Hosea 10:12 - Katɔti Ɔku Kedee

¹² Anwuɔsu lɛ́su-ma nnii, ‘Biteegulu kalɔ na bɛgya edula buni ulu lɛlɔ siin na bɛƒɛ kɔnyana bɔnu ebi. Ɔsika uwi údu ka bɛkya lili kalɔ bite ami, bina Unwoti. Na ndubɔya na bɛnu kalɛ na mbo ɔyikun na mɔɔƒɔ́ bekyuli aani kalɛ na ɔnantu ɔɔna teewi kalɔ lɛlɔ.’

Hosea 10:12 ပူးပေါင်းရင်းမြစ်များ

Kɔgya 105:4

Biti bina anu bɛsia Unwoti ku nwuna ɔyikun lɛlɔ na bitaanu-nwu anumi uwi biala.

Kɔgya 72:6

Na aya na ƒula ɔga bekyuli bɔtɔnku bɔbla aani kalɛ na ɔnantu ɔɔna teewi kemmo edula lɛlɔ iye uuwi na kalɔ kaayɔ́.

Agba 11:18

Bekyuli bekpidi ni, uwi klukui kani na bana lɛkɛ liilie. Nsu bekyuli babuni akɛla ni, eetu uwi.

Agba 18:21

Bekyuli bani na atɛ aayu emini ku lɛla lɛni mɔɔsiáku akpanabi, ɔsika unyemi ɔɔkana na ɔdu ukyuli iye ubunku ukyuli ulu ɔbuni lɛlɔ.

Etemila 11:6

Nye kabla lɛlɔ kpakplaa na akya edula lɛdigye ku useyi uwi ka aaagyi ani geen ndubo bɔdia iye si ana ƒui madia.

Yesaia 30:23

Na ɔdubɔya na ɔnantu ɔna uwi ɔbuni lɛlɔ na bina edula ani na bɛ́va adia na emomo geen. Na bina bebuo lɛnɔ bakɛ kadikɔ kabuni na kalɔ ƒiaa lɛlɔ.

Yesaia 31:1

Bɔbuɛ ute amii bani muusié Egyipteƒuɔ kudɔ ka bebunku-mii. Amii muuti bina anu taasia bana bapɔnkɔ beliene lɛlɔ ku bana bapɔnkɔ kɛɛkɛ lɛlɔ ka bemomo na bebo ɔyikun ɔsu. Bɛnu bɛti ka Israel Katɔti Kedee mmomu lɛlɔ na ɔlɛka biti bina anumi bɛsia.

Yesaia 32:20

Unwoti ɔdubute-mii kusɛ kusɛ uwi ɔni na bɛɛvá bina edula na ketu kɔtu na bina bebuo ala betine ku bebuo bamba badubusie bavi ƒaa na lɛla lɛdi lilabla-ma.

Yesaia 44:3

Ndubɔya na ɔnantu ɔna uwi kalɔ kani mɔɔwia ntu na ntukpa bɔlɛ kalɔ kakwiidi kammɔ kemmo. Na ndubuti mina Kɔyu lite bina bawɔ na mina kusɛ kusɛ ɔsiaku bina kaba kemmo bebi.

Yesaia 45:8

“Ndubɔya na ala bɔbla siin bɔsi katɔ na liƒlukutu kemmo bubo aani kalɛ na ɔnantu ɔɔna. Na ngba bɔƒɔ ku ala bɔbla siin bɔkwɛ aani livo na bɔƒɔ kalɔ kammɔ lɛlɔ ƒui kalɛ na ami Unwoti lídie-ka nnii use kalɛ.

Yesaia 48:18

Si bunu na nka bínu-mi litemi ni, nka bíilie kalɔ kpi ku atu bɔyɔ aani kalɛ na ketu kaatɛ taagba buɛɛ na bɛbla siin aani kalɛ na ɛpu ntu bɔɔta ku bukeye.

Yesaia 5:6

Ndubo-ka atu budie na uyi ɔbla lɛku. Na nsɔ neeedie adingyii ammɔ kɔgba akɔ iye lidie livo kana kemmo. Liyu ku alakpi bamba ndubɔƒɔ-ka kemmo. Ndubutile liƒlukutu kuƒi na ɔnantu ɔsɔ ulana ulewi-ka.”

Yesaia 54:14

Ndubɔya na bɛbla bekyuli bani nse siin, na baabla lɛla biala taasiaku ulu lɛlɔ, na bilie kalɔ kpi ɔni na bɛsɔ biláyia lɛla lɛdi, na ala ani muukpóku-mii ƒui adubusie kama ƒui na bina kudɔ.

