Hosea 1:11 - Katɔti Ɔku Kedee

¹¹ Yudaƒuɔ ku Israelƒuɔ ƒui badubɔsala babla unwi na baƒuna ɔtɔnkune unwi. Mmɔ na badubɔsɔ baƒɔ bana kalɔ benwini bana ɔdi, na limeyi lɛmmɔ lɛdubɔbla lɛlɔyɔ limeyi bonwu na Yesreel.”

Hosea 1:11 ပူးပေါင်းရင်းမြစ်များ

Kɔgya 110:3

Na uwi ɔmmɔ ni, adubulie ƒula lɛgaboku lɛlɔ na ada ƒula agala. Na ama bani na ásɔku ábla ɔwɔdi aani ɔtanta amii ƒui badubɔda balɛ ƒula keliekɔ kedee mmɔ.

Yeremia 30:21

Na bina akɔ kani na bɛdubɔkɛ bina ɔtɔnkune bɛsiku. Na si lɛ́lɔ-nwu nnii ubo-mi kudɔ na mina kakpakɔ ni, ɔdubɔni ude-mi na mina lɛkpabi lɛlɔ. Ɔsika ɔdi ulakana-mi bɔni bude si ɔɔɔdi bɔlɔ na lɛ́lɔ-nwu.

Yeremia 30:3

Limeyi lɛdi lɛdubo na ndubɔya na Israel ku Yuda ƒui basɔ babasala na kalɔ kani na líti líte bana bati kuuku mmɔ lɛlɔ.”

Yeremia 30:7

Mina kadi bekyuli, blii kani nébu na bɛdubo abi bubo geen butulo ala ani náalɛku-mii ábavi. Nsu ndubo-mii budie ƒui.

Yeremia 31:33

“Bunyimi bɔni na ami Katɔti mɔɔsu ka ndubo bunyimiku-ma na uwi ɔni ndubo kemmo ndi ɔmɛni. Ndubuti mina ɔda bubo lɛkya-ma kayi kemmo. Na ndubunweni-mu lɛsia-ma kasusu lɛlɔ Ndubɔbla bana Katɔti na ama lɛnɔ babla mina bekyuli.

Yeremia 32:37

“Líti kɔnyi geen lɛ́kya Yerusalemƒuɔ na ndubɔya na begyingya-ma bakya kaƒɔ kɔlɔ lɛlɔ. Nsu ndubo-ma bɔsɔku buboku mɛni limeyi lɛdi na belie ku keyi buɛɛ na lɛla lɛdi lɛsɔ lilékpoku-ma.

Yeremia 50:19

Nsu ndubɔsɔku Israel liboku nwuna kalɔ lɛlɔ. Na badubuse aani baƒonu bani ndubunye badi bemo na Karmel Kɔbi lɛlɔ na Basan kalɛkɛ kani nkya Eƒraim ku Gilead abi lɛlɔ kalɔ kemmo.

Esekiel 39:25

“Ɔƒaani ni, ndubo Israelƒuɔ kɔnyana bɔnu na lɛkpanku-ma lɛsiku baƒɔ lɛma lɛni kemmo na bákya mmɔ lɛsɔku liboku bana kalɔ lɛlɔ. Ɔsika Yakob bebi ku bawɔ na badi, anwuɔsu ndubute-ma kusɛ kusɛ na lɛtina-ma ka nse kedee.

Hosea 2:1

“Anwuɔsu ƒula banwani bananabi ni, ya na balɔ-ma banii, ‘Mina badi,’ na aya na balɔ ƒula banwani belekubi banii, ‘Kɔnyana bɔnu.’

Hosea 3:5

Nsu kama ƒui ni, Israel ɔdubɔsɔ unwini usie nwuna Unwoti Katɔti ku nwuna Ɔga Dawid kudɔ. Badubusie Unwoti kudɔ ku bɔyia ku ɔbu. Na emeyi ekplodi ammɔ kemmo ni, badubɔnu nwuna lɛƒɔndia.

Romaƒuɔ 11:15

Ɔsika uwi ɔni na Katɔti údie-ma atu ni, Katɔti ɔ́sɔku anwu ku kayawi bekyuli ntɛ ɔ́klibi. Anwuɔsu bi na ndubo bɔlɛ si uwi ɔni na Katɔti ɔ́sɔ ɔ́ƒɔ-ma? Ɔdubuse aani kalɛ na ukpine ɔɔsɔ taata teebelie ngba.