Hiob 5:9 - Katɔti Ɔku Kedee

⁹ Ɔsika ɔɔbla akɔla ala budie taatina ani kalɔ na bulakana bunu iye bɔti-nya bɔka muedi.

Hiob 5:9 ပူးပေါင်းရင်းမြစ်များ

Hiob 10:16

Na uwi biala na lɛ́bla kasusu nnii mɔɔtalaku lɛlɔ blii ni, na eebó-mi taava kalɔ ku ƒula ɔyikun ala bɔbla aani kalɛ na gyata ɔɔtú ebuo teeƒie.

Hiob 13:1

“Ala ani ƒui na bɛ́ka mɛni ni, adi átabɛ-mi. Lɛ́ɛnu, na línu-nya ƒui, na ngyi-nya kalɔ lɛnɔ.

Hiob 37:14

“Hiob, wi lɛlɔ buɛɛ na asɔku kasusu abla asiku Katɔti akɔla ala budie taatina lɛlɔ.

Hiob 37:16

Na bɔgyi na agyi kalɛ Katɔti ɔni ngyi ala ƒui ɔ́bla liƒlukutu lɛmmɔ na lɛƒa kayaa ɔsu na lilanu?

Hiob 37:5

Na akɔla budie taatina lidu lidu lɛɛlɛ́ na kayaa, ɔni na bula ɔdi ulakana-nya kalɔ bunu.

Hiob 42:3

Éye-mi anini, ‘Ɔma mɔɔtɛmi taasiku ala ani na lɛ́lɛ ugyii lɛlɔ lɛni na lɛla tati kemmo?’ Na sɔsɔ ni, lɛ́tɛmi lɛ́siku ala ani na mina kasusu kétenu kalɔ lɛlɔ. Na ana lɛlɔ ala ku kalɔ bunu ese-mi kalɛ kadi.

Hiob 9:10

Ukyuli ɔdi ɔɔɔdubo Unwoti ablala kalɔ bunu. Na ɔdi lɛnɔ ulakana nwuna akɔla budie taatina bɔka.

Kɔgya 139:18

Na si banii baka ƒula kasusu ni, ketulo ɛpu kɔnwinimi. Na si lɛ́gyinya na nkɛ ni, ƒula kudɔ kani na nli.

Kɔgya 145:3

Unwoti Katɔti úbomo geen, na ɔ́manku bumwi. Na nwuna ɔyikun ni, ukyuli ɔdi ulénu-nwu kalɔ kudii.

Kɔgya 40:5

O Unwoti Katɔti, ábla ala ebendi pii geen. Na ebo kasusu buni geen ete-bu. Ukyuli ɔdi uuubo ƒula kalɛ. Na naaakana ƒula ablala bɔka bɔtina, ɔsika emomo!

Kɔgya 40:6

Akpala ku etela alaƒɔ-ɔ anu. Na aláwia anii bekyuli beboku akpala ani bákyula ku ekpidi lili buvele akpala. Mmomu anii nse atu na linu ƒula litemi.

Kɔgya 72:18

Bimwi Unwoti Israel Katɔti, ɔsika anwu kani mɔɔbla akɔla ala budie taatina amɛni udu.

Kɔgya 86:10

Ɔsika awɔ lɛti kani ndi Katɔti na ébomo na aabla akɔla ala budie taatina.

Etemila 3:11

Katɔti ɔɔyá na lɛla biala lɛɛlɛ́ na uwi lɛlɔ pɛpɛɛpɛ. Nsu bula ɔdi biala ulenu ala ani ƒui na ɔ́bla kalɔ taawɔlɔ geen. Na ɔɔyá na bula kasusu keekpóku-bu, na buuye lɛlɔ ala ɔ́siku ala ani na Katɔti ɔ́bla, ɔ́si uwi ɔni náavi úti úsela uwi ɔni ndubo lɛlɔ.

Yesaia 40:28

Bɛɛɛgyi na bítenu dii lɛnɔ ka Unwoti ndi Katɔti ɔni nli usela uwi ƒui, na anwu nédie kayawi ku kana kemmo ala ƒui? Lɛlɔ liletu-nwu kudii na ukyuli ɔdi lɛnɔ ulakana-nwu kasusu bɔkɔku bɔnu kalɛ na kese.

Romaƒuɔ 11:33

Katɔti úbomo geen na ala abuni ƒui ási-nwu kudɔ. Na geen ni, ɔ́da anu na ɔgyi ala ƒui kemmo kaduɛ. Ukyuli ɔdi ulénu ulu ɔni lɛlɔ na ɔɔsia taatɛ litemi kalɔ. Na ukyuli ɔdi ulénu lilu lɛni lɛlɔ na ɔɔsia taabla nwuna ala kalɔ.