Yesaia 55:6

Bɛwia Unwoti ɔƒɛni, ɔsika bɛdubɔkana na bɛnu-nwu. Na bɛkpali-nwu, ɔsika ude-mii na ɔdubunu-mii bɔkpali.

Yeremia 50:4

Unwoti ɔnini, “Amii Israel ku Yuda kadi bekyuli, uwi ɔni na ala amɛni adubɔlɛ ni, bɛdubo buwulo na bɛsɔ binwini bisie kalɔ lɛlɔ na bɛkpa-mi bina Unwoti ku Katɔti.

Esekiel 34:26

Badubulie bamana mina kɔbi kedee lɛlɔ. Na ndubo-ma kusɛ kusɛ bute na ɔnantu ɔna ute-ma utulo kalɛ na baawia muedi.

Hosea 12:6

Anwuɔsu binwini bibo bina Katɔti kudɔ na biwi lɛlɔ buɛɛ na biti bina anu ƒui bɛsia-nwu lɛlɔ. Bɛsu litemi geen na bɛdi nwuna litemi lɛlɔ siin na bɛyɔ-nwu.

Hosea 14:1

Israel, sɔ nwini bo ƒula Unwoti Katɔti kudɔ. Ɔsika likpidi lɛ́ya na ébuli.

Hosea 6:3

Anwuɔsu bɛya na bɔkya ɔkplu biala na bɔnu bula Unwoti bɔti. Nwuna bɔda bɔlɛ bɔdi litemi geen aani kalɛ na ɔƒɛ ɔɔtu ɔtanta na ɔkɔ uuubo-nwu kemmo. Na ɔdubo ubaya na lɛlɔ lɛyɔ-bu aani kalɛ na ketudi ɔnantu ɔɔna na kalɔ ku lɛla biala lɛɛyɔ́ buɛɛ.”

Hosea 8:7

“Ɔsika si ágya ɔƒɛƒɛɛ ni, ɔƒɛƒɛɛ ɔni mɔɔkya ligede na adubo bɔnu. Na kamu kani nátakya ebi kalayu taabla ligyie na bekulo-ka bababla lɛdila lɛdi. Na si ina kákya ebi muedi ni, bekisine badubo-ka buyu bɔtɔlɔku-mii kudɔ ƒui.

Amos 5:15

Bini likpidi na bɛyɔ lɛbuni bɔbla. Na bɛya na litemi geen kama bɔsia bɔkya bina etemila katɛkɔ. Ɔƒɛni kalɛ Unwoti Katɔti Ɔyikune Ƒui ɔdubɔnu Yoseƒ kaba kemmo bebi bani nébu kanyana.

Amos 5:4

Unwoti unye ɔɔsu uwi biala ɔnini, “Israel, bɛwia ami Unwoti kama ulu na bɛkɛ ngba bilie!

Amos 5:6

Bɛwia Unwoti kama ulu na bilie ngba! Si ɔɔɔdi lɛni ni, Unwoti ɔdubo ubakyula-mii aani ogya kalɛ. Na Betel ɔdubo bɔkywi kputu kputu buwi kalɔ ɔni na ukyuli ɔdi ulakana-nwu bunine.

Amos 5:8

Unwoti nábla ayabi lidu ɔ́kya katɔ, na enye ana kunyekɔ. Ɔɔyá na usien uugyé kadi nwaa na ɔƒɛ kadi nwaa kaasá teenwini usien. Na uudie ntu na ɛpu kemmo teewi kalɔ lɛlɔ. Nwuna lɛnyi ndi Unwoti.

Luka 13:24

“Kya ɔkplu na asia kayakun kani nse blii suɛ kemmo eduo. Ɔsika bekyuli pii badubɔwia geen banii baasia mmɔ beduo, nsu balakana.

Batalane Kabla 2:18

Na emeyi amɛni kemmo ni, ndubuti mina Kɔyu lite mina kabla bablane banana ku beleku muedi, na badubudie-mi kenye.

Korintoƒuɔ 2 9:10

Katɔti ɔni muute umonsene edula ani na ɔɔgya na uute-nwu adila na ɔɔdi ni, anwu ndubute-nwu edula agyadi ani ƒui na ɔɔwia. Lɛni kani na ɔdubɔya ukyuli siin ala ani na uute ɔya na nwuna kabla buni kanwu ebi pii na bekyuli akɔ.

Yakobo 3:18

Na bekyuli bani mɔɔklibi bekyuli ntɛ ni, kɔsia kɔdubɔlɛ bɔsiku unwi bɔbla ogya ɔni na baakya bekyuli kemmo, aani kalɛ na beedé edula buni na ebi ani na báva kemmo.