Hiob 9:7 - Katɔti Ɔku Kedee

⁷ Na ɔɔbɔku ɔƒɛ na uledie nwuna bukeye, na ɔɔbala ayabi bukeye kenye.

Hiob 9:7 ပူးပေါင်းရင်းမြစ်များ

Hiob 37:7

Ɔmmɔ ɔsu ukyuli biala ɔsɔ ulakana nwuna kabla kadi bɔbla. Mmomu uunye teeti kasusu taasiku ɔyikun bonwu ɔni na Katɔti ubo lɛlɔ.

Yesaia 13:10

Na kayaa ayabi lidu ƒui asɔ elekeye. Na ɔƒɛ ɔni nátu ɔdubo lɛnɔ adubɔbla suu. Lɛni kani na kɔbuli lɛnɔ kɔsɔ kɔɔɔdubo bukeye.

Daniel 4:35

Kalɔ lɛlɔ kadi bekyuli ƒui baaadi lɛla lɛdi na nwuna anumi. Lɛla lɛni mɔɔyɔ́-nwu kaƒɔ na ɔɔbla Ɔɔdi ayabi ku kayaa kammɔ ƒui lɛlɔ. Na ɔɔdi ukyuli biala lɛlɔ na kalɔ lɛlɔ. Na si Katɔti ɔ́bla lɛla lɛdi ni, bulakana-nwu bɔbala iye buye bɔnii, “Bi ndi lɛla lɛni na ábla mɛni?”

Amos 4:13

“Ami nédie abi ku ɔƒɛƒɛɛ. Na ami mɔɔyá na bekyuli baatí mina kasusu. Na ami mɔɔyá na ɔƒɛ kadi kaasá. Na mɔɔkɔ́ taayu abi ammɔ ƒui eli ku kesi kesii. Ami ndi Unwoti Katɔti Ɔyikune Ƒui ɔmmɔ!”

Amos 8:9

“Na limeyi lɛdubo lɛni na ndubɔya na ɔƒɛ ɔda bukeye ɔya ɔƒiiwi ketee na kalɔ kammɔ kabla suu.

Mateo 24:29

“Na lɛbibo emeyi ammɔ kama ni, ɔƒɛ ɔdubɔbla suu, na kɔbuli kɔsɔ kulekeye lɛnɔ, na ayabi adubɔnu asi katɔ, na kayaa ɔyikun ƒui ɔdubɔkunku.

Yosua 10:12

Limeyi lɛmmɔ ni, Unwoti Katɔti úti Amoriƒuɔ ɔkya Israelƒuɔ enu kemmo. Na únye-ma kama na badaku-ma lɛlɔ bɔdi. Na ka ɔƒɛ úsela bɔnu ni, Yosua ɔ́kpali Katɔti momoomo, na Israelƒuɔ bammɔ ƒui bénu ka ɔ́su ɔnini, “Bula Unwoti, ya na ɔƒɛ udi unye na Gibeon ɔma eli, na aya na kɔbuli lɛnɔ kɔsɔ kɔkya Ayalon Kɔwɛ.”

Yosua 10:13

Ɔmmɔ ɔsu ɔƒɛ údi unye, na kɔbuli lɛnɔ kúdi kunye úti útédu ka Israelƒuɔ bádi bana bekisine lɛlɔ. Na lɛla lɛni nálɛ mɛni bénweni-nya bákya ɔku ɔni na Yasor únweni kemmo. Na mmɔ na bénweni banii ɔƒɛ údi unye kayaa limeyi limodi na útéduo lɛyu.