Hiob 9:6 - Katɔti Ɔku Kedee

⁶ Ɔɔkana na ɔkunku kalɔ kammɔ ƒui na kanyonu lɛlɔ útálɛ kana ɔka lɛlɔ muedi.

Hiob 9:6 ပူးပေါင်းရင်းမြစ်များ

Hiob 26:11

Na si údie lɛdi ni, kayaa ala ƒui aakunku.

Kɔgya 114:6

Na amii abi nɔɔ, bi ɔsu na bina ɔbladu use aani kalɛ na bese baaƒulu? Na amii abinkpo bise aani kalɛ na baƒonubi baaƒulu.

Kɔgya 114:7

O amii kalɔ ku kana lɛlɔ ala, lɛlɔ litaatɔ-mii ku bɔyia ka Unwoti ɔni ndi Yakob Katɔti ɔ́da ɔ́lɛ ɔsu.

Kɔgya 75:3

Ina dɛ na lɛlɔ lɛɛtɔ́ kayawi ala ediedi ƒui na kalɔ kemodi kammɔ kaakunku dɛ ni, ndubɔda-ka linyene kana ɔka lɛlɔ na kalɔ kemmo lɛtabi kpakplaa lɛlɔ.

Yesaia 2:19

Na uwi ɔni na Katɔti ɔdubɔta unye ɔnii ɔɔkunku kalɔ kammɔ ni, nwuna bekisine badubɔkpɛ na bekeli beduo ubu. Na babɛ na libu kemmo na atakpɛ akɔ, na Unwoti bɔyia ku kalɛ na uukeye ɔsu.

Yesaia 2:21

Badubo bukeli butéduo atabi libu bonwu kemmo, na batábɛ atabi yayaaya ammɔ kɔka, na bekeli Unwoti kɔnyi limeyi lɛmmɔ ku nwuna lɛgadi lɛni muukeye na limeyi lɛni na ɔdubɔta unye ɔnii ɔɔkunku kayawi.

Yesaia 24:1

Bɛnu, Katɔti ɔdubo kalɔ kammɔ ƒui bubile na kana anumi kasɔ kaladia lɛla lɛla. Na ɔdubɔbɔku bekyuli bammɔ ƒui ɔkya kalɔ kammɔ ekpo ekpo.

Yeremia 4:24

Abi ammɔ aakunku na eesié taasɔ.

Yoel 2:10

Na kalɔ ƒui kaagyú taawɔ na kayaa kaakunku. Na ɔƒɛ ku kɔbuli ƒui kɔ́bla suu na ayabi lɛnɔ áda bukeye áya.

Hagai 2:21

“Su aban ɔgadine unengudi Serubabel ku ɔkpane unegudi Yosua anini, ‘Ndubo katɔ ku kalɔ kammɔ bɔkunku.

Hagai 2:6

Na uwi uletu nsɔ ndubo katɔ ku kalɔ ku ɛpu ku kalɔ kakwiidi kammɔ ƒui bɔkunku.

Hebriƒuɔ 12:26

Uwi ɔmmɔ kemmo ni, nwuna lɛdi lɛkunku kayawi. Nsu ɔƒɛni ni, ɔ́su-bu úse ɔnini, “Nsɔ ndubo kayawi kammɔ bɔkunku kunwi. Na ɔɔɔdi aka lɛti, mmomu ku katɔ lɛnɔ.”

Budie Taatina 20:11

Ɔmmɔ kama ni, lɛ́nu lɛgaboku bonwu ƒuala ƒuala lɛdi ka Katɔti ulie-ni lɛlɔ. Na ka ɔ́da ɔ́lɛ ni, kalɔ ku katɔ ƒui káyii na asɔ alánu-ka lɛla lɛdi na kesii kadi.

Samuel 1 2:8

Anwu mɔɔtalaku bawabane katɔ na baalɛ́ ɔtumu akɔ, na bani mɔɔyaki ala mmɔ baata ntɔ kewikɔ, na beelie kuliekɔ kunengudi kɔni bagabi beelie. Unwoti nése kalɔ kammɔ ƒui lɛtabi ɔka kalɔ. Na nwuna lɛlɔ na ɔ́tu kayawi ƒui ɔ́lɛ na kadi nwuna kadi.