Hiob 7:16 - Katɔti Ɔku Kedee

¹⁶ Ngyi ka lɛɛɛdubo bulie buteesie uwi ƒui. Na ngba bumodi bɔmmɔ búkpi-mi ɔkwɛ na líni-mu. Anwuɔsu te-mi bɔnwuna na edie-mi ulu na lɛtɔlɔ ngba bɔmɛni kemmo, ɔsika bɔsɔ buuubo-mi kɔsia kɔdi.

Hiob 7:16 ပူးပေါင်းရင်းမြစ်များ

Ala Kalɔ Buse 27:46

Ɔmmɔ kama ni, Rebeka úsie útásu ɔgyani Isak ɔnini, “Mina ngba bɔni na nli buukpóku-mi na Hetiƒuɔ beleku bamɛni ablala ɔsu. Na si Yakob lɛnɔ úti Hetiƒuɔ beleku bamɛni akɔ ɔdi ni, amu nsɔ lɛɛɛgyi kesii kani na mina ngba búsela.”

Baga 1 19:4

na anwu lɛti ɔ́sɔ úsie limeyi linwi ulu na ɔkɛ ketele kalɔ kakwiidi kemmo. Na ka úbedu kugyii kɔdi kalɔ ni, ɔ́yu úlie kalɔ mmɔ na ɔ́kpali Katɔti úvele ka ɔya na ukpi. Na ɔ́su ɔnini, “Lɛ́ɛnɔku-ni. Ƒɔ-mi ngba, ɔsika lɛɛɛdia liiitulo mina bati kuuku.”

Hiob 10:1

“Unwoti, lɛ́ɛnɔ ku mina ngba ɔƒɛni amu. Anwuɔsu na mɔɔkpali-ɔ taasiku mina kayi kemmo ƒui, ɔsika lɛ́yila lɛnunsia biala.

Hiob 10:20

Emeyi alɛɛ nébu-mi, anwuɔsu ya na lɛkɛ bɔnwuna na ebiti blii adi ada-mi,

Hiob 14:6

Anwuɔsu, da atu die ukyuli lɛlɔ, kalɛ na ɔdi lɛla lɛni na ɔdubɔkɛ aani kabla ɔblane kalɛ.

Hiob 6:9

Na ani ndi ka udie-mi ulu na likpi kani na ɔsa!

Hiob 7:15

Na nka mɔɔwia ka mina ɔƒɛƒɛɛ ɔsa-mi kɔnakunwi na likpi, utulo si nli ngba muunú ɔlɛ ɔmɛni.

Hiob 7:7

O Unwoti, tayiƒala ka mina ngba buse aanii kalɛ na banwuna ɔƒɛƒɛɛ ukplodi. Na mina anumi asɔ aaadubo ebiti adi bɔnu kudii.

Hiob 9:21

“Mɔɔnu ka lɛla lɛdi lɛɛɛda-mi, na lɛɛɛdaku-ni ku lɛla lɛni mɔɔlɛ́ku-mi, ɔsika mina ngba bumodi bɔmmɔ bɔ́bɔ-mi.

Kɔgya 144:4

Buse aani ɔƒɛƒɛɛ. Na bula emeyi ese aani ɔƒɛ ɔyuli ɔni mɔɔyii taakya kani na ɔ́sa.

Kɔgya 39:10

Muuvele-ɔ, da-mi kɔtu bɔni ya, ɔsika lɛlɔ líitu-mi lɛ́vili na kɔtu bɔni bɔmmɔ ɔsu.

Kɔgya 39:13

Da kɔnyi buti na mina lɛlɔ ya, na aya na lɛsɔ lɛkɛ ebiti asa likpi lɛlɛ kayawi kamɛni kemmo.”

Kɔgya 39:6

Geen ni, ukyuli ngba buuubo bɔyii taakya aani ukyuli kɔyu kɔni muuwi kalɔ. Na keeke na uutú lɛlɔ ɔnii ɔɔsála ala ute lɛlɔ. Nsu ɔɔɔgyi ukyuli ɔni ndubo ala ammɔ bɔdi.

Kɔgya 62:9

Ukyuli ɔɔɔdi ku lɛla. Na use aani ɔƒɛƒɛɛ ɔni nékpo ɔ́vi kani. Bani mɔɔnu ka bebo kenyekɔ ku bani nkya-ma kalɔ ƒui lɛkooƒo bana ƒui badi. Baakali ka bebo unu si bákɔku-ma bánu. Nsu ɔƒɛƒɛɛ muedi ubo unu utulo-ma.

Kɔgya 78:33

Ɔmmɔ ɔsu na ɔ́ya na ɔgbankpi úbo-ma lɛlɔ na bana ngba bɔ́da liku na búbo kawɔlɔkɔ kɔnakunwi.

Kɔgya 78:39

Katɔti ɔ́kali ɔ́nu ka bekyuli keeke kani na bayawine badi na bana uwi use aani ɔƒɛƒɛɛ ɔni muukpó taabavi mɔɔnwuna taavi na ɔsɔ ulenwini teebo.

Etemila 2:17

Anwuɔsu muukisi ngba bumodi bɔmmɔ, ɔsika lɛlɔ lɛni na ukyuli uutú na ɔƒɛ kemmo bɔdi etila geen. Na ɔmɛni ƒui uuubo kalɔ budie. Mmomu use aani kalɛ na beekeli taasiaku ɔƒɛƒɛɛ.

Yeremia 8:3

“Amii Yudaƒuɔ kadi bekyuli badi bɛdubo bubu bulie ngba, nsu ndubunye-mii lɛlɔ na beƒie-mii besienku baƒɔ kalɔ lɛlɔ. Na ami Unwoti Ɔyikune Ƒui násu kenye kamɛni.”

Yona 4:3

Ɔƒɛni ni, Unwoti, ya-mi likpi. Si líkpi ɔdia-mi utulo ka lilie ngba.”

Yona 4:8

Ka kadi kammɔ kaata ni, Katɔti ɔ́ya na ɔƒɛƒɛɛ ɔni náƒɔ ogya úkpo ɔ́si ɔƒɛ katukɔ úbewi Yona lɛlɔ, na ɔ́ya na ɔƒɛ ɔmmɔ kenye lɛnɔ káyu ɔkplu. Anwuɔsu anumi ánwu-nwu kɔnakunwi, na ɔɔyɔ́ ka ukpi muedi. Ɔmmɔ ɔsu Yona ɔkya ɔɔdɔ na ɔɔká ala ɔnini, “Si líkpi muedi ni, nka ɔdia-mi utulo ɔni na nli ngba mɛni.”