Hosea 10:5 - Katɔti Ɔku Kedee

⁵ Na liƒu bonwu lɛdubo bekyuli bani nkya Samaria ƒui buƒie na bewulo kɔnyana na baƒiɔ bani na bátu bényene Bet-Awen. Baƒiɔ bammɔ na bana bakpane baabu na baakun lɛmɛnɛ ka baanu kalɛ na uukeye ku sika ugyiedi ɔsu. Nsu kekpo kadubo-ma buƒie na beti-ma bɔtɔlɔku na unwini-ma kɔƒa na ukyuli biala uteewulo.

Hosea 10:5 ပူးပေါင်းရင်းမြစ်များ

Baga 2 10:29

Nsu ɔ́siaku Nebat ubidi Ɔga Yerobeam likpidi kama na ɔ́kpanku Israelƒuɔ na bésie bakya baakpá ɔmantɛ akɔ ɔni bávɔ bálɛ na Betel na Dan kalɛkɛ lɛlɔ.

Baga 2 17:16

Na báda bávia bana Unwoti Katɔti ɔda ɔni ƒui na úbo-ma lɛlɔ. Na bávɔ ɔmantɛ bakɔ bebi inyɔ udu bálɛ na baakpá-ma ku Asera ɔƒiɔgyii. Na baakya lili kalɔ teete ayabi ku Baal baƒiɔ.

Baga 2 23:5

Na ɔga ɔmmɔ ɔ́bɔku bakpane bani Yudaƒuɔ ɔga úti úse ka bataabla akpabi akpala na Yuda abi eli ku Yerusalem amadɔ. Na ɔ́sɔ ɔ́bɔku bakpane bani ƒui baabla akpala teete Baal ku ɔƒɛ ku kɔbuli ku ayabi ku ala bamba akladi.

Ala Alɛdi 2 11:15

Yeroboam ɔlati ɔ́ƒuna nwuna bakpane bani mɔɔkpá na kadi bamba baƒiɔ bani na bése béte lɛlɔ na abi eli mmɔ lɛlɔ na Israel kalɔ lɛlɔ na ekpo ani na ɔ́tu bese ku ɔmantɛ bakɔ bebi ayu ekpidi baƒiɔ ɔ́lɛ mmɔ.

Ala Alɛdi 2 13:8

“Na mɔɔnu ka awɔ ku ƒula bekpone bayikune bani na aanu ka ebo mɛni bɛɛkali ka bɛdubɔkana na binye bɛsiaku lɛgakadikɔ kani na Unwoti úti úte Dawid ku nwuna ɔtɔ kemmo bawɔ. Lɛla lɛni kani na ebo ndi Yeroboam sika ugyiedi baƒiɔ bani na bávɔ béte-ɔ na ɔmantɛ bakɔ bebi udu kenye.

Yesaia 46:2

Aanu baƒiɔ bammɔ enu ku akɔnkɔ nlɛ kalɔ, na bátakana na báƒɔ bekyuli bammɔ ngba na bana ɔgbankpi kemmo. Nsu básɔ bágyu-ma béti baatɔlɔku, ɔni na kekpo kéƒie-ma na bésela kalɔ bamba lɛlɔ.

Hosea 13:2

Na ɔƒaani ni, bɛmu binye likpidi lɛmmɔ kani bɔbla lɛlɔ, na bíti sika ɔƒualadi bɛ́vɔ ɔmantɛ bakɔ bebi udu baƒiɔ bíte lɛlɔ, na básu-mii banii bitaakyula akpala teete-nwu na bɛɛkya-ma kɔgbu taaƒuƒuɛ muedi.

Hosea 4:15

“Israel, ina ka aadi kɔsɔnɔ ni, taya na Yuda ɔbla likpidi. “Na teduo Gilgal ɔma kemmo iye esie Bet Awen lɛnɔ na enye mmɔ ese kenye kadi na Unwoti ɔni nli ngba uwi ƒui lɛnyi kemmo!

Hosea 5:8

“Vwi kakpɛɛ na alɛ-ma kpakplaa ete-ma bɔti na benu kekpo kɔku na Gibea kalɔ lɛlɔ ku Rama ku Betel kesii kani na likpidi bɔbla bɔ́ƒɔ mmɔ ƒui. Na bibo kudu na Benyamin kadi bekyuli bavi batɔ!

Hosea 9:1

Israelƒuɔ, lɛlɔ litayɔ-ɔ munu munu! Na tebimi lɛlɔ aani kalɛ na kadi bamba bekyuli baadi bana emeyi kalɛ, ɔsika ádi lɛyalɛ ágya na álɛ ƒula Unwoti Katɔti kama. Na akɛ eebi taata na kesii biala na beewiile edula, na aaƒɔ́ lɛla lɛdi biala na bɛ́di kuye ka bete-ɔ.

Hosea 9:11

“Ɔmmɔ ɔsu ni, amii Israelƒuɔ bɛdubo bina bukeye bɔyila aani kalɛ na aasɛ uuveyi taatɔlɔ kesii kadi. Na bina beleku basɔ baaadubo kaƒɔ bɔda na bawɔ.

Amos 3:14

“Na limeyi lɛni lɛlɔ na ndubo Israelƒuɔ kɔtu bɔni na bana ekpidi ɔsu ni, ndubo Betel akpabi ammɔ ƒui bɔbwɛ na lɛƒɛ ese ani na bálɛ akpabi ammɔ lɛlɔ ƒui lɛva kalɔ na ɔtumu akɔ.

Seƒania 1:4

Ndubo mbani Yuda ku Yerusalem kɔtu na lɛla biala lɛsɔ lilébu na banu bati na Baal baƒiɔ lɛlɔ. Na bana bakpane ƒui ɔdi ɔsɔ ulenyimo-ma.

Batalane Kabla 19:27

Nsu ɔɔɔdi bula kabla lɛti ndubɔyii udu! Geen geen ni, bula uni baƒiɔ benengudi Artemi lɛnyi ku nwuna ɔbu ɔdubɔyii na Asia mɛni ƒui!”

Yosua 7:2

Amu na Yosua ɔ́tala bananabi badi ɔ́si bana kakyakɔ na Yeriko ka babɛ na besie na batánu kalɛ na ɔma ɔni baalɔ Ai ɔni nkya Betel ɔƒɛ katukɔ na ude Bet-Awen use. Na bésie bátánu sɔsɔ.

Litemi Batɛne 18:24

Na Mika údie kenye ɔnini, “Bíti mina baƒiɔ bani lɛ́vɔ ku mina ɔkpane bɛ́tɔlɔku. Na ɔƒɛni ni, bi nsɔ mbo lite lɛlɔ? Na biiye-mi bɛnii, ‘Bi mɔɔlɛ́ku-mi?’ ”