Hosea 10:10 - Katɔti Ɔku Kedee

¹⁰ Bina ekpidi bɔbla ásɔ ásia kama ébu, anwuɔsu lɛ́lɛ ugyii ka ndubo bɔya na kadi bamba bekyuli bebékpo-mii na bakya-mii abuli batɔlɔku.

Hosea 10:10 ပူးပေါင်းရင်းမြစ်များ

Baga 1 12:28

Na ka ɔ́wia bekyuli kasusu únu ni, ɔga ɔmmɔ úti sika ugyiedi ɔ́bla bakɔ bebi inyɔ. Na ɔ́su bekyuli bammɔ ɔnini, “Yerusalem busie teesie taatábla akpala ɔdubuduoku-mii lɛlɔ bɔvili. Ɔmmɔ ɔsu ni, O Israel, bɛɛnu bina benwoti bani nákpanku-mii bálɛku Egyipte kalɔ lɛlɔ.”

Hiob 39:10

Adubunye-nwu lɛlɔ na abala-nwu kɔgba anii ugulu kalɔ iye ugyingya lɛti uwi kesii kadi ute-ɔ?

Yesaia 1:24

Ɔmmɔ ɔsu Unwoti Ɔyikune Ƒui, ɔni ndi Israelƒuɔ lɛlɔ ɔdine Ɔyikune ɔ́su ɔnini, ‘Ndubo-mii atu budie aani mina bekisine na mina livoƒi libo-mii lɛlɔ.

Yeremia 15:6

Amii mina bekyuli bíni-mi na bɛ́gyu bɛ́tɔlɔ-mi kudɔ. Lɛ́ɛnɔ-mii kɔnyana bɔnu, anwuɔsu na ndubo-mii udu bɔyila

Yeremia 16:16

“Nsu ɔƒaani ni, ndubuti bekisine bani ndubo-mii buƒie limene-mii na beƒie-mii aani kɔbɛ na ketu na babwi-mii na badu-mii aani alakpi akɔ bebuo na abi eli ku atakpɛ libu kemmo.

Esekiel 16:37

Anwuɔsu ami Unwoti Katɔti ndubo ƒula bayɔne bammɔ bɔsala bani na aayɔ́ ku bani na ekisi ƒui na babasala asa na lidie-ɔ kasɔngya na bana anumi na benye bataanu-ɔ kasɔngya kammɔ.

Esekiel 16:42

Uwi ɔmmɔ asa na mina kayi kadubɔyɔ na lɛda kɔnyi ku kogyulo bukpo lɛya.

Esekiel 23:46

“Anwuɔsu ami Unwoti Katɔti mɔɔsu banwa beleku inyɔ bamɛni nnii ndubo bekyuli lisu lɛdi bɔsala ku kɔnyi na bebedumi-ma na beƒie-ma ala baƒɔ.

Esekiel 23:9

Anwuɔsu lídie Ohola atu líte nwuna Asiriaƒuɔ bayɔne bani na ɔɔyɔ́ geen mmɔ.

Esekiel 5:13

“Bɛdubo mina kɔnyi kpakplaa kɔni na líti lɛ́kya-mii ablala ɔlɛ bunu kaduɛ geen butédu uwi ɔni na medie-mii kasi mawɔlɔ. Na bɛdubo bɔnu bɔti ka kɔnyi kukpidi kɔ́kɔ ami Unwoti na bina litemi tenu ɔsu.

Hosea 10:9

Unwoti ɔnini, “Israelƒuɔ, bítada bina ekpidi ani na bɛ́bla na Gibea mmɔ dii bɔbla bítaya tɔ? Ɔmmɔ ɔsu na ala adubo-mii bukpoku na Gibea mmɔ.

Hosea 4:19

Ɔƒɛƒɛɛ kpakplaa ɔni mɔɔkya ligede ɔdubo ubékpo na ɔkpala-ma ku bana akpala ƒui ɔtɔlɔku, na akpala ammɔ eti kɔƒa kuboku-ma lɛlɔ.”

Hosea 4:9

Na lɛlakpa linwi ndubɔlɛku bakpane ku bekyuli bammɔ ƒui, ɔsika ndubɔni bana ƒui kɔtu na bana ablala ɔsu, na lɛƒɔ-ma kayu kani námanku ala ani na bábla kenye.

Hosea 8:1

“Vwi kakpɛɛ na ebo Israelƒuɔ ɔda na ete-ma bɔti anii bekisine bakɛ bana eli baatú-ma na badubo bebéyu-ma batu aani kasangbii ka bébile mina bunyimi na báta bénye mina ɔda bubo lɛlɔ ɔsu.

Hosea 8:10

Ngyi kesii kani na ndubo-mii bɔkɛ, ina bi kuye na amii ku kalɔ bamba bekyuli bammɔ bɛ́kya ka bɛƒɔ bite-ma, ɔsika bana baga ku benengu bammɔ kani ndubo-mii bususu.

Mateo 22:7

Ɔga ɔmmɔ ɔ́kɛ kɔnyi geen, na ɔ́tala nwuna bekpone na bátádu bekyuli badune bammɔ ƒui na bákyula bana ɔma.

Lɛkpa Ulu 28:63

Kalɛ kani na ɔ́yɔ Unwoti kaƒɔ na ɔbla-mii lɛƒɔndia na bímomo bíbu ni, lɛni kani na ɔdubɔyɔ-nwu kaƒɔ ka ɔyila-mii udu na bina lɛma lɛbla kuliekɔ kukpludi. Na ɔda-mii udie kalɔ kani na nka bísela bitéti binwini bina kadikɔ na bilie mmɔ lɛlɔ.