Hiob 9:12 - Katɔti Ɔku Kedee

¹² Si úkpeli lɛla lɛdi ɔ́ƒɔ na ukyuli enu kemmo ni, ɔma ndubo bɔnwanɛku-nwu, iye uye-nwu ɔnii, ‘Bi na aabla?’

Hiob 9:12 ပူးပေါင်းရင်းမြစ်များ

Samuel 2 16:10

Nsu Ɔga Dawid ɔ́su ɔnini, “Seruia bebi, bi nkɛ-mii na lɛmɛni lɛlɔ? Ɔƒɛni kalɛ Unwoti násu-nwu ɔnini, ‘Teesie na etéwida Dawid.’ Ɔma ndubɔkana na weye ɔnini, ‘Bi ɔsu na aasu lɛni?’ ”

Hiob 1:21

Mmɔ na ɔ́su ɔnini, “Kasɔngya na mina uni ɔ́wɔ-mi ɔ́lɛku nwuna kaƒɔ kemmo, na kasɔngya kani na ndubɔsɔ linwini. Unwoti néte, na Unwoti násɔ ɔ́ƒɔ. Bemwi Unwoti lɛnyi!”

Hiob 10:7

Agyi ka ńtaƒiɔ-ɔ, na ukyuli ɔdi lɛnɔ uuubo na wakana-mi budie bɔsiku ƒula enu kemmo.

Hiob 11:10

“Si banii Katɔti ɔ́ya na bákya-a ɔtɔ iye úti-ɔ úsienku litemi lɛdi katɛkɔ ni, ɔma ndubɔkana na ɔta unye-nwu lɛlɔ?

Hiob 23:13

“Nsu anwu lɛti pɛ kani ndi Katɔti na ulávumana, na ukyuli ɔdi ulakana-nwu lɛlɔ bɔta bunye lɛnɔ.

Hiob 33:13

Na bi ɔsu na aakyaku-nwu unyeƒi anii ulákpete-ɔ, na ulédie lɛla lɛni na eeye-nwu kenye ulete-ɔ?

Hiob 34:29

Na ina bunye na únye ɔ́nu na útakpete-ma muedi ni, kadi bekyuli bamani, munuu ɔma ndubɔkana na udie Katɔti bɔƒiɔ bɔdi? Na si bɔbɛla na ɔ́bɛla nwuna anumi ni, ɔma ndubɔnu-nwu? Anwu kani mɔɔdi bekyuli ku kadi ƒui lɛlɔ.

Etemila 8:4

Ɔga litemi lɛdi ɔda bubo na ɔdi ɔɔɔdubo bɔta kalɛ kalɛ na uye-nwu ɔnii bi ɔsu na ɔɔbla lɛla lɛdi na ulu ɔdi lɛlɔ.

Yesaia 43:13

Ami ndi Katɔti ɔƒɛni ku uwi ɔni mebo lɛnɔ úsela ƒui. Ukyuli ɔdi ulakana-mii buƒie bɔƒɔ mina kudɔ na ɔdi lɛnɔ ulakana bunye bɔda-mi ulu lɛlɔ.

Yesaia 45:9

“Libui lɛvɔdi lilákyaku nwuna ɔvɔne unyeƒi. Anwuɔsu ni, Israel, eeebo kuƒi kɔdi ka awɔ ku ƒula Udiene bɛkya unyeƒi ɔdi, ɔsika lɛvɔbui kani na adi na ɔvɔne ɔ́vɔ-ɔ kalɛ na ɔɔyɔ́. Na lɛvɔbui liléye nwuna ɔvɔne ɔnini, ‘Bi ɔsu na ávɔ-mi lɛni iye átati-mi bɔvɔ na átabla-mi lɛmɛni ku lɛni ngye?’

Yeremia 18:6

“Amii Israel kadi bekyuli, ami Unwoti mbo ɔyikun na bina lɛlɔ aani kalɛ na ala ɔvɔne ɔmɛni ubo ɔyikun na nwuna lɛvɔti lɛlɔ.

Daniel 4:32

Badubo-ɔ bɔbɔku na eteesie atákya alakpi akɔ ku bebuo bammɔ na alɛ bekyuli akɔ. Na livo na adubo bɔkun akwa maatɛ aani ɔmantɛ akɔ úti útédu uwi ɔni na adubɔnu ati ka Katɔti Ɔni Ntulo Ƒui mɔɔdi kayawi lɛga kadikɔ biala lɛlɔ, na anwu mɔɔƒuna bana lɛlɔ ɔdine lɛnɔ.”

Daniel 4:35

Kalɔ lɛlɔ kadi bekyuli ƒui baaadi lɛla lɛdi na nwuna anumi. Lɛla lɛni mɔɔyɔ́-nwu kaƒɔ na ɔɔbla Ɔɔdi ayabi ku kayaa kammɔ ƒui lɛlɔ. Na ɔɔdi ukyuli biala lɛlɔ na kalɔ lɛlɔ. Na si Katɔti ɔ́bla lɛla lɛdi ni, bulakana-nwu bɔbala iye buye bɔnii, “Bi ndi lɛla lɛni na ábla mɛni?”

Mateo 11:26

Sɔsɔ Ati, lɛni na aayɔ́ ka ɔlɛ.”

Mateo 20:15

Mbo kuƒi na lɛblaku mina egulabi kalɛ na mɔɔyɔ́. Anwuɔsu ɔƒɛ utada-mii na mina lɛƒɔndia lɛlɔ.’ ”

Romaƒuɔ 11:34

Lɛni na Bunweni Kedee Ɔku ɔɔsu ɔnini, “Ɔma náti Blɔti kasusu dii? Na ɔma mɔɔkya-nwu kasusu?

Eƒesoƒuɔ 1:11

Katɔti ɔ́bla ala ƒui na nwuna kasusu ku bɔyɔ kenye na abu ku Kristo unwi bɔbla ɔsu. Na Katɔti ɔ́ƒuna-bu ka bɔbla nwuna bebi ɔkɛnku nwuna kasusu kani na ɔ́bla úse kalɔ kesekɔ ƒui lɛlɔ.