Hosea 1:2 - Katɔti Ɔku Kedee

² Katɔti ɔ́kpali-mi na ɔ́su-mi ɔnini, “Hosea, téti uleku ɔni mɔɔsiaku banana bamba na bɛwɔ, ɔsika Israel ɔ́lɛ-mi kama aani uleku utidi.”

Hosea 1:2 ပူးပေါင်းရင်းမြစ်များ

Ala Alɛdi 2 21:13

Mmomu elie ngba aani Israel baga bekpidi bammɔ kalɛ na ákya Yuda kadi bekyuli ka bada Unwoti bɔkpa baya kalɛ kani na Ahab ku nwuna ɔtɔ kemmo bekyuli bábla kalɛ. Na awɔ ɔlati ƒula banwani bani na nka badia betulo-ɔ ƒui muedi ádu-ma.

Kɔgya 106:39

Na bana ɔbladu ɔmmɔ ɔsu ama alati lɛnɔ beesé lɛlɔ. Na ɔmɛni ɔ́tina ka bálɛ Katɔti kama.

Kɔgya 73:27

Na bekyuli bani mɔɔlɛ́-ɔ kama ni, ɔkɔ uuubo-nwu kemmo ka badubo bɔyii ku udu.

Yeremia 2:13

“Mina bekyuli, bɛ́ƒiɔ-mi na lilu inyɔ lɛlɔ. Bíni ami ɔni ndi libiɔ lɛni mɔɔyu ntu buni, na biidú ntu teewi abiɔ ani na bíku na bɛ́tu bɛ́kya kalɔ kemmo na ásia kɔka na ntu bulakana-nya kemmo buwi.

Yeremia 2:20

“Na kuuku uwi ɔni návi kemmo ni, bídie-mi atu na bíni ka lɛdi-mii lɛlɔ, na bɛnii bɛsɔ bilabla-mi kabla. Na ɔƒaani ni, baƒiɔ bammɔ na bɛɛkpá na biisié lɛlɔ kudɔ ɔnana ku uleku na egyii bonwu ammɔ ɔyuli kalɔ na abi eli.

Yeremia 2:23

“Dɛ na bɛdubɔkana na bɛsu bɛnini, ‘Bulese lɛlɔ na bútakpa Baal baƒiɔ lɛnɔ’? Amii alati bɛnu ala ani na bɛ́bla na Hinom Kɔwɛ kemmo, kalɛ na bɛkɛ biikeli teesie taasɔ aani baƒlumu bakɔdi bani náƒɛ kɔnu.

Yeremia 3:9

Útekpoku Yuda lɛga kadikɔ munu munu ka úti lɛlɔ únwini ɔyalɛ. Na úbile lɛlɔ ku kalɔ kammɔ ƒui, na beesé lɛlɔ na lɛƒiɔkpa kpakplaa lɛni kemmo na béti lɛlɔ bákya na baakpá atabi ku egyii ɔsu.

Esekiel 6:9

na beténwini batɔntɛne bete-ma na mmɔ. Na si bábla kasusu básiku-mi lɛnɔ ni, badubo bunyimo ka bákya-mi kɔƒa na báta bénye-mi lɛlɔ na baƒiɔ bani na bákpa ɔsu. Na badubɔyɔ ka beni bana lɛlɔ na alaekpidi ani na bábla ɔsu.

Hosea 2:7

Na ɔdubo usi bukeli bɔsiaku nwuna bayɔne, nsu ulásiaku-ma. Na ɔdubɔwia-ma ɔnɔ na ulanu-ma. Ɔmmɔ kama ɔdubɔsu ɔnini, ‘Ndubɔsɔ linwini lisie mina ɔgyani ɔkukudi kudɔ, ɔsika ala ádianku-mi uwi ɔmmɔ kemmo étulo kalɛ na use-mi ɔƒaani.’

Hosea 3:1

Katɔti ɔ́sɔ ɔ́tɛmiku-mi uwi bamba. Na uwi ɔmɛni kemmo ni, bɔsu na ɔ́su-mi ndi ɔnii, “Hosea, ya na ƒula bɔyɔ bɔsɔ bunwini butásia uleku ɔni nálɛ-ɔ kama lɛlɔ, na úudie ɔsɔnɔ ɔni ndi-nwu ɔyɔne. Bla ɔmɛni na eti atina ka mɔɔyɔ́ Israel kadi bekyuli, ina ka bakya baakpá baƒiɔ na adila ani na bábla béte-ma ku egyiibi mmɔ aada-ma ebiti.”

Hosea 5:3

Ngyi Eƒraim kaba bekyuli bani ndi Israelƒuɔ ablala ƒui kede kede, na ɔdi útabɛ-mi. Ɔƒaani bénwini basɔnɔdine na baabla lɛyalɛ ala, na bébile lɛlɔ, na beesé lɛlɔ lɛnɔ.

Marko 1:1

Ɔmɛni ndi litemi buni lɛni nkɛnku Yesu Kristo lɛlɔ ɔni ndi Katɔti ɔlati ubidi.

Lɛkpa Ulu 31:16

Amu na Unwoti ɔ́su Mose ɔnini, “Adubo bukpi. Na ƒula kekpima ni, bekyuli bamɛni badubo-mi kama bɔlɛ na bata benye ɔda ɔni na líbo-ma lɛlɔ. Badubo-mi bɔda buse na besie batátaakpa kadi bamba baƒiɔ na kalɔ kani lɛlɔ bésela betélie mmɔ lɛlɔ.

Petro 2 2:14

Lɛsɔnɔdi lɛ́ƒɔ-ma anu ƒui, na likpidi ala ɔkwɛ uláda-ma bɔda taaya kudii. Baatɔ́lɔ bekyuli bani bɔƒɔtaadi nátayu tɔ ɔkplu. Na baabla ekpidi. Na ama alati bébimi bana kaƒɔ bése ka beteemu ala taadi. Katɔti úwida bekyuli bamɛni geen.

Budie Taatina 17:5

Na nwuna lɛtɛntɛ ni, bénweni lɛsugba lɛnyi lɛdi básia. Babilon, Ɔma Unengudi. Bayalɛ Ƒui Uni Ku Ekisila Ƒui Uni.