Hosea 10:6 - Katɔti Ɔku Kedee

⁶ Badubo-ma buti busienku Asiria kalɔ lɛlɔ aani ɔga unengudi ɔmmɔ litela. Na kɔƒa kukpo Israelƒuɔ ka bákya bátaakpa baƒiɔ bammɔ udu ɔsu.

Hosea 10:6 ပူးပေါင်းရင်းမြစ်များ

Baga 2 17:3

Na Asiriaƒuɔ Ɔga Salmaneser útékpoku Ɔga Hosea. Na Hosea ɔ́kya-nwu kalɔ aani kadi bekyuli bani lɛlɔ na ɔɔdi kalɛ. Ɔmmɔ ɔsu, uuyi kuyi teesienku Asiriaƒuɔ ɔga lɛkwa biala.

Hiob 18:7

Na lɛgba lɛni na nka úteetu kalɔ ni, ɔƒɛni amu akɔnkɔ ammɔ áyɔ. Na kɔkwɛ kɔni na anwu ɔlati ɔ́kya úse ni, aku na ɔdubo butulo bubuli.

Yesaia 1:29

“Kɔƒa ndubo-mii bukpo geen si bɛ́kali bɛ́nu uwi ɔni na bítaakpa ala teete baƒiɔ na egyii enengudi ani bɛ́da bínyene sɛsɛɛ na bina akunkpo ammɔ kemmo. Na bilákɛ anumi kesekɔ si bínyimo alaekpidi lidu lɛni na bɛ́bla na bina nvoma mmo bɔni na bɛ́da bíse bíte lɛƒiɔkpa mmɔ kemmo.

Yesaia 30:3

Anwuɔsu anumi adubo-mii kalɔ buwi na kɔƒa kukpo-mii geen na ɔni na bɛ́kali ka Egyipteƒuɔ Ɔga Ƒarao na mebunku-mii na bɛkɛ kabɛkɔ na nwuna nvo kemmo ɔsu.

Yesaia 45:16

Bekyuli bani ƒui mɔɔvɔ́ baƒiɔ ni, badubo-ma kɔƒa bɔkya na anumi ewi-ma kalɔ.

Yeremia 48:13

Mmɔ na kɔƒa kɔdubo-mii bukpo, ɔsika bina Kemos baƒiɔ baaadu-mii bɔkana bɔƒɔ aani kalɛ na Betel útakana na ɔƒɔ Israelƒuɔ.

Yeremia 7:24

Nsu bina bati kuuku béni na bétenu-mi litemi. Bábla atuɔkplu. Na si ami líti-ma mɔɔsiaku ulu ɔdi ni, na ama beti ɔbambadi.

Esekiel 16:28

Bina bɔtɛ taavi bɔmɛni bútedu-mii ɔkwɛ, anwuɔsu bɛ́sɔ bɛ́ta bɛsiaku Asiriaƒuɔ na bísie bɛɛtɛ-ma kudɔ. Nsu ɔmmɔ lɛnɔ útemo-mii.

Esekiel 36:31

Bɛdubo bina ngba bukpidi bɔni na bílie bíbavi bunyimo na kɔƒa kukpo-mii geen na ala ani na bɛ́bla lɛlɔ.

Daniel 11:8

Na ɔdubuti bana baƒiɔ bammɔ ƒui ɔtɔlɔku usienku Egyipte kalɔ lɛlɔ ku bana lɛkɛ lɛni náƒɔ-ma kuye geen aani sika ɔƒualadi ku ugyiedi. Nsu ɔdubo uwi bɔƒɔ geen asa na wasɔ wekpoku lɛga kadikɔ kamɛni. Na akwa adi kama ni,

Hosea 4:19

Ɔƒɛƒɛɛ kpakplaa ɔni mɔɔkya ligede ɔdubo ubékpo na ɔkpala-ma ku bana akpala ƒui ɔtɔlɔku, na akpala ammɔ eti kɔƒa kuboku-ma lɛlɔ.”

Hosea 4:7

Kalɛ na biimomo teebu ni, lɛni kani na bina alaekpidi lɛnɔ eemomo teebu. Na kenyekɔ ku ɔbu ɔni na bibo ni, bɛ́vumana-nwu bíte kɔƒa ala bɔbla.

Hosea 5:13

“Na uwi ɔni na Israel ku Yuda bekyuli bánu bana ɔlɛ ɔni nda-ma báti ni, békeli bésie Asiria ɔga unengudi kudɔ banii ubunku-ma. Nsu útakana-ma kebunku kadi bute na ɔbwi-ma.

Hosea 8:6

Na Israelni ɔdi nébo úbavɔ baƒiɔ bammɔ úte-ɔ. Nsu ami kani ndi Katɔti unwi ɔmmɔ, anwuɔsu baƒiɔ bammɔ badubo bɔbwɛ bugyingya.

Mika 6:16

“Ala amɛni ndubo-mii bɔlɛku na ɔni na bɛsiaku Ɔga Omri ku ubidi Ɔga Ahab likyulikpi ala bɔbla kama ɔsu. Anwuɔsu ndubo-mii udu bɔyila ku bina akɛla ƒui na kadi bamba bekyuli ƒui bataama-mii na bedumi-mii.”