga kesii ku kɔgyumanakɔ kɔni na bátu bényene ƒui kɔdubunwini liyu alakpi sɔɔn ɔni na beƒukutu ku bekuku ndubo mmɔ bulie.

Hosea 10:2

Ɔkɔ ɔnyine bonwu na adi na aládi litemi lɛmmɔ lɛlɔ. Anwuɔsu adubo ƒula ekpidi lili kayu bɔƒɔ, ɔsika Unwoti ɔdubo ƒula akpabi ku baƒiɔ bani na ávɔ mmɔ bɔbwɛ na ɔyila-ma udu.

Hosea 10:5

Na liƒu bonwu lɛdubo bekyuli bani nkya Samaria ƒui buƒie na bewulo kɔnyana na baƒiɔ bani na bátu bényene Bet-Awen. Baƒiɔ bammɔ na bana bakpane baabu na baakun lɛmɛnɛ ka baanu kalɛ na uukeye ku sika ugyiedi ɔsu. Nsu kekpo kadubo-ma buƒie na beti-ma bɔtɔlɔku na unwini-ma kɔƒa na ukyuli biala uteewulo.

Hosea 10:9

Unwoti ɔnini, “Israelƒuɔ, bítada bina ekpidi ani na bɛ́bla na Gibea mmɔ dii bɔbla bítaya tɔ? Ɔmmɔ ɔsu na ala adubo-mii bukpoku na Gibea mmɔ.

Hosea 2:6

Ami Unwoti ndubuti liyu lɛti lɛti lɛgyi ɔban lɛkya-nwu na litile-nwu ulu kɔsiakɔ ƒui na ɔsɔ ulákɛ kuƒi kɔdi.

Hosea 4:13

Bakɛ abi eli baabla akpala na beeti etela teesienku abi eli mmɔ na egyii enengudi lidu ƒui kalɔ, kesii kani na ɔyuli ɔkya kaduɛ na ɔdia bulie na egyii ammɔ kɔgba ku evete ɔsu. Anwuɔsu na bina bebi belekubi bénwini bayalɛ, na bina bebi bele bénwini basɔnɔdine.

Hosea 4:15

“Israel, ina ka aadi kɔsɔnɔ ni, taya na Yuda ɔbla likpidi. “Na teduo Gilgal ɔma kemmo iye esie Bet Awen lɛnɔ na enye mmɔ ese kenye kadi na Unwoti ɔni nli ngba uwi ƒui lɛnyi kemmo!

Hosea 5:8

“Vwi kakpɛɛ na alɛ-ma kpakplaa ete-ma bɔti na benu kekpo kɔku na Gibea kalɔ lɛlɔ ku Rama ku Betel kesii kani na likpidi bɔbla bɔ́ƒɔ mmɔ ƒui. Na bibo kudu na Benyamin kadi bekyuli bavi batɔ!

Hosea 8:5

Na líti kɔnyi lɛ́kya awɔ Samaria ɔma unengudi ɔmmɔ na ƒula baƒiɔ bani na ávɔ na ɔmantɛ akɔ ubi udu kenye mmɔ ɔsu. Uwi ɔmani na aakali ka adubɔsɔ abla sɛɛn na mina anumi?

Hosea 9:6

Na si ina badi bákana ɔgbankpi ɔmmɔ bukeli ni, Egyipte na badubusie batáwɔlɔ, na bava-ma na Memƒis ɔma unengudi kemmo. Na bina sika ɔƒualadi akɛla ƒui adubɔyii akya liyu alakpi akɔ na livo lɛkwɛ lɛƒɔ ekpo ani ƒui na bina nvo búnye ƒui.

Amos 1:5

Na ndubɔƒɛ Damasko ɔma ɔban kayakun lɛbuala lɛni baabala-ka. Na lɛyila Awen Kɔwɛ bekyuli udu ku Bet-Eden ɔga. Na ndubɔya na bekpo na beƒie Siriaƒuɔ ƒui batɔlɔku besienku Kir kalɔ lɛlɔ. Ami Unwoti násu.”

Amos 3:14

“Na limeyi lɛni lɛlɔ na ndubo Israelƒuɔ kɔtu bɔni na bana ekpidi ɔsu ni, ndubo Betel akpabi ammɔ ƒui bɔbwɛ na lɛƒɛ ese ani na bálɛ akpabi ammɔ lɛlɔ ƒui lɛva kalɔ na ɔtumu akɔ.

Amos 7:9

Na ndubɔbwɛ Isak kaba kemmo bebi baƒiɔ kɔkpakɔ kɔmmɔ ƒui na lɛbwɛ Israelƒuɔ kɔkpakɔ kedee kɔmmɔ ƒui. Na lɛbwɛ Ɔga Yeroboam lɛga kadikɔ kammɔ.”

Amos 8:14

Na bani mɔɔbla kɔƒa ala taakpali Samaria baƒiɔ, bani nkya Dan ku Beer-Seba teese kenye ni, badubo bubuli ɔni na basɔ balakana bɔta lɛnɔ.”

Mika 1:13

Amii Lakisƒuɔ, bɛbala bapɔnkɔ bammɔ ku kekpo kɛɛkɛ lɛmmɔ. Amii násiku kalala ala amɛni na Israel bíboku bíbatina Yerusalemƒuɔ.

Mika 1:5

Yakob kaba kemmo bebi bábla ekpidi pii ɔ́si kalɛ na Samariaƒuɔ bátɔnku-ma ɔsu. Lɛni kani na Yerusalemƒuɔ aƒiodu akpabi ani na bátu áya na Yuda ɔ́bla likpidi.

Nahum 3:11

“Niniwe, awɔ lɛnɔ ƒula uwi údu. Adubo ntɛ bukpi na awia ulu ka abɛla lɛlɔ asiku ƒula bekisine kudɔ.

Luka 23:30

Uwi ɔmmɔ ndi uwi ɔni na bekyuli badubɔsu abi ammɔ banini, ‘Bɛbɛla-bu!’ Na badubɔsu abinkpo banii, ‘Bibebi-bu lɛlɔ!’

Lɛkpa Ulu 9:21

Amu na líti lɛla likpidi lɛni bɛ́vɔ mmɔ aani ɔmantɛ akɔ ɔgyani ɔkɔdi na líƒwimi lɛ́kya ogya kemmo. Na lídie-nwu na lɛ́ƒɛ-nwu eku eku, na lɛ́kɔ-nwu na únwini ntɔ, na líbo ntɔ bɔmmɔ líwi ketu kani mɔɔgbá taayu kɔbi kɔmmɔ lɛlɔ.

Budie Taatina 6:16

Bákpali abi ku atakpɛ ammɔ banii, “Bibo na bibebi-bu lɛlɔ na bɛbala-bu kalɛ na anwu ɔni nlie lɛgaboku lɛmmɔ lɛlɔ ulanu-bu, na Koƒonu Ubi ɔmmɔ uláni-bu kɔtu!

Budie Taatina 9:6

Ɔƒɛni na abuli alɔ ammɔ kemmo ni, badubo kukpi bɔwia, nsu balákɛ-ku. Badubɔwia banii beekpi, nsu kukpi kɔdubo-ma bukeli